2Thessalonians 2
א וְהִנְנוּ מְבַקְשִׁים מִכֶּם אֶחָי עַל־אׂדוֹת בִּיאַת אֲדׂנֵינוּ יֵשׁוּעַ הַמָּשִׁיחַ וַאֲסִיפָתֵנוּ אֵלָיו׃
ב אֲשֶׁר לׂא־תִטָּרֵף דַּעְתְּכֶם פִּתְאׂם וַאֲשֶׁר לׂא תִּבָּהֵלוּ לׂא בְרוּחַ וְלׂא בְדִבּוּר וְלׂא בְאִגֶּרֶת כְּאִלּוּ שְׁלוּחָה מֵאִתָּנוּ לֵאמׂר הִגִּיעַ יוֹם יְהוָֹה׃
ג אַל־יַתְעֶה אֶתְכֶם אִישׁ בְּשׁוּם אוֹפֶן כִּי לׂא־יָבֹא בְּטֶרֶם יִהְיֶה בָרִאשׁוֹנָה הַמֶּרֶד וְנִגְלָה אִישׁ הָחַטָּאָה בֶּן־הָאֲבַדּוֹן׃
ד הַמִּתְקוֹמֵם וְהַמִּתְרוֹמֵם עַל־כָּל־הַנִּקְרָא אֵל אוֹ עֲבוֹדָה כִּי גַם־יֵשֵׁב בְּהֵיכַל הָאֱלׂהִים כֵּאלׂהִים וּמַרְאֶה אֶת־עַצְמוֹ כִּי אֱלׂהִים הוּא׃
ה הֲלׂא תִזְכְּרוּ כִּי־בְעוֹד הֱיוֹתִי אִתְּכֶם אֵלֶּה דִּבַּרְתִּי אֲלֵיכֶם׃
ו וְעַתָּה יְדַעְתֶּם אֶת אֲשֶׁר יִמְנָעֵהוּ מִלְּהִגָּלוֹת בְּעִתּוֹ׃
ז כִּי סוֹד הָרֶשַׁע כְּבָר הֵחֵלָּה פְעֻלָּתוֹ רַק שֶׁיּוּסַר מִתָּוֶךְ הַמּׂנֵעַ עַד־כּׂה׃
ח וְאָז יִגָּלֶה הָרָשָׁע אֲשֶׁר יְמִיתֶנּוּ הָאָדוֹן בְּרוּחַ שְׂפָתָיו וְיַשְׁבִּיתֶנּוּ בְּהוֹפָעַת בִּיאָתוֹ׃
ט אֵת אֲשֶׁר יָבוֹא כְּפִי פְּעֻלַּת הַשָׂטָן בְּרָב־כּׂחַ וּבְאׂתוֹת וּבְמוֹפְתֵי שָׁקֶר׃
י וּבְכָל־מִרְמַת אָוֶן בָּאׂבְדִים תַּחַת אֲשֶׁר לׂא קִבְּלוּ אֶת־אַהֲבַת הָאֱמֶת לְהִוָּשֵׁעַ׃
יא וּבַעֲבוּר זׂאת יְשַׁלַּח לָהֶם הָאֱלׂהִים מַדּוּחֵי שָׁוְא לְהַאֲמִין בַּשָּׁקֶר׃
יב לְמַעַן יִדּוֹנוּ כָּל־אֲשֶׁר לׂא־הֶאֱמִינוּ בָאֱמֶת וְרָצוּ בָּעַוְלָה׃
יג אֲבָל אֲנַחְנוּ חַיָּבִים לְהוֹדוֹת תָּמִיד לֵאלׂהִים בַּעֲבוּרְכֶם אַחַי חֲבִיבֵי הָאָדוֹן אֲשֶׁר מִבַּתְּחִלָּה בָּחַר בָּכֶם הָאֱלׂהִים לִישׁוּעָה בִּקְדֻשַּׁת הָרוּחַ וּבֶאֱמוּנַת הָאֱמֶת׃
יד לָזׂאת קָרָא אֶתְכֶם בִּבְשׂוֹרָתֵנוּ לְנַחֲלַת כְּבוֹד אֲדׂנֵינוּ יֵשׁוּעַ הַמָּשִׁיחַ׃
טו לָכֵן אַחַי עִמְדוּ וְהַחֲזִיקוּ בַקַּבָּלוֹת אֲשֶׁר לֻמַּדְתֶּם אִם בִּדְבָרֵנוּ אִם בְּאִגַּרְתֵּנוּ׃
טז וַאֲדׂנֵינוּ יֵשׁוּעַ הַמָּשִׁיחַ וֵאלׂהֵינוּ אָבִינוּ אֲשֶׁר אָהַב אׂתָנוּ וַיִּתֶּן־לָנוּ בְחַסְדּוֹ נֶחָמַת עוֹלָם וְתִקְוָה טוֹבָה׃
יז הוּא יְנַחֵם אֶת־לְבַבְכֶם וִיכוֹנֵן אֶתְכֶם בְּכָל־דָּבָר וּמַעֲשֶׂה טוֹב׃