Matthew 7

א אַל־תִּשְׁפׂטוּ לְמַעַן אֲשֶׁר לׂא תִּשָׁפֵטוּ׃

ב כִּי בַמִּשְׁפָּט אֲשֶׁר אַתֶּם שׁׂפְטִים תִּשָׁפֵטוּ וּבַמִּדָּה אֲשֶׁר אַתֶּם מׂדֲדִים יִמַּד לָכֶם׃

ג וְלָמָּה זֶּה תִרְאֶה אֶת־הַקֵּיסָם בְּעֵין אָחִיךָ וְאֶל־הַקּוֹרָה אֲשֶׁר בְּעֵינְךָ לׂא תַבִּיט׃

ד וְאֵיךְ תּׂאמַר אֶל־אָחִיךָ הַנִּיחָה לִּי וְאָסִיר אֶת־הַקֵּיסָם מֵעֵינֶךָ וְהִנֵּה הַקּוֹרָה בְּעֵינֶךָ׃

ה הֶחָנֵף הָסֵר בָּרִאשׁוֹנָה אֶת־הַקּוֹרָה מֵעֵינְךָ וְאַחֲרֵי כֵן רָאׂה תִרְאֶה לְהָסִיר אֶת־הַקֵּיסָם מֵעֵין אָחִיךָ׃

ו אַל־תִּתְּנוּ אֶת־הַקּׂדֶשׁ לַכְּלָבִים וְאַל־תַּשְׁלִיכוּ פְנִינֵיכֶם לִפְנֵי הַחֲזִירִים פֶּן־יִרְמְסוּם בְּרַגְלֵיהֶם וּפַנוּ וְטָרְפוּ אֶתְכֶם׃

ז שַׁאֲלוּ וְיִנָּתֵן לָכֶם דִּרְשׁוּ וְתִמְצָאוּ דִּפְקוּ וְיִפָּתַח לָכֶם׃

ח כִּי כָּל־הַשׁׂאֵל יְקַבֵּל וְהַדּׂרֵשׁ יִמְצָא וְהַדּׂפֵק יִפָּתַח לוֹ׃

ט הֲיֵשׁ בָּכֶם אִישׁ אֲשֶׁר יִשְׁאַל מִמֶּנּוּ בְּנוֹ לָחֶם וְנָתַן־לוֹ אָבֶן׃

י וְכִי יִשְׁאַל מִמֶּנּוּ דָּג הֲיִתֶּן־לוֹ נָחָשׁ׃

יא הֵן אַתֶּם הָרָעִים יׂדְעִים לָתֵת מַתָּנוֹת טׂבוֹת לִבְנֵיכֶם אַף כִּי־אֲבִיכֶם שֶׁבַּשָׁמַיִם יִתֵּן אַךְ־טוֹב לַשׁׂאֲלִים מֵאִתּוֹ׃

יב לָכֵן כּׂל אֲשֶׁר תִּרְצוּ שֶׁיַּעֲשׂוֹוֹ לָכֶם בְּנֵי הָאָדָם עֲשׂוֹוֹ לָהֶם גַּם־אַתֶּם כִּי־זׂאת הַתּוֹרָה וְהַנְּבִיאִים׃

יג בֹּאוּ בַּפֶּתַח הַצָּר כִּי רָחָב הַפֶּתַח וּמְרֻוַּחַת דֶּרֶךְ הָאֲבַדּוֹן וְרַבִּים אֲשֶׁר יָבֹאוּ בוֹ׃

יד וְצַר הַפֶּתַח וּמוּצָק דֶּרֶךְ הָחַיִּים וּמְעַטִּים הֵם אֲשֶׁר יִמְצְאוּהָ׃

טו הִשָׁמְרוּ לָכֶם מִנְּבִיאֵי הַשָׁקֶר הַבָּאִים אֲלֵיכֶם בִּלְבוּשׁ כְּבָשִׂים וּבְקִרְבָּם זְאֵבִים טׂרְפִים הֵמָּה׃

טז הַכֵּר תַּכִּירוּ אוֹתָם בְּפִרְיָם הֲיֵאָסְפוּ עֲנָבִים מִן־הַקּׂצִים אוֹ תְאֵנִים מִן־הַבַּרְקָנִים׃

יז כֵּן כָּל־עֵץ טוֹב עׂשֶׂה פְּרִי טוֹב וְהַנִּשְׁחָת עׂשֶׂה פְּרִי רָע׃

יח עֵץ טוֹב לׂא־יוּכַל עֲשׂוֹת פְּרִי רָע וְעֵץ נִשְׁחָת לׂא יַעֲשֶׂה פְּרִי טוֹב׃

יט וְכָל־עֵץ אֲשֶׁר־לׂא יַעֲשֶׂה פְּרִי טוֹב יִכָּרֵת וְיֻשְׁלַךְ בָּאֵשׁ׃

כ לָכֵן בְּפִרְיָם תַּכִּירוּ אוֹתָם׃

כא לׂא כָל־הָאׂמֵר לִי אֲדׂנִי אֲדׂנִי יָבוֹא בְּמַלְכוּת הַשָׁמָיִם כִּי אִם־הָעׂשֶׂה רְצוֹן אָבִי שֶׁבַּשָׁמָיִם׃

כב וְהָיָה בַּיּוֹם הַהוּא יׂאמְרוּ רַבִּים אֵלַי אֲדׂנִי אֲדׂנִי הֲלׂא בְשִׁמְךָ נִבֵּאנוּ וּבְשִׁמְךָ גֵּרַשְׁנוּ שֵׁדִים וּבְשִׁמְךָ עָשִׂינוּ נִפְלָאוֹת רַבּוֹת׃

כג אָז אֶעֱנֶה־בָּם לֵאמׂר מֵעוֹלָם לׂא יָדַעְתִּי אֶתְכֶם סוּרוּ מִמֶּנִּי פּׂעֲלֵי אָוֶן׃

כד לָכֵן כָּל־הַשׁׂמֵעַ אֶת־דְבָרַי אֵלֶּה וְעָשָׂה אׂתָם אֲדַמֵּהוּ לְאִישׁ חָכָם אֲשֶׁר־בָּנָה אֶת־בֵּיתוֹ עַל־הַצּוּר׃

כה וַיֵּרֶד הַגֶּשֶׁם וַיִּשְׁטְפוּ הַנְּחָלִים וַיְנַשְׁבוּ הָרוּחוֹת וַיִּגְּעוּ בַּבַּיִת הַהוּא וְלׂא נָפָל כִּי יֻסַּד עַל־הַצּוּר׃

כו וְכָל־הַשׁׂמֵעַ אֶת־דְּבָרַי אֵלֶּה וְלׂא יַעֲשֶׂה אׂתָם יִדְמֶה לְאִישׁ בַּעַר אֲשֶׁר־בָּנָה אֶת־בֵּיתוֹ עַל־הַחוֹל׃

כז וַיֵּרֶד הַגֶּשֶׁם וַיִּשְׁטְפוּ הַנְּחָלִים וַיְנַשְׁבוּ הָרוּחוֹת וַיִּפְגְּעוּ בַּבַּית הַהוּא וַיִפּׂל וַתְּהִי מַפַּלְתּוֹ גְדוֹלָה׃

כח וַיְהִי כְּכַלּוֹת יֵשׁוּעַ לְדַבֵּר אֶת־הַדְּבָרִים הָאֵלֶּה וַיִּשְׁתּוֹמֵם הֲמוֹן הָעָם עַל־תּוֹרָתוֹ׃

כט כִּי הָיָה מְלַמֵּד אוֹתָם כְּאִישׁ שִׁלְטוֹן וְלׂא כַּסּוֹפְרִים׃