Matthew 26

א וַיְהִי כְּכַלּוֹת יֵשׁוּעַ לְדַבֵּר אֵת כָּל־הַדְּבָרִים הָאֵלֶּה וַיּׂאמֶר אֶל־תַּלְמִידָיו׃

ב אַתֶּם יְדַעְתֶּם כִּי עוֹד יוֹמַיִם וְהַפֶּסַח בָּא וּבֶן־הָאָדָם יִמָּסֵר לְהִצָּלֵב׃

ג וַיִּקָּהֲלוּ רָאשֵׁי הַכּׂהֲנִים וְהַסּוֹפְרִים וְזִקְנֵי הָעָם אֶל־חֲצַר הַכּׂהֵן הַגָּדוֹל וּשְׁמוֹ קַיָּפָא׃

ד וַיִּוָּעֲצוּ יַחְדָּו לִתְפּׂשׂ אֶת־יֵשׁוּעַ בְּעָרְמָה וְלַהֲמִיתוֹ׃

ה וַיּׂאמְרוּ אַךְ־לׂא בֶחָג פֶּן־תִּהְיֶה מְהוּמָה בָּעָם׃

ו וַיְהִי בִּהְיוֹת יֵשׁוּעַ בֵּית הִינִי בְּבֵית שִׁמְעוֹן הַמְּצׂרָע׃

ז וַתִּקְרַב אֵלָיו אִשָׁה וּבְיָדָהּ פַּךְ מִרְקַחַת יְקָרָה מְאׂד וַתִּצּׂק עַל־רׂאשׁוֹ בַּהֲסִיבּוֹ לֶאֱכׂל׃

ח וַיִּרְאוּ הַתַּלְמִידִים וַיִכְעֲסוּ וַיּׂאמְרוּ עַל־מָה הָאִבּוּד הַזֶּה׃

ט כִּי הַמִּרְקַחַת הַזּׂאת הָיְתָה רְאוּיָה לְהִמָּכֵר בִּמְחִיר רָב וְלָתֵת לָעֲנִיִּים׃

י וַיֵּדַע יֵשׁוּעַ וַיּׂאמֶר אֲלֵיהֶם לָמָּה תַּלְאוּ אֶת־הָאִשָׁה הֲלׂא מַעֲשֶׂה טוֹב עָשְׂתָה עִמָּדִי׃

יא כִּי הָעֲנִיִּים בְּכָל־עֵת אִתְּכֶם וְאָנׂכִי אֵינֶנִּי בְּקִרְבְּכֶם בְּכָל־עֵת׃

יב כִּי אֲשֶׁר שָׁפְכָה אֶת־הַמִּרְקַחַת הַזּׂאת עַל־גּוּפִי לַחֲנׂט אוֹתִי עָשְׂתָה זּׂאת׃

יג אָמֵן אׂמֵר אֲנִי לָכֶם בְּכָל־מָקוֹם אֲשֶׁר תִּקָּרֵא הַבְּשׂוֹרָה הַזּׂאת בְּכָל־הָעוֹלָם גַּם אֶת־אֲשֶׁר עָשְׂתָה הִיא יְסֻפַּר לְזִכָּרוֹן לָהּ׃

יד וַיֵּלֶךְ אֶחָד מִשְׁנֵים הֶעָשָׂר וּשְׁמוֹ יְהוּדָה אִישׁ־קְרִיּוֹת אֶל־רָאשֵׁי הַכּׂהֲנִים׃

טו וַיּׂאמֶר מָה־תִּתְּנוּ לִי וְאֶמְסְרֶנּוּ בְיֶדְכֶם וַיִּשְׁקְלוּ־לוֹ שְׁלׂשִׁים כָּסֶף׃

טז וּמִן־הָעֵת הַהִיא בִּקֵּשׁ תּׂאֲנָה לִמְסׂר אוֹתוֹ׃

יז וַיְהִי בָרִאשׁוֹן לְחַג הַמַּצּוֹת וַיִּגְּשׁוּ הַתַּלְמִידִים אֶל־יֵשׁוּעַ לֵאמׂר אֵיפׂה נָכִין לְךָ לֶאֱכׂל אֶת־הַפָּסַח׃

