2Corinthians 9

א אָמְנָם אֵין־צׂרֶךְ לִי שֶׁאֶכְתּׂב אֲלֵיכֶם עַל־דְּבַר הַשֵּׁרוּת לְעֶזְרַת הַקְּדשִׁים׃

ב כִּי יָדַעְתִּי אֶת־נְדִיבַתְכֶם אֲשֶׁר עָלֶיהָ אֲנִי מִתְהַלֵּל בָּכֶם לִפְנֵי אַנְשֵׁי מַקְדּוֹנְיָא לֵאמׂר אֲכַיָּא מְזֻמֶּנֶת מִשָּׁנָה שֶׁעָבְרָה וְקִנְאַתְכֶם הֵעִירָה אֶת־רוּחַ הָרַבִּים׃

ג אֲבָל שָׁלַחְתִּי אֶת־הָאַחִים שֶׁלּא תִהְיֶה תְּהִלָּתֵנוּ בָכֶם לָרִיק בַּדָּבָר הַזֶּה וּלְמַעַן תִּהְיוּ מְזֻמָּנִים כַּאֲשֶׁר אָמָרְתִּי׃

ד שֶׁלּא יָבֹאוּ אִתִּי אֲנָשִׁים מִמַּקְדּוֹנְיָא וְלׂא יִמְצְאוּ אֶתְכֶם מְזֻמָּנִים וְנֵבוֹשׁ אֲנַחְנוּ וְלׂא אׂמַר אַתֶּם מֵהַבִּטָּחוֹן הַזֶּה אֲשֶׁר הִתְהַלַּלְנוּ בוֹ׃

ה עַל־כֵּן רָאִיתִי לְבַקֵּשׁ מִן־הָאַחִים כִּי־יְקַדְּמוּ לָבֹא אֲלֵיכֶם וְיָכִינוּ אֶת־בִּרְכַתְכֶם הַמְיוּעָדָה מִלְּפָנִים לְמַעַן תִּהְיֶה מוּכֶנֶת כְּעֵין בְּרָכָה וְלׂא כְּעֵין מַתְּנַת כִּילָי׃

ו כִּי הִנֵּה הַזּׂרֵעַ בְּצִמְצוּם יִקְצׂר בְּצִמְצוּם וְהַזּׂרֵעַ בִּבְרָכוֹת יִקְצׂר בִּבְרָכוֹת׃

ז וְכָל־אִישׁ כַּאֲשֶׁר יִדְּבֶנּוּ לִבּוֹ לׂא־בְעַיִן רָעָה וְלׂא לְאָנְסוֹ כִּי הַנּׂתֵן בְּלֵב שָׂמֵחַ יֶאֱהַב אׂתוֹ אֱלׂהִים׃

ח וֵאלׂהִים יָכׂל לְהַַשְׁפִּיעַ עֲלֵיכֶם חֶסֶד שֶׁיִּהְיֶה לָכֶם בְּכָל־עֵת דֵּי סִפּוּקְכֶם בַּכּׂל וְתוֹתִירוּ בְּכָל־מַעֲשֶׂה טוֹב׃

ט כַּכָּתוּב פִּזַּר נָתַן לָאֶבְיוֹנִים צִדְקָתוֹ עׂמֶדֶת לָעַד׃

י וְהַנּׂתֵן זֶרַע לַזּׂרֵעַ וְלֶחֶם לָאׂכֵל יִתֵּן וְיַרְבֶּה אֶת־זַרְעֲכֶם וְיַפְרִיא תְּנוּבוֹת צִדְקַתְכֶם׃

יא לְמַעַן תַּעֲשִׁירוּ בַכּׂל לְכָל־הַתְּמִימוּת אֲשֶׁר פּׂרִיָּה תּוֹדָה לֵאלׂהִים עַל־יָדֵינוּ׃

יב כִּי־שֵׁרוּת הָעֲבוֹדָה הַזּׂאת לׂא לְבַד יְמַלֵּא אֶת־מַחְסׂרֵי הַקְּדוֹשִׁים כִּי גַם־יוֹדוּ רַבִּים לֵאלׂהִים בְּפׂעַל שֵׁרוּתְכֶם הַנֶּאֱמָן הַזֶּה׃

יג וִיכַבְּדוּ אֶת־הָאֱלׂהִים עַל־מִשְׁמַעַת הוֹדָאַתְכֶם לִבְשׂוֹרַת הַמָּשִׁיחַ וְעַל־תֻּמַּת חֶבְרַתְכֶם עִמָּם וְעִם הַכּׂל׃

יד וְהֵם יִתְחַנֲנוּ בַעַדְכֶם נִכְסָפִים לָכֶם בַּעֲבוּר חֶסֶד הָאֱלׂהִים אֲשֶׁר גָּבַר עֲלֵיכֶם׃

טו וְתוֹדָה לֵאלׂהִים עַל־מַתְּנָתוֹ אֲשֶׁר עָצְמָה מִסַּפֵּר׃