2Corinthians 2

א וַאֲנִי גָּמַרְתִּי בְלִבִּי לְבִלְתִּי שׁוּב־עוֹד אֲלֵיכֶם בְּעַצָּבֶת׃

ב כִּי אִם־אֲנִי אַעֲצִיבְכֶם מִי אֵפוֹא יְשַׂמְּחֵנִי בִּלְתִּי אִם־הַנֶּעְצָב עַל־יָדִי׃

ג וְזׂאת כָּתַבְתִּי לָכֶם פֶּן־אָבֹא וְהָיָה־לִי עֶצֶֶב מֵאׂתָם אֲשֶׁר הָיָה־לִי לִשְׂמׂחַ עֲלֵיהֶם וּבֹטֵחַ אֲנִי בְּכֻלְּכֶם שֶׁשִּׂמְחָתִי הִיא שִׂמְחַת כֻּלְּכֶם׃

ד כִּי מֵרׂב צָרָה וּמְצוּקַת לִבִּי כָּתַבְתִּי לָכֶם וּבִדְמָעוֹת הַרְבֵּה וְלׂא לְהַעֲצִיבְכֶם רַק לְמַעַן תֵּדְעוּ הָאַהֲבָה הַיְתֵרָה אֲשֶׁר אָהַבְתִּי אֶתְכֶם׃

ה וְאִם־הֶעֱצִיב אִישׁ לׂא־אׂתִי הֶעֱצִיב אֶלָּא כֻלְּכֶם וְשֶׁלּא־אַפְרִיז עַל־הַמִּדָּה אׂמַר מִקְצָתְכֶם׃

ו וְדַיּוֹ לְאׂתוֹ הָאִישׁ הַתּוֹכֵחָה הַהִיא מִפִּי הָרַבִּים׃

ז וּבְכֵן לְהֶפֶךְ תִּסְלְחוּ וּתְנַחֲמוּ כְּדֵי שֶׁלּא יְבֻלַּע הָאִישׁ בְּעִצְּבוֹנוֹ כִּי רַב הוּא׃

ח עַל־כֵּן אֲבַקְשָׁה מִכֶּם שֶׁתִּתְיָעֲצוּ לְהַרְאוֹתוֹ אַהֲבָה׃

ט כִּי לָזׂאת כָּתַבְתִּי לְמַעַן אֵדַע אֶת־תֻּמַּתְכֶם אִם־בַּכּׂל תִּשְׁמָעוּן׃

י וְאִישׁ אֲשֶׁר תִּסְלְחוּ לוֹ אֶסְלַח־לוֹ גַּם־אָנִי כִּי גַם אִם־אָנׂכִי סָלַחְתִּי לָאִישׁ סָלַחְתִּי לוֹ לְמַעַנְכֶם לִפְנֵי הַמָּשִׁיחַ׃

יא פֶּן־יוֹנֶה אׂתָנוּ הַשָּׂטָן כִּי לׂא־נֶעֶלְמוּ מֵאִתָּנוּ מְזִמּוֹתָיו׃

יב וַאֲנִי בְּבֹאִי לִטְרוֹאַס לְבַשֵּׂר בְּשׂוֹרַת הַמָּשִׁיחַ אַף כִּי־נִפְתַּח־לִי פֶתַח בַּאֲדׂנֵינוּ׃

יג לׂא־הָיְתָה רְוָחָה לְרוּחִי כִּי לׂא־מָצָאתִי שָׁם אֶת־טִיטוֹס אָחִי וְנִפְטַרְתִּי מֵהֶם וְיָצָאתִי לָלֶכֶת אֶל־מַקְדּׂנְיָא׃

יד אֲבָל תּוֹדוֹת לֵאלׂהִים הַנּׂתֵן לָנוּ תְּשׁוּעָה בַמָּשִׁיחַ בְּכָל־עֵת וּמֵפִיץ עַל־יָדֵינוּ אֶת־רֵיחַ דַּעְתּוֹ בְּכָל־מָקוֹם׃

טו כִּי־רֵיחַ נִיחׂחַ שֶׁל־הַמָּשִׁיחַ אֲנַחְנוּ לֵאלׂהִים בְּתוֹךְ הַנּוֹשָׁעִים וּבְתוֹךְ הָאׂבְדִים׃

טז לָאֵלֶּה רֵיחַ מָוֶת לַמָּוֶת וְלָאֵלֶּה רֵיחַ חַיִּים לַחַיִּים וּמִי־זֶה רָאוּי לְכָךְ׃

יז כִּי אֵין מִדָּתֵנוּ כְּמִדַּת הָרַבִּים הָעׂשִׂים דְּבַר הָאֱלׂהִים סְחוֹרָה כִּי אִם־מִתּוֹךְ ישֶׁר הַלֵּב וּמֵאֱלׂהִים לִפְנֵי אֱלׂהִים נְדַבֵּר בַּמָּשִׁיחַ׃