Colossians 2

א הִנְנִי מוֹדִיעַ אֶתְכֶם גּׂדֶל הַקְרָב שֶׁלִּי בַּעַדְכֶם וּבְעַד אַנְשֵׁי לוּדְקְיָא וּבְעַד כּׂל אֲשֶׁר לׂא־רָאוּ אֶת־פָּנַי בַּבָּשָׂר׃

ב לְמַעַן יְנֻחֲמוּ לִבּוֹתָם וְנִקְשְׁרוּ יַחַד בְּאַהֲבָה וּלְכָל־עשֶׁר דַּעַת נְכוֹנָה לְהָבִין וּלְהַשְׂכִּיל סוֹד הָאֱלׂהִים אָבִינוּ וְסוֹד הַמָּשִׁיחַ׃

ג אֲשֶׁר גְּנוּזִים בּוֹ כָּל־אׂצְרוֹת הַחָכְמָה וְהַדָּעַת׃

ד וְזׂאת אׂמֵר אֲנִי לָכֶם לְמַעַן אֲשֶׁר־לׂא יַטְעֶה אֶתְכֶם אִישׁ בְּשִׂפְתֵי חֲלָקוֹת׃

ה כִּי גַּם־אִם בִּבְשָׂרִי אֲנִי רָחוֹק מִכֶּם הִנֵּה בְרוּחִי אֲנִי אֶצְלְכֶם וְאֶשְׂמַח בִּרְאׂתִי אֶת־מַעֲמַדְכֶם וְתׂקֶף אֱמוּנַתְכֶם בַּמָּשִׁיחַ׃

ו לָכֵן כַּאֲשֶׁר קִבַּלְתֶּם אֶת־הַמָּשִׁיחַ אֵת יֵשׁוּעַ אֲדׂנֵינוּ כֵּן גַּם־הִתְהַלְּכוּ בוֹ׃

ז מַשְׁרִישִׁים וְנִבְנִים בּוֹ וְקַיָּמִים בָּאֱמוּנָה כַּאֲשֶׁר לֻמַּדְתֶּם וּמַרְבִּים בְּתוֹדָה בָּהּ׃

ח הִזָּהֲרוּ פֶּן־יוֹלִיךְ אֶתְכֶם אִישׁ שׁוֹלָל בְּפִילׂסוֹפְיָה וּבְמַדּוּחֵי שָׁוְא לְפִי קַבָּלַת בְּנֵי הָאָדָם וְתִקּוּנֵי הָעוֹלָם וְלׂא עַל־פִּי הַמָּשִׁיחַ׃

ט כִּי בוֹ בְּגוּפוֹ שׁׂכֵן כָּל־מְלׂא הָאֱלָהוּת וּבוֹ אַתֶּם נִמְלָאִים׃

י אֲשֶׁר הוּא רׂאשׁ כָּל־שְׂרָרָה וְשָׁלְטָן׃

יא וּבוֹ גַם־נִמַּלְתֶּם מִילָה שֶׁלּא בְיָדָיִם בְּהַפְשָׁטַת גּוּף הַבָּשָׂר (הַחוֹטֵא) הִיא מִילַת הַמָּשִׁיחַ׃

יב כִּי נִקְבַּרְתֶּם אִתּוֹ בַּטְּבִילָה אַף־קַמְתֶּם אִתּוֹ בַּתְּחִיָּה עַל־יְדֵי הָאֱמוּנָה בִּגְבוּרַת אֱלׂהִים אֲשֶׁר הֱעִירוֹ מִן־הַמֵּתִים׃

יג גַּם־אֶתְכֶם הַמֵּתִים בַּפְּשָׁעִים וּבְעָרְלַת בְּשַׂרְכֶם הֶחֱיָה אִתּוֹ בִּסְלׂחַ לָכֶם אֶת־כָּל־פִּשְׁעֵיכֶם׃

יד וַיִּמְחַק אֶת־הַשְּׁטָר הַמֵּעִיד בָּנוּ בְּחֻקּׂתָיו וַיִּשָׂאֵהוּ מִתּוֹכֵנוּ וַיִּתְקָעֵהוּ בַּצְּלוּב׃

טו וַיַּפְשֵׁט אֶת־הַשָׂרִים וְהַשַּׁלִּיטִים וַיִּתְּנֵם לְרַאֲוָה בָּם רַבִּים וַיּוֹלִיכֵם בּוֹ שֶׁבִי׃

טז עַל־כֵּן לׂא־יָדִין אִישׁ אֶתְכֶם עַל־דְּבַר מַאֲכָל וּמַשְׁקֶה אוֹ־עַל מוֹעֲדִים וְרָאשֵׁי חֳדָשִׁים וְשַׁבָּתוֹת׃

יז אֲשֶׁר הֵם צֵל הַדְּבָרִים הָעֲתִידִים לָבֹא וְגוּפָם הוּא בַמָּשִׁיחַ׃

יח אַל־תִּתְּנוּ לְאִישׁ לְהַאֲבִיד שְׂכַרְכֶם עַל־יְדֵי שִׁפְלוּת רוּחַ וַעֲבוֹדַת מַלְאָכִים וְהוּא מְהַלֵּךְ בִּדְבָרִים אֲשֶׁר לׂא רָאוּ עֵינָיו וּמָלֵא רוּחַ גַּאֲוָה עַל־לׂא־דָבָר מִשֵׂכֶל בְּשָׂרוֹ׃

יט וְאֵינֶנּוּ אׂחֵז בָּרׂאשׁ אֲשֶׁר מִמֶּנּוּ כָּל־הַגּוּף הַמְחֻבָּר וְהַמָּאֳחָז בְּצִירָיו וּדְבָקָיו יִגְדַּל גִּדּוּל אֱלׂהִים׃

כ לָכֵן אִם־מַתֶּם עִם־הַמָּשִׁיחַ לְתִקּוּנֵי הָעוֹלָם לָמָּה תִשְׁתַּעְבְּדוּ לְחֻקִּים כְּאִלּוּ עׂדְכֶם חַיִּים בָּעוֹלָם׃

כא אַל־תּׂאחֵז אַל־תִּטְעַם אַל־תִּגָּע׃

כב וְהֵם עׂמְדִים לִכְלוֹת בְּתַשְׁמִישָׁם לְפִי מִצְוֹת אֲנָשִׁים וְלִמּוּדֵיהֶם׃

כג הַנִּרְאִים כְּעֵין חָכְמָה בַּעֲבוֹדָה בְדוּיָה מִלֵּב וּבְשִׁפְלוּת רוּחַ וּבְעִנּוּי הַגּוּף שֶׁאֵין בּוֹ מוֹעִיל רַק־לְהַשְׂבִּיעַ הַבָּשָׂר׃