יח וַיּׂאמֶר לְכוּ הָעִירָה אֶל־פְּלׂנִי אַלְמׂנִי וַאֲמַרְתֶּם אֵלָיו כּׂה אָמַר רַבֵּנוּ עִתִּי קְרוֹבָה וּבְבֵיתְךָ אֶעֱשֶׂה אֶת־הַפֶּסַח עִם־תַּלְמִידָי׃

יט וְיַּעֲשׂוֹוֹ הַתַּלְמִידִים כַּאֲשֶׁר צִּוָם יֵשׁוּעַ וַיָּכִינוּ אֶת־הַפָּסַח׃

כ וַיְהִי בָעֶרֶב וַיַּסֵּב עִם־שְׁנֵים הֶעָשָׂר׃

כא וּבְאָכְלָם וַיּׂאמַר אָמֵן אׂמֵר אֲנִי לָכֶם אֶחָד מִכֶּם יִמְסְרֵנִי׃

כב וַיִּתְעַצְּבוּ מְאׂד וַיָּחֵלּוּ אִישׁ אִישׁ לֵאמׂר לוֹ הֶאָנׂכִי הוּא אֲדׂנִי׃

כג וַיַּעַן וַיּׂאמֶר הָאִישׁ אֲשֶׁר טָבַל עִמִּי אֶת־יָדוֹ בַּקְּעָרָה הוּא יִמְסְרֵנִי׃

כד הֵן בֶּן־הָאָדָם הַלוֹךְ יֵלֵךְ כַּכָּתוּב עָלָיו וְאוֹי לָאִישׁ אֲשֶׁר עַל־יָדוֹ יִמָּסֵר בֶּן־הָאָדָם טוֹב לָאִישׁ הַהוּא שֶׁלּא נוֹלָד׃

כה וַיַּעַן יְהוּדָה הַמּׂסֵר אוֹתוֹ וַיּׂאמַר רַבִּי הַאֲנִי הוּא וַיּׂאמֶר אֵלָיו אַתָּה אָמָרְתָּ׃

כו וַיְהִי בְּאָכְלָם וַיִּקַּח יֵשׁוּעַ אֶת־הַלֶּחֶם וַיְבָרֶךְ וַיִּפְרׂס וַיִּתֵּן לַתַּלְמִידִים וַיּׂאמַר קְחוּ וְאִכְלוּ זֶה הוּא גּוּפִי׃

כז וַיִּקַּח אֶת־הַכּוֹס וַיְבָרֶךְ וַיִּתֵּן לָהֶם וַיּׂאמַר שְׁתוּ מִמֶּנָּה כֻּלְּכֶם׃

כח כִּי זֶה הוּא דָּמִי דַּם־הַבְּרִית הַחֲדָשָׁה הַנִּשְׁפָּךְ בְּעַד רַבִּים לִסְלִיחַת חֲטָאִים׃

כט וַאֲנִי אׂמֵר לָכֶם לׂא אֶשְׁתֶּה מֵעַתָּה מִפְּרִי הַגֶּפֶן הַזֶּה עַד הַיּוֹם הַהוּא אֲשֶׁר אֶשְׁתֶּה אׂתוֹ עִמָּכֶם וְהוּא חָדָשׁ בְּמַלְכוּת אָבִי׃

ל וַיְהִי אַחֲרֵי קָרְאָם אֶת־הַהַלֵּל וַיֵּצְאוּ אֶל־הַר הַזֵּיתִים׃

לא אָז אָמַר אֲלֵיהֶם יֵשׁוּעַ אַתֶּם כֻּלְּכֶם תִּכָּשְׁלוּ בִי הַלָּיְלָה כִּי כָתוּב אַכֶּה אֶת־הָרׂעֶה וּתְפוּצֶיןָ הַצּׂאן׃

לב וְאַחֲרֵי קוּמִי אֵלֵךְ לִפְנֵיכֶם הַגָּלִילָה׃

לג וַיַּעַן פֶּטְרוֹס וַיּׂאמֶר לוֹ גַּם כִּי־יִכָּשְׁלוּ בְךָ כֻּלָּם אֲנִי לׂא אֶכָּשֵׁל לְעוֹלָם׃

לד וַיּׂאמֶר אֵלָיו יֵשׁוּעַ אָמֵן אׂמֵר אֲנִי לְךָ כִּי בַלַּיְלָה הַזֶּה בְּטֶרֶם יִקְרָא הַתַּרְנְגוֹל תְּכַחֵשׁ בִּי שָׁלׂשׁ פְּעָמִים׃

לה וַיּׂאמֶר אֵלָיו פֶּטְרוֹס גַּם אִם עָלַי לָמוּת אִתְּךָ לׂא אֲכַחֵשׁ בָּךְ וְכֵן אָמְרוּ גַּם כָּל־הַתַּלְמִידִים׃

לו אַחֲרֵי־כֵן בָּא אִתָּם יֵשׁוּעַ אֶל־חָצֵר הַנִּקְרָא גַּת־שְׁמָנֵי וַיּׂאמֶר אֶל־הַתַּלְמִידִים שְׁבוּ לָכֶם פּׂה עַד־אֲשֶׁר אֵלֵךְ שָׁמָּה וְהִתְפַּלָּלְתִּי׃

לז וַיִּקַּח אִתּוֹ אֶת־פֶּטְרוֹס וְאֶת־שְׁנֵי בְּנֵי זַבְדָּי וַיָּחֶל לְהֵעָצֵב וְלָמוּג׃

לח וַיּׂאמֶר לָהֶם נַפְשִׁי מָרָה־לִי עַד־מָוֶת עִמְדוּ פׂה וְשִׁקְדוּ עִמִּי׃

לט וַיֵּלֶךְ מְעַט מֵאִתָּם וַיִּפּׂל עַל־פָּנָיו וַיִּתְפַּלֵּל לֵאמׂר אָבִי אִם־יוּכַל לִהְיוֹת תַּעֲבָר־נָא מֵעָלַי הַכּוֹס הַזּׂאת אַךְ לׂא כִרְצוֹנִי כִּי אִם־כִּרְצוֹנֶךָ׃

מ וַיָּבֹא אֶל־הַתַּלְמִידִים וַיִּמְצָאֵם יְשֵׁנִים וַיּׂאמֶר אֶל־פֶּטְרוֹס הִנֵּה לׂא־הָיָה בִיכָלְתְּכֶם לִשְׁקׂד עִמִּי שָׁעָה אֶחַת׃

מא שִׁקְדוּ וְהִתְפַּלְּלוּ פֶּן־תָּבֹאוּ לִידֵי נִסָּיוֹן הֵן הָרוּחַ חֲפֵצָה וְהַבָּשָׂר רָפֶה׃

מב וַיּוֹסֶף לָלֶכֶת־לוֹ שֵׁנִית וַיִּתְפַּלֵּל לֵאמׂר אָבִי אִם־לׂא תוּכַל הַכּוֹס הַזּׂאת לַעֲבֹר מֵעָלַי בִּלְתִּי אִם אֶשְׁתֶּה אׂתָהּ יְהִי כִּרְצוֹנֶךָ׃

מג וַיָּבֹא וַיִּמְצָאֵם גַּם בַּפַּעַם הַזּׂאת יְשֵׁנִים כִּי עֵינֵיהֶם כְּבֵדוֹת׃

מד וַיַּנִּיחֵם וַיּוֹסֶף לָלֶכֶת וַיִּתְפַּלֵּל שְׁלִישִׁית בְּאָמְרוֹ עוֹד־הַפַּעַם כַּדָּבָר הַזֶּה׃

מה וַיָּבֹא אֶל־הַתַּלְמִידִים וַיּׂאמֶר אֲלֵיהֶם נוּמוּ עוֹד וְנוּחוּ הִנֵּה הַשָׁעָה קְרוֹבָה וּבֶן־הָאָדָם נִמְסָר בִּידֵי חַטָּאִים׃

מו קוּמוּ וְנֵלֵכָה הִנֵּה הַמּׂסֵר אוֹתִי הׂלֵךְ וְקָרֵב׃

מז עוֹדֶנּוּ מְדַבֵּר וְהִנֵּה יְהוּדָה אֶחָד מִשְׁנֵים הֶעָשָׂר בָּא וְעִמּוֹ הָמוֹן רָב בַּחֲרָבוֹת וּבְמַקְלוֹת מֵאֵת רָאשֵׁי הַכּׂהֲנִים וְזִקְנֵי הָעָם׃

מח וְהַמּׂסֵר אׂתוֹ נָתַן לָהֶם אוֹת לֵאמׂר הָאִישׁ אֲשֶׁר אֶשָׁקֵהוּ זֶה הוּא תִּפְשׂוֹוֹהוּ׃

מט וּמִיָּד נִגַּשׁ אֶל־יֵשׁוּעַ וַיּׂאמֶר שָׁלוֹם לְךָ רַבִּי וַיְנַשֶׁק־לוֹ׃

נ וַיּׂאמֶר אֵלָיו יֵשׁוּעַ רֵעִי עַל־מֶה בָאתָ וַיִּגְּשׁוּ וַיִּשְׁלְחוּ אֶת־יְדֵיהֶם בְּיֵשׁוּעַ וַיִּתְפְּשׂוֹוֹ אׂתוֹ׃

נא וְהִנֵּה אֶחָד מִן־הָאֲנָשִׁים אֲשֶׁר עִם־יֵשׁוּעַ שָׁלַח יָדוֹ וַיִּשְׁלׂף חַרְבּוֹ וַיַּךְ אֶת־עֶבֶד הַכּׂהֵן הַגָּדוֹל וַיְקַצֵּץ אֶת־אָזְנוֹ׃

נב וַיּׂאמֶר אֵלָיו יֵשׁוּעַ הָשֵׁב אֶת־חַרְבְּךָ אֶל־תַּעְרָהּ כִּי כָּל־אׂחֲזֵי חֶרֶב בַּחֶרֶב יׂאבֵדוּ׃

נג הֲתׂאמַר בְּלִבְּךָ כִּי לׂא יָכׂלְתִּי לִשְׁאׂל עַתָּה מֵאֵת אָבִי וִיצַוֶּה־לִי יוֹתֵר מִשְׁנֵים עָשָׂר לִגְיוֹנוֹת שֶׁל־מַלְאָכִים׃

נד וְאֵיכָכָה אֵפוֹא יִמָּלְאוּ הַכְּתוּבִים כִּי־כֵן הָיׂה תִהְיֶה׃

נה בַּשָׁעָה הַהִיא אָמַר יֵשׁוּעַ אֶל־הֲמוֹן הָעָם כְּצֵאת עַל־פָּרִיץ יְצָאתֶם בַּחֲרָבוֹת וּבְמַקְלוֹת לְתָפְשֵׂנִי וַאֲנִי הָיִיתִי יׂשֵׁב וּמְלַמֵּד בַּמִּקְדָּשׁ יוֹם יוֹם וְלׂא הֶחֱזַקְתֶּם בִּי׃

נו וְכָל־זׂאת הָיְתָה לְמַלּאת כִּתְבֵי הַנְּבִיאִים אָז עֲזָבוּהוּ הַתַּלְמִידִים כֻּלָּם וַיָּנוּסוּ׃

נז וְהָאֲנָשִׁים אֲשֶׁר תָּפְשׂוֹוֹ אֶת־יֵשׁוּעַ הוֹלִיכֻהוּ אֶל־קַיָּפָא הַכּׂהֵן הַגָּדוֹל אֲשֶׁר נִקְהֲלוּ בְּבֵיתוֹ הַסּוֹפְרִים וְהַזְּקֵנִים׃

נח וּפֶטְרוֹס הׂלֵךְ אַחֲרָיו מֵרָחוֹק עַד לַחֲצַר הַכּׂהֵן הַגָּדוֹל וַיָּבֹא פְנִימָה וַיֵּשֶׁב אֵצֶל הַמְשָׁרֲתִים לִרְאוֹת מַה־יִּהְיֶה אַחֲרִית הַדָּבָר׃

נט וְרָאשֵׁי הַכּׂהֲנִים וְהַסּוֹפְרִים וְכָל־הַסַּנְהֶדְרִין בִּקְשׁוּ עֵדוּת שֶׁקֶר בְּיֵשׁוּעַ לַהֲמִיתוֹ וְלׂא מָצָאוּ׃

ס וְאַף כִּי בָאוּ שָׁמָּה עֵדֵי שֶׁקֶר רַבִּים לׂא מָצָאוּ׃

סא וּבָאַחֲרוֹנָה נִגְּשׁוּ שְׁנֵי עֵדֵי שֶׁקֶר וַיּׂאמְרוּ זֶה אָמַר יֵשׁ לְאֵל יָדִי לַהֲרׂס אֶת־הֵיכַל הָאֱלׂהִים וְלִבְנוֹתוֹ בִּשְׁלׂשֶׁת יָמִים׃

סב וַיָּקָם הַכּׂהֵן הַגָּדוֹל וַיּׂאמֶר אֵלָיו הֲלׂא תַעֲנֶה דָּבָר מַה־זֶּה יָעִידוּ־בְךָ הָאֲנָשִׁים הָאֵלֶּה׃

סג וְיֵשׁוּעַ הֶחֱרִישׁ וַיַּעַן הַכּׂהֵן הַגָּדוֹל וַיּׂאמֶר לוֹ מַשְׁבִּיעֲךָ אֲנִי בֵּאלׂהִים חַיִּים שֶׁתּׂאמַר לָנוּ אִם־אַתָּה הַמָּשִׁיחַ בֶּן־הָאֱלׂהִים׃

סד וַיּׂאמֶר אֵלָיו יֵשׁוּעַ אַתָּה אָמָרְתָּ וַאֲנִי אׂמֵר לָכֶם מֵעַתָּה תִּרְאוּ אֶת־בֶּן־הָאָדָם יׂשֵׁב לִימִין הַגְּבוּרָה וּבָא עִם־עַנְנֵי הַשָּׁמָיִם׃

סה וַיִּקְרַע הַכּׂהֵן הַגָּדוֹל אֶת־בְּגָדָיו וַיּׂאמַר מְגַדֵּף הוּא וּמַה־לָּנוּ עוֹד לְבַקֵּשׁ עֵדִים הֲלׂא עַתָּה שְׁמַעְתֶּם אֶת־גִּדּוּפוֹ׃

סו מַה־דַּעְתְּכֶם וַיַּעֲנוּ וַיּׂאמְרוּ אִישׁ־מָוֶת הוּא׃

סז וַיָּרׂקּוּ בְּפָנָיו וַיַּכֻּהוּ בְאֶגְרוֹף וַאֲחֵרִים הִכֻּהוּ עַל־הַלֶּחִי׃

סח וַיּׂאמְרוּ הִנָּבֵא לָנוּ הַמָּשִׁיחַ מִי הוּא הַמַּכֶּה אוֹתָךְ׃

סט וּפֶטְרוֹס יָשַׁב מִחוּץ לַבַּיִת בֶּחָצֵר וַתִּגַּשׁ אֵלָיו שִׁפְחָה אַחַת לֵאמׂר גַּם־אַתָּה הָיִיתָ עִם־יֵשׁוּעַ הַגָּלִילִי׃

ע וַיְכַחֵשׁ בִּפְנֵי כֻלָּם לֵאמׂר לׂא יָדַעְתִּי מָה־אַתְּ אׂמָרֶת׃

עא וַיַּעֲבֹר אֶל־פֶּתַח הַשַׁעַר וַתֵּרֶא אוֹתוֹ אַחֶרֶת וַתּׂאמֶר לָאֲנָשִׁים אֲשֶׁר־שָׁם גַּם־זֶה הָיָה עִם־יֵשׁוּעַ הַנָּצְרִי׃

עב וַיּוֹסֶף לְכַחֵשׁ וַיִּשָׁבַע לֵאמׂר לׂא יָדַעְתִּי אֶת־הָאִישׁ׃

עג וּמְעַט אַחֲרֵי־כֵן וַיִּגְּשׁוּ הָעׂמְדִים שָׁם וַיּׂאמְרוּ אֶל־פֶּטְרוֹס אֲבָל גַּם־אַתָּה מֵהֶם כִּי גַם־לְשׁוֹנְךָ מְגַלָּה אוֹתָךְ׃

עד וַיָּחֶל לְהַחֲרִים אֶת־נַפְשׁוֹ וּלְהִשָׁבֵע לֵאמׂר לׂא יָדַעְתִּי אֶת־הָאִישׁ וּמִיָּד קָרָא הַתַּרְנְגוֹל׃

עה וַיִּזְכּׂר פֶּטְרוֹס אֶת־דְּבַר יֵשׁוּעַ אֲשֶׁר דִּבֶּר אֵלָיו לֵאמׂר בְּטֶרֶם יִקְרָא הַתַּרְנְגוֹל תְּכַחֵשׁ בִּי שָׁלׂשׁ פְּעָמִים וַיֵּצֵא הַחוּצָה וַיְמָרֵר בַּבֶּכִי׃