Matthew 21

א וַיְהִי כַּאֲשֶׁר קָרְבוּ לִירוּשָׁלַיִם וַיָּבֹאוּ בֵית־פַּגֵי אֶל־הַר הַזֵּיתִים וַיִּשְׁלַח יֵשׁוּעַ שְׁנַיִם מִן־הַתַּלְמִידִים׃

ב וַיּׂאמֶר אֲלֵיהֶם לְכוּ אֶל־הַכְּפָר אֲשֶׁר מִמוּלְכֶם שָׁם תִּמְצְאוּ אָתוֹן אֲסוּרָה וְעַיִר עִמָּהּ הַתִּירוּ אׂתָם וַהָבִיאוּ אֵלָי׃

ג וְכִי־יׂאמַר אִישׁ אֲלֵיכֶם דָּבָר וַאֲמַרְתֶּם הָאָדוֹן צָרִיךְ לָהֶם וּמִיָּד יְשַׁלְּחֵם׃

ד וְכָל־זׂאת הָיָתָה לְמַלּאת מַה־שֶׁנֶּאֱמַר בְּיַד הַנָּבִיא לֵאמׂר׃

ה אִמְרוּ לְבַת־צִיּוֹן הִנֵּה מַלְכֵּךְ יָבוֹא לָךְ עָנִי וְרׂכֵב עַל־חֲמוֹר וְעַל־עַיִר בֶּן־אֲתׂנוֹת׃

ו וַיֵּלְכוּ הַתַּלְמִידִים וַיַּעֲשׂוֹוֹ כַּאֲשֶׁר צִוָּה אׂתָם יֵשׁוּעַ׃

ז וַיָּבִיאוּ אֶת־הָאָתוֹן וְאֶת־הָעַיִר וַיָּשִׂימוּ עֲלֵיהֶם אֶת־בִּגְדֵיהֶם וַיּוֹשִׁיבֻהוּ עֲלֵיהֶם׃

ח וְרׂב הֶהָמוֹן פָּרְשׂוֹוֹ אֶת־בִּגְדֵיהֶם עַל־הַדָּרֶךְ וְאֲחֵרִים כָּרְתוּ סְעִיפֵי עֵצִים וַיִּשְׁטָחוּם עַל־הַדָּרֶךְ׃

ט וַהֲמוֹן הָעָם הָהׂלְכִים לְפָנָיו וְאַחֲרָיו קָרְאוּ לֵאמׂר הוֹשַׁע־נָא לְבֶן־דָּוִד בָּרוּךְ הַבָּא בְּשֵׁם יְהוָֹה הוֹשַׁע־נָא בַּמְּרוֹמִים׃

י וַיְהִי בְּבֹאוֹ יְרוּשָׁלָיִם וַתֵּהׂם כָּל־הָעִיר וַיּׂאמְרוּ מִי זֶה׃

יא וַיּׂאמְרוּ הֲמׂן הָעָם זֶה הוּא הַנָּבִיא יֵשׁוּעַ מִנְּצֶרֶת אֲשֶׁר בַּגָּלִיל׃

יב וַיָּבֹא יֵשׁוּעַ אֶל־מִקְדַּשׁ הָאֱלׂהִים וַיְגָרֶשׁ מִשָׁם אֵת כָּל־הַמּוֹכְרִים וְהַקּוֹנִים בַּמִּקְדָּשׁ וַיַּהֲפׂךְ אֶת־שֻׁלְחֲנוֹת הַשֻׁלְחָנִים וְאֶת־מׂשְׁבוֹת מׂכְרֵי הַיּוֹנִים׃

יג וַיּׂאמֶר אֲלֵיהֶם הֵן כָּתוּב כִּי בֵיתִי בֵּית תְּפִלָּה יִקָּרֵא וְאַתֶּם שַׂמְתֶּם אׂתוֹ לִמְעָרַת פָּרִיצִים׃

יד וַיִּגְּשׁוּ אֵלָיו עִוְרִים וּפִסְחִים בַּמִּקְדָּשׁ וַיִּרְפָּאֵם׃

טו וַיְהִי כִּרְאוֹת רָאשֵׁי הַכּׂהֲנִים וְהַסּוֹפְרִים אֵת הַנִּפְלָאוֹת אֲשֶׁר עָשָׂה וְאֵת הַיְלָדִים הַצּׂעֲקִים בַּמִּקְדָּשׁ וְאׂמְרִים הוֹשַׁע־נָא לְבֶן־דָּוִד וַיִּחַר לָהֶם׃

טז וַיּׂאמְרוּ אֵלָיו הֲשׁׂמֵעַ אַתָּה אֶת־אֲשֶׁר אׂמְרִים אֵלֶה וַיּׂאמֶר יֵשׁוּעַ אֲלֵיהֶם שׁׂמֵעַ אָנׂכִי הֲכִי לׂא קְרָאתֶם מִפִּי עוֹלֲלִים וְיוֹנְקִים יִסַּדְתָּ עׂז׃

