1Peter 2

א וְעַתָּה הָסִירוּ מֵאִתְּכֶם כָּל־רֶשַׁע וְכָל־מִרְמָה וַחֲנֻפָּה וְקִנְאָה וְכָל־לָשׁוֹן רָע׃

ב וּכְעׂלֲלִים אֲשֶׁר מִקָּרוֹב נוֹלָדוּ הִתְאַוּוּ לֶחָלָב הַשִׂכְלִי וְהַזָּךְ לְמַעַן תִּגְדְּלוּ־בוֹ לַתְּשׁוּעָה׃

ג אִם־אָמְנָם טְעַמְתֶּם כִּי־טוֹב הָאָדוֹן׃

ד אֲשֶׁר נִגַּשְׁתֶּם אֵלָיו אֶל־אֶבֶן חַיָּה אֲשֶׁר מָאֲסוּ־בָהּ בְּנֵי־הָאָדָם וְהִיא נִבְחָרָה וִיקָרָה לֵאלׂהִים׃

ה וְגַם־אַתֶּם כַּאֲבָנִים חַיּוֹת נִבְנֵיתֶם לְמִשְׁכַּן הָרוּחַ לִכְהֻנַּת קׂדֶשׁ לְהַעֲלוֹת זִבְחֵי־רוּחַ לְרָצוֹן לֵאלׂהִים בְּיֵשׁוּעַ הַמָּשִׁיחַ׃

ו וְזֶה הוּא שֶׁאָמַר הַכָּתוּב הִנְנִי יִסַּד בְּצִיּוֹן אֶבֶן פִּנָּה אֶבֶן בֹּחַן וִיקָרָה וְהַמַּאֲמִין בָּהּ לׂא יֵבוֹשׁ׃

ז לָכֵן לָכֶם הַמַּאֲמִינִים הִיא אֶבֶן הַיְקָר אֲבָל לַסּוֹרֲרִים הָאֶבֶן אֲשֶׁר מָאֲסוּ הַבּוֹנִים הָיְתָה לְרׂאשׁ פִּנָּה וּלְאֶבֶן נֶגֶף וּלְצוּר מִכְשׁׂל׃

ח וְהֵם נִכְשְׁלוּ יַעַן לׂא שָׁמְעוּ לַדָּבָר וְלָזׂאת גַּם־נוֹעָדוּ׃

ט וְאַתֶּם הִנְּכֶם זֶרַע נִבְחָר מַמְלֶכֶת כּׂהֲנִים וְגוֹי קָדוֹשׁ וְעַם סְגֻלָּה לְמַעַן תְּסַפְּרוּ תְּהִלּוֹת הַקּוֹרֵא אֶתְכֶם מֵחׂשֶׁךְ אֶל־אוֹרוֹ הַנִּפְלָא׃

י אֲשֶׁר לְפָנִים לׂא־עָם הֱיִיתֶם וְעַתָּה עַם אֱלׂהִים וַאֲשֶׁר לְפָנִים לׂא רֻחָמוּ וְעַתָּה מְרֻחָמִים׃

יא חֲבִיבַי אַזְהִירְכֶם כְּגֵרִים וְתוֹשָׁבִים הִנָּזְרוּ מִתַּאֲוֹת הַבָּשָׂר הַמִּתְגָּרוֹת בַּנָּפֶשׁ׃

יב וְהֵיטִיבוּ דַרְכְּכֶם בַּגּוֹיִם לְמַעַן יַבִּיטוּ אֶל־מַעֲשֵׂיכֶם הַטּוֹבִים וִיכַבְּדוּ אֶת־הָאֱלׂהִים בְּיוֹם הַפְּקֻדָּה תַּחַת אֲשֶׁר חֵרְפוּ אֶתְכֶם כְּפׂעֲלֵי אָוֶן׃

יג וְהִכָּנְעוּ לְכָל־פְּקֻדַּת אָדָם לְמַעַן הָאָדוֹן אִם־לַמֶּלֶךְ כָּרָאוּי לָרׂאשׁ׃

יד אִם־לַמּׂשְׁלִים כָּרָאוּי לַשְּׁלוּחִים מֵאִתּוֹ לְנִקְמַת פּׂעֲלֵי אָוֶן וְלִתְהִלַּת עׂשֵׂי טוֹב׃

טו כִּי כֵן רְצוֹן אֱלׂהִים שֶׁתַּעֲשׂוּ הַטּוֹב וְתִסְכְּרוּ אֶת־פִּי אִוֶּלֶת הָאֲנָשִׁים אֲשֶׁר אֵין־בָּם דָּעַת׃

טז כַּחָפְשִׁים וְלׂא־כְאִלּוּ הָיְתָה לָכֶם הַחֻפְשָׁה לְמִכְסֵה הָרָעָה כִּי אִם־כְּעַבְדֵי אֱלׂהִים׃

יז נַהֲגוּ כָבוֹד בְּכָל־אִישׁ אֶהֱבוּ אֵת הָאַחִים יִרְאוּ אֶת־אֱלׂהִים כַּבְּדוּ אֶת הַמֶּלֶךְ׃

יח הָעֲבָדִים הִכָּנְעוּ לִפְנֵי אֲדׂנֵיכֶם בְּכָל־יִרְאָה לׂא לִפְנֵי הַטּוֹבִים וְהָעֲנָוִים בִּלְבַד כִּי אִם־גַּם־לִפְנֵי הָעִקְּשִׁים׃

יט כִּי חֶסֶד הוּא לָאִישׁ כִּי־יִשְׂבַּע מַמְּרׂרִים וִיעֻנֶּה חִנָּם לְמַעַן דַּעַת הָאֱלׂהִים׃

כ כִּי אִם־תֶּחֶטְאוּ וּסְבַלְתֶּם מַכּוֹת אֶגְרוֹף מַה־תִּתְהַלָּלוּ אֲבָל אִם־תְּעֻנּוּ וּסְבַלְתֶּם בַּעֲשׂוֹתְכֶם הַטּוֹב חֶסֶד הוּא מִלִּפְנֵי אֱלׂהִים׃

כא כִּי לָזׂאת נִקְרֵאתֶם כִּי גַם־הַמָּשִׁיחַ עֻנָּה בַעַדְכֶם וְהִשְׁאִיר לָכֶם מוֹפֵת לָלֶכֶת בְּעִקְּבוֹתָיו׃

כב אֲשֶׁר לׂא חָמָס עָשָׂה וְלׂא מִרְמָה בְּפִיו׃

כג אֲשֶׁר שָׁמַע חֶרְפָּתוֹ וְלׂא הֵשִׁיב נַעֲנָה וְלׂא גָעַר כִּי אִם־מָסַר דִּינוֹ לַשּׁׂפֵט צֶדֶק וְאֶת־חַטּׂאתֵנוּ הוּא נָשָׂא בִּגְוִיָּתוֹ עַל־הָעֵץ׃

כד לְמַעַן נִחְיֶה לַצְּדָקָה אַחֲרֵי חָדַלְנוּ מִן־הַחֲטָאִים׃

כה אֲשֶׁר בַּחֲבֻרָתוֹ נִרְפָּא לָכֶם כִּי הֱיִיתֶם כְּצׂאן אׂבְדוֹת וְעַתָּה שַׁבְתֶּם אֶל־הָרׂעֶה פְּקִיד נַפְשׁׂתֵיכֶם׃