3John 1

א הַזָּקֵן אֶל־גָּיוֹס יְדִידִי אֲשֶׁר אֲנִי אׂהֵב אׂתוֹ בֶּאֱמֶת׃

ב יְדִידִי רְצוֹנִי שֶׁיִּיטַב לְךָ לְכָל־דָּבָר וְתִהְיֶה בָרִיא כְּטוֹב לְנַפְשֶׁךָ׃

ג כִּי שָׂמַחְתִּי מְאׂד כַּאֲשֶׁר בָּאוּ אַחִים וַיָּעִידוּ עַל־אֲמִתֶּךָ אֲשֶׁר מִתְהַלֵּךְ אַתָּה בָּאֱמֶת׃

ד אֵין לִי שִׂמְחָה גְדוֹלָה מִלִּשְׁמׂעַ אֶת־בָּנַי מִתְהַלְּכִים בָּאֱמֶת׃

ה יְדִידִי בֶּאֱמוּנָה כָּל־מַעֲשֶׂיךָ עִם־הָאַחִים וְעִם־הָאׂרְחִים׃

ו אֲשֶׁר הֵעִידוּ עַל־אַהֲבָתְךָ בִּפְנֵי הַקָּהָל וְיָפֶה תַעֲשֶׂה לְשַׁלַּח אׂתָם כָּרָאוּי לִפְנֵי אֱלׂהִים׃

ז כִּי לְמַעַן שְׁמוֹ יָצָאוּ וְלׂא לָקְחוּ דָבָר מִן־הַגּוֹיִם׃

ח עַל־כֵּן עָלֵינוּ לְקַבֵּל אׂתָם לְמַעַן נִהְיֶה עׂזְרִים לָאֱמֶת׃

ט אֲנִי כָתַבְתִּי אֶל־הַקְּהִלָּה אֲבָל דִּיּוֹטְרִיפַס הַמִּתְאַוֶּה לִהְיוֹת לָהֶם לְרׂאשׁ אֵינֶנּוּ מְקַבֵּל אׂתָנוּ׃

י עַל־כֵּן בְּבֹאִי אַזְכִּיר אֶת־מַעֲשָׂיו אֲשֶׁר הוּא עׂשֶׂה לְבַטֵּא עָלֵינוּ דְּבָרִים רָעִים וְלׂא דַּי