יז וַיַּעַזְבֵם וַיֵּצֵא אֶל־מִחוּץ לָעִיר אֶל־בֵּית־הִינִי וַיָּלֶן שָׁם׃

יח וּבַבֹּקֶר שָׁב אֶל־הָעִיר וְהוּא רָעֵב׃

יט וַיַּרְא תְּאֵנָה אַחַת עַל־הַדָּרֶךְ וַיִּקְרַב אֵלֶיהָ וְלׂא־מָצָא בָהּ מְאוּמָה בִּלְתִּי הֶעָלִים וַיּׂאמֶר אֵלֶיהָ מֵעַתָּה לׂא־יִהְיֶה מִמֵּךְ פְּרִי עַד־עוֹלָם וַתִּיבַשׁ הַתְּאֵנָה פִּתְאׂם׃

כ וַיִּרְאוּ הַתַּלְמִידִים וַיִּתְמְהוּ וַיּׂאמְרוּ אֵיךְ יָבְשָׁה הַתְּאֵנָה פִּתְאׂם׃

כא וַיַּעַן יֵשׁוּעַ וַיּׂאמֶר אֲלֵיהֶם אָמֵן אׂמֵר אֲנִי לָכֶם אִם־תִּהְיֶה בָכֶם אֱמוּנָה וְלׂא חָלַק לִבְּכֶם כְּמַעֲשֵׂה הַתְּאֵנָה הַזּׂאת תַּעֲשׂוֹוֹ וְאַף תּׂאמְרוּ אֶל־הָהָר הַזֶּה הִנָּשֵׂא וְנֶעְתַּקְתָּ אֶל־תּוֹJ הַיָּם וְהָיָה כֵן׃

כב וְכׂל אֲשֶׁר תִּשְׁאֲלוּ בַּתְּפִלָּה וְאַתֶּם מַאֲמִינִים יָבֹא לָכֶם׃

כג וַיָּבֹא אֶל־הַמִּקְדָּשׁ וַיְלַמֵּד שָׁם וְרָאשֵׁי הַכּׂהֲנִים וְזִקְנֵי הָעָם נִגְּשׁוּ אֵלָיו וַיּׂאמְרוּ בְּאֵי־זוֹ רְשׁוּת אַתָּה עׂשֶׂה אֵלֶּה וּמִי נָתַן לְךָ הָרְשׁוּת הַזּׂאת׃

כד וַיַּעַן יֵשׁוּעַ וַיּׂאמֶר אֲלֵיהֶם גַּם־אֲנִי אֶשְׁאֲלָה אֶתְכֶם דָּבָר אֶחָד אֲשֶׁר אִם־תַּגִּידוּ אׂתוֹ לִי גַּם־אֲנִי אַגִּיד לָכֶם בְּאֵי־זוֹ רְשׁוּת אֲנִי עׂשֶׂה אֵלֶּה׃

כה טְבִילַת יוֹחָנָן מֵאַיִן הָיְתָה הֲמִּשָׁמַיִם אִם־מִבְּנֵי אָדָם וַיַּחְשְׁבוּ בִלְבָבָם לֵאמׂר׃

כו אִם־נׂאמַר מִשָׁמַיִם וְאָמַר אֵלֵינוּ מַדּוּעַ אֵפוֹא לׂא הֶאֱמַנְתֶּם בּוֹ וְאִם־נׂאמַר מִבְּנֵי אָדָם יְרֵאִים אֲנַחְנוּ אֶת־הֲמוֹן הָעָם כִּי־כֻלָּם חׂשְׁבִים אֶת־יוֹחָנָן לְנָבִיא׃

כז וַיַּעֲנוּ אֶת־יֵשׁוּעַ וַיּׂאמְרוּ לׂא יָדָעְנוּ וַיּׂאמֶר אֲלֵיהֶם גַּם־אֲנִי לׂא אׂמַר לָכֶם מָה רְשׁוּתִי כִּי אֶעֱשֶׂה אֵלֶּה׃

כח אֲבָל מַה־דַּעְתְּכֶם אִישׁ הָיָה וְלוֹ שְׁנֵי בָנִים וַיִּגַּשׁ אֶל־הָרִאשׁוֹן וַיּׂאמֶר בְּנִי לֵךְ הַיּוֹם וַעֲבֹד בְּכַרְמִי׃

כט וַיַּעַן וַיּׂאמֶר לׂא חָפַצְתִּי וְאַחֲרֵי־כֵן נִחַם וַיֵּלַךְ׃

ל וַיִּגַּשׁ אֶל־הַשֵׁנִי וַיְדַבֵּר כָּזׂאת גַּם־אֵלָיו וַיַּעַן וַיּׂאמֶר הִנְנִי אֲדׂנִי וְלׂא הָלָךְ׃

לא מִי מִשְׁנֵיהֶם עָשָׂה אֶת־רְצוֹן אָבִיו וַיּׂאמְרוּ אֵלָיו הָרִאשׁוֹן וַיּׂאמֶר לָהֶם יֵשׁוּעַ אָמֵן אׂמֵר אֲנִי לָכֶם הַמּוֹכְסִים וְהַזּוֹנוֹת יְקַדְּמוּ אֶתְכֶם לָבוֹא אֶל־מַלְכוּת הָאֱלׂהִים׃

לב כִּי יוֹחָנָן בָּא אֲלֵיכֶם בְּדֶרֶJ צְדָקָה וְלׂא הֶאֱמַנְתֶּם לוֹ וְהַמּוֹכְסִים וְהַזּוֹנוֹת הֵם הֶאֱמִינוּ לוֹ וְאַתֶּם רְאִיתֶם וְלׂא נִחַמְתֶּם אַחֲרֵי־כֵן לְהַאֲמִין לוֹ׃

לג שִׁמְעוּ מָשָׁל אַחֵר אִישׁ בַּעַל־בַּיִת הָיָה אֲשֶׁר נָטַע כֶּרֶם וַיַּעַשׂ גָּדֵר סָבִיב לוֹ וַיַּחְצׂב יֶקֶב וַיִּבֶן מִגְדָּל בְּתוֹכוֹ וַיִּתְּנֵהוּ אֶל־כּׂרְמִים וַיֵּלֶךְ בְּדֶּרֶךְ מֵרָחוֹק׃

לד וַיְהִי בְּהַגִּיעַ עֵת הַבָּצִיר וַיִּשְׁלַח עֲבָדָיו אֶל־הַכּׂרְמִים לָקַחַת אֶת־פִּרְיוֹ׃

לה וַיַּחֲזִיקוּ הַכּׂרְמִים בַּעֲבָדָיו אֶת־זֶה הִכּוּ וְאֶת־זֶה הָרְגוּ וְאֶת־זֶה סָקָלוּ׃

לו וַיּוֹסֶף שְׁלׂחַ עֲבָדִים אֲחֵרִים רַבִּים מִן־הָרִאשׁוֹנִים וְגַם־לָהֶם עֲשׂוֹוֹ כֵן׃

לז וּבָאַחֲרוֹנָה שָׁלַח אֲלֵיהֶם אֶת־בְּנוֹ כִּי אָמַר מִפְּנֵי בְנִי יָגוּרוּ׃

לח וַיְהִי כִּרְאוֹת הַכּׂרְמִים אֶת־הַבֵּן וַיּׂאמְרוּ אִישׁ אֶל־אָחִיו זֶה הוּא הַיּוֹרֵשׁ לְכוּ וְנַהַרְגֵהוּ וְנׂאחֲזָה בְּנַחֲלָתוֹ׃

לט וַיַּחֲזִיקוּ בוֹ וַיִּדְחָפוּהוּ אֶל־מִחוּץ לַכָּרֶם וַיַּהַרְגוּ אׂתוֹ׃

מ וְעַתָּה כִּי־יָבוֹא בַּעַל הַכָּרֶם מַה־יַּעֲשֶׂה לַכּׂרְמִים הָהֵם׃

מא וַיּׂאמְרוּ אֵלָיו יָרַע לָרָעִים וִיאַבְּדֵם וְאֶת־הַכֶּרֶם יִתֵּן לְכׂרְמִים אֲחֵרִים אֲשֶׁר יָשִׁיבוּ לוֹ אֶת־פִּרְיוֹ בְּעִתּוֹ׃

מב וַיּׂאמֶר אֲלֵיהֶם יֵשׁוּעַ הֲכִי לׂא־קְרָאתֶם בַּכְּתוּבִים אֶבֶן מָאֲסוּ הַבּוֹנִים הָיְתָה לְרׂאשׁ פִּנָּה מֵאֵת יְהוָֹה הָיְתָה זּׂאת הִיא נִפְלָאת בְּעֵינֵינוּ׃

מג עַל־כֵּן אֲנִי אׂמֵר לָכֶם כִּי־תֻקַּח מִכֶּם מַלְכוּת הָאֱלׂהִים וְתִסּׂב לְגוֹי אֲשֶׁר יַעֲשֶׂה אֶת־פִּרְיָהּ׃

מד (וְהַנּׂפֵל אַל־הָאֶבֶן הַהִיא יִשָׁבֵר וַאֲשֶׁר תִּפּׂל עָלָיו תִּשְׁחָקֵהוּ)׃

מה וַיְהִי כִּשְׁמׂעַ רָאשֵׁי הַכּׂהֲנִים וְהַפְּרוּשִׁים אֶת־מְשָׁלָיו וַיָּבִינוּ כִּי עֲלֵיהֶם דִּבֵּר׃

מו וַיְבַקְשׁוּ לְתָפְשׂוֹ וַיִּירְאוּ מִפְּנֵי רָב־הָעָם כִּי לְנָבִיא חֲשָׁבֻהוּ׃