Matthew 25

א אָז תִּדְמֶה מַלְכוּת הַשָׁמַיִם לְעֶשֶׂר עֲלָמוֹת אֲשֶׁר לָקְחוּ אֶת־נֵרוֹתֵיהֶן וַתֵּצֶאנָה לִקְרַאת הֶחָתָן׃

ב חָמֵשׁ מֵהֶן חֲכָמוֹת וְחָמֵשׁ כְּסִילוֹת׃

ג וַתִּקַּחְנָה הַכְּסִילוֹת אֶת־הַנֵּרוֹת וְלׂא־לָקְחוּ עִמָּהֶן שָׁמֶן׃

ד וְהַחֲכָמוֹת לָקְחוּ שֶׁמֶן בִּכְלֵיהֶן וְאֵת נֵרוֹתֵיהֶן׃

ה וְכַאֲשֶׁר אֵחַר הֶחָתָן לָבוֹא וַתָּנׂמְנָה כֻלָּן וַתֵּרָדַמְנָה׃

ו וַיְהִי בַּחֲצוֹת הַלַּיְלָה וַיִּשָׁמַע קוֹל תְּרוּעָה הִנֵּה הֶחָתָן צְאֶינָה לִקְרָאתוֹ׃

ז אָז הִתְעוֹרֲרוּ כָּל־הָעֲלָמוֹת הָהֵן וַתֵּיטַבְנָה אֶת־נֵרוֹתֵיהֶן׃

ח וַתּׂאמַרְנָה הַכְּסִילוֹת אֶל־הַחֲכָמוֹת תֵּנָּה לָּנוּ מִשַׁמְנְכֶן כִּי יִכְבּוּ נֵרוֹתֵינוּ׃

ט וַתַּעֲנֶינָה הַחֲכָמוֹת לֵאמׂר לׂא כֵן פֶּן־לׂא יַסְפּׂיק לָנוּ וְלָכֶן כִּי אִם־לֵכְנָה אֶל־הַמּוֹכְרִים וּקְנֶינָה לָכֶן׃

י וַיְהִי הֵנָּה הׂלְכוֹת לִקְנוֹת וְהֶחָתָן בָּא וַתָּבֹאנָה הַנְּכׂנוֹת עִמּוֹ אֶל־הַחֲתֻנָּה וַתִּסָּגֵר הַדָּלֶת׃

יא וְאַחַר בָּאוּ גַּם־יֶתֶר הָעֲלָמוֹת וַתּׂאמַרְנָה אֲדׂנֵינוּ אֲדׂנֵינוּ פְּתַח־לָנוּ׃

יב וַיַּעַן וַיּׂאמַר אָמֵן אׂמֵר אֲנִי לָכֶן לׂא יָדַעְתִּי אֶתְכֶן׃

יג לָכֵן שְׁקׂדוּ כִּי אֵינְכֶם יוֹדְעִים אֶת־הַיּוֹם וְאֶת־הַשָׁעָה (אֲשֶׁר יָבֹא בָהּ בֶּן־הָאָדָם)׃

יד כִּי הַדָּבָר דּׂמֶה לְאִישׁ נׂסֵעַ לְמֵרָחוֹק אֲשֶׁר קָרָא אֶל־עֲבָדָיו וַיַּפְקֵד בְּיָדָם אֶת־רְכוּשׁוֹ׃

טו וַיִּתֵּן לָזֶה חָמֵשׁ כִּכָּרִים וְלָזֶה שְׁתַּים וְלָזֶה אֶחָת לְכָל־אִישׁ לְפִי יְכָלְתּוֹ וַיְמַהֵר וַיִּסַּע מִשָׁם׃

טז וַיֵּלֶךְ הָאִישׁ הַלּקֵחַ חָמֵשׁ כִּכָּרִים וַיִּסְחַר בָּהֶן וַיַּעַשׂ חָמֵשׁ כִּכָּרִים אֲחֵרוֹת׃

יז וְכֵן הַלּקֵחַ שְׁתַּיִם גַּם־הוּא הִרְוִיחַ שְׁתַּיִם אֲחֵרוֹת׃

יח וְלׂקֵח הָאַחַת הָלַךְ וַיַּחְפּׂר בָּאֲדָמָה וַיִּטְמׂן אֶת־כֶּסֶף אֲדׂנָיו׃

יט וְאַחֲרֵי יָמִים רַבִּים בָּא אֲדוֹנֵי הָעֲבָדִים הָהֵם וַיַּעַשׂ חֶשְׁבּוֹן עִמָּהֶם׃

כ וַיִּגַּשׁ הַלּקֵחַ חֲמֵשׁ הַכִּכָּרִים וַיָּבֵא חָמֵשׁ כִּכָּרִים אֲחֵרוֹת וַיּׂאמַר אֲדׂנִי חָמֵשׁ כִּכָּרִים הִפְקַדְתָּ בְּיָדִי הִנֵּה חָמֵשׁ כִּכָּרִים אֲחֵרוֹת הִרְוַחְתִּי בָהֵן׃

כא וַיּׂאמֶר אֵלָיו אֲדׂנָיו הֱטִיבֹתָ לַעֲשׂוֹת עֶבֶד טוֹב וְנֶאֱמָן כִּי בִמְעַט נֶאֱמָן הָיִיתָ וְעַל־הַרְבֵּה אַפְקִידֶךָ בּוֹא לְשִׂמְחַת אֲדׂנֶיךָ׃

כב וַיִּגַּשׁ גַּם־לׂקֵחַ הַכִּכָּרַיִם וַיּׂאמַר אֲדׂנִי כִּכָּרַיִם הִפְקַדְתָּ בְיָדִי הִנֵּה כִּכָּרַיִם הִרְוַחְתִּי בָהֵן׃

כג וַיּׂאמֶר אֵלָיו אֲדׂנָיו הֱטִיבֹתָ לַעֲשׂוֹת עֶבֶד טוֹב וְנֶאֱמָן בַּמִּזְעָר נֶאֱמַן הָיִּיתָ וְעַל־הַרְבֵּה אַפְקִידֶךָ בּוֹא לְשִׂמְחַת אֲדׂנֶיךָ׃

כד וַיִּגַּשׁ גַּם־הַלּקֵחַ אֶת־הַכִּכָּר הָאַחַת וַיּׂאמַר אֲדׂנִי יְדַעְתִּיךָ כִּי־אִישׁ קָשֶׁה אַתָּה קׂצֵר בַּאֲשֶׁר לׂא זָרַעְתָּ וְכׂנֵס מֵאֲשֶׁר לׂא פִזָּרְתָּ׃

כה וָאִירָא וָאֵלֵךְ וָאֶטְמׂן אֶת־כִּכָּרְךָ בָּאֲדָמָה וְעַתָּה הֵא־לְךָ אֲשֶׁר־לָךְ׃

כו וַיַּעַן אֲדׂנָיו וַיּׂאמֶר אֵלָיו הָעֶבֶד הָרַע וְהֶעָצֵל אַתָּה יָדַעְתָּ כִּי־קׂצֵר אָנׂכִי בַּאֲשֶׁר לׂא זָרַעְתִּי וְכׂנֵס מֵאֲשֶׁר לׂא פִזָּרְתִּי׃

כז לָכֵן הָיָה עָלֶיךָ לָתֵת אֶת־כַּסְפִּי לַשֻׁלְחָנִים וַאֲנִי בְּבוֹאִי הָיִיתִי לׂקֵחַ אֵת אֲשֶׁר־לִי וְתַרְבִּיתוֹ׃

כח עַל־כֵּן שְׂאוּ מִמֶּנּוּ אֵת הַכִּכָּר וּתְנוּ אֶל־הָאִישׁ אֲשֶׁר־לוֹ עֶשֶׂר הַכִּכָּר׃

כט כִּי מִי אֲשֶׁר יֶשׁ־לוֹ יִנָּתֶן לוֹ וְיַעְדִּיף וּמִי אֲשֶׁר אֵין־לוֹ יֻקַּח מִמֶּנּוּ גַּם אֵת אֲשֶׁר־לוֹ׃

ל וְאֶת־עֶבֶד הַבְּלִיַּעַל הַשְׁלִיכוּ אֶל־הַחשֶׁךְ הַחִיצוֹן שָׁם תִּהְיֶה הַיְלָלָה וַחֲרׂק הַשִׁנָּיִם׃

לא וְהָיָה כִּי יָבוֹא בֶּן־הָאָדָם בִּכְבוֹדוֹ וְכָל־הַמַּלְאָכִים הַקְּדׂשִׁים עִמּוֹ וְיָשַׁב עַל־כִּסֵּא כְבוֹדוֹ׃

לב וְנֶאֶסְפוּ לְפָנָיו כָּל־הַגּוֹיִם וְהִפְרִיד בֵּינֵיהֶם כַּאֲשֶׁר יַפְרִיד הָרׂעֶה בֵּין הַכְּבָשִׂים וּבֵין הָעַתּוּדִים׃

לג וְהִצִּיב אֶת־הַכְּבָשִׂים לִימִינוֹ וְאֵת הָעַתּוּדִים לִשְׂמׂאלוֹ׃

לד אָז יׂאמַר הַמֶּלֶךְ אֶל־הַנִּצָּבִים לִימִינוֹ בֹּאוּ בְּרוּכֵי אָבִי וּרְשׁוּ אֶת־הַמַּלְכוּת הַמּוּכָנָה לָכֶם לְמִן־הִוָּסֵד הָעוֹלָם׃

לה כִּי רָעֵב הָיִיתִי וַתַּאֲכִילֻנִי צָמֵא הָיִיתִי וַתַּשְׁקוּנִי אׂרֵחַ הָיִיתִי וַתַּאַסְפוּנִי׃

לו עָרוֹם וַתְּכַסּוּנִי חוֹלֶה וַתְּבַקְּרוּנִי בַּמִּשְׁמָר הָיִיתִי וַתָּבֹאוּ אֵלָי׃

לז וְעָנוּ הַצַּדִיקִים וְאָמְרוּ אֲדׂנֵינוּ מָתַי רְאִינוּךָ רָעֵב וַנְּכַלְכְּלֶךָ אוֹ צָמֵא וַנַּשְׁקֶה אוֹתָךְ׃

לח וּמָתַי רְאִינוּךָ אׂרֵחַ וַנַּאַסְפֲֶָ אוֹ עָרׂם וַנְּכַסֲֶָּ׃

לט וּמָתַי רְאִינוּךָ חוֹלֶה אוֹ בַּמִּשְׁמָר וַנָּבֹא אֵלֶיךָ׃

מ וְהַמֶּלֶךְ יַעֲנֶה וַיׂאמַר אֲלֵיהֶם אָמֵן אׂמֵר אֲנִי לָכֶם מַה־שֶׁעֲשִׂיתֶם לְאֶחָד מֵאַחַי הַצְּעִירִים הָאֵלֶּה לִי עֲשִׂיתֶם׃

מא וְאָז יׂאמַר גַּם אֶל־הַנִּצָּבִים לִשְׂמׂאלוֹ לְכוּ מֵעָלַי אֲרוּרִים אֶל־אֵשׁ עוֹלָם הַמּוּכָנָה לַשָּׂטָן וּלְמַלְאָכָיו׃

מב כִּי רָעֵב הָיִיתִי וְלׂא הֶאֱכַלְתֶּם אוֹתִי צָמֵא הָיִיתִי וְלׂא הִשְׁקִיתֶם אוֹתִי׃

מג אׂרֵחַ הָיִיתִי וְלׂא אֲסַפְתֶּם אוֹתִי עָרוֹם וְלׂא כִסִּיתֶם אוֹתִי חוֹלֶה וּבַמִּשְׁמָר וְלׂא בִקַּרְתֶּם אוֹתִי׃

מד וְעָנוּ גַם־הֵם וְאָמְרוּ אֲדׂנֵינוּ מָתַי רְאִינוּךָ רָעֵב אוֹ צָמֵא אוֹ אׂרֵחַ אוֹ עָרוֹם אוֹ חוֹלֶה אוֹ בַמִּשְׁמָר וְלׂא שֵׁרַתְנוּךָ׃

מה אָז יַעֲנֶה אׂתָם לֵאמׂר אָמֵן אׂמֵר אֲנִי לָכֶם מַה־שֶׁלּא עֲשִׂיתֶם לְאֶחָד מִן־הַצְּעִירִים הָאֵלֶּה גַּם־לִי לׂא עֲשִׂיתֶם׃

מו וְהָלְכוּ אֵלֶּה לְמַעֲצֵבַת עוֹלָם וְהַצַּדִּיקִים לְחַיֵּי עוֹלָם׃