2Corinthians 10

א וַאֲנִי פוֹלוֹס הִנְנִי מַזְהִיר אֶתְכֶם בְּעַנְוַת הַמָּשִׁיחַ וְחֶמְלָתוֹ אֲשֶׁר בִּפְנֵיכֶם שְׁפַל־רוּחַ אֲנִי בְּתוֹכֲכֶם וּבְרָחֳקִי מִתְאַמֵּץ עֲלֵיכֶם׃

ב וְאֶתְחַנֲנָה שֶׁלּא אֶצְטָרֵךְ לְהִתְאַמֵּץ בִּהְיוֹתִי בְתוֹכֲכֶם בַּבִּטָּחוֹן אֲשֶׁר יֶשׁ־לִי לְהִתְגַּבֶּר־בּוֹ עַל־הָאֲנָשִׁים הַחשְׁבִים אׂתָנוּ כְּמִתְהַלְּכִים לְפִי הַבָּשָׂר׃

ג הֵן הִתְהַלַּכְנוּ בַבָּשָׂר וְלׂא נִלְחַמְנוּ כַּבָּשָׂר׃

ד כִּי־כְלֵי מִלְחַמְתֵּנוּ לׂא שֶׁל־הַבָּשָׂר הֵם כִּי אִם־חֲזָקִים בֵּאלׂהִים לַהֲרׂס מִבְצָרִים׃

ה בַּאֲשֶׁר הׂרְסִים אֲנַחְנוּ תַּחְבֻּלוֹת וְכָל־מָרוֹם מִתְנַשֵּׂא נֶגֶד דַּעַת הָאֱלׂהִים וְשׁוֹבִים כָּל־מְזִמָּה לְמִשְׁמַעַת הַמָּשִׁיחַ׃

ו וּנְכוֹנִים לִנְקׂם נְקָמָה מֵאֵת כָּל־מֶרִי רַק אִם־תִּשְׁלַם מִשְׁמַעְתְּכֶם׃

ז הֲתִשְׁפְּטוּ לְמַרְאֵה פָנִים אִישׁ כִּי יִתְבָּרֵךְ בִּלְבָבוֹ לֵאמׂר לַמָּשִׁיחַ אָנִי יַחֲזׂר וְיָדִין בִּלְבָבוֹ שֶׁכְּשֵׁם שֶׁהוּא לַמָּשִׁיחַ כֵּן גַּם־אֲנַחְנוּ לַמָּשִׁיחַ׃

ח וְגַם כִּי־אַרְבֶּה מְעַט לְהִתְהַלֵּל בַּשָּׁלְטָן אֲשֶׁר נָתַן־לָנוּ הָאָדוֹן לִבְנוֹתְכֶם וְלׂא לְשַׁחֶתְכֶם לׂא אֵבוֹשׁ׃

ט לְמַעַן אֲשֶׁר לׂא אֵרָאֶה כִּמְאַיֵּם אֶתְכֶם בָּאִגְּרוֹת׃

י כְּאָמְרָם הֵן הָאִגְּרוֹת חֲמוּרוֹת וְקָשׁוֹת אֲבָל הוּא בְעַצְמוֹ כְּשֶׁהוּא כְנֶגְדֵּנוּ חָלוּשׁ וְנִיבוֹ נִבְזֶה׃

יא יֵדַע־נָא הָאׂמֵר כָּזׂאת שֶׁכְּמוֹ שֶׁאֲנַחְנוּ בַדִּבּוּר עַל־יְדֵי אִגְּרוֹת בִּהְיוֹתֵנוּ רְחוֹקִים כֵּן גַּם־בְּפׂעַל אֲנַחְנוּ בִּהְיוֹתֵנוּ קְרוֹבִים׃

יב כִּי אַל־נָעֵז פָּנֵינוּ לִכְלׂל אׂתָנוּ עִם־הָאֲנָשִׁים הַמְשַׁבְּחִים נַפְשָׁם אוֹ לַעֲרׂךְ אׂתָנוּ לָהֶם אָכֵן נִבְעֲרוּ מִדַּעַת הַמּׂדֲדִים אֶת־נַפְשָׁם בְּנַפְשָׁם וְעׂרְכִים אֶת־נַפְשָׁם לְנַפְשָׁם׃

יג וַאֲנַחְנוּ לׂא נִתְגַּדֵּל לִבְלִי־מִדָּה כִּי אִם־כְּפִי מִדַּת הַגְּבוּל אֲשֶׁר חָלַק לָנוּ הָאֱלׂהִים לְחׂק לְהַגִּיעַ גַּם־עָדֵיכֶם׃

יד כִּי אֵינֶנּוּ כְּמַסִּיגֵי גְבוּל כְּאִלּוּ לׂא בָאנוּ אֲלֵיכֶם הֲלׂא כְבָר קִדַּמְנוּ גַּם־אֶתְכֶם בִּבְשׂוֹרַת הַמָּשִׁיחַ׃

טו לׂא נִתְגַּדֵּל לִבְלִי־מִדָּה בִּיגִיעַת אֲחֵרִים אֲבָל יֶשׁ־לָנוּ תִקְוָה שֶׁבִּרְבוֹת אֱמוּנַתְכֶם אֲנַחְנוּ נְכֻבַּד בָּכֶם כְּפִי גְבוּלֵנוּ עַד־לְמָעְלָה׃

טז כְּדֵי־לְבַשֵּׂר הַבְּשׂוֹרָה גַּם־לְהָלְאָה מִכֶּם וְלׂא לְהִתְהַלֵּל בְּמַה־שֶּׁמּוּכָן כְּבָר בִּגְבוּל אֲחֵרִים׃

יז וְהַמִּתְהַלֵּל יִתְהַלֵּל בַּיהוָֹה׃

יח כִּי לׂא הַמְשַׁבֵּחַ נַפְשׁוֹ נֶאֱמָן הוּא כִּי אִם־אֲשֶׁר יְשַׁבְּחֶנּוּ יְהוָֹה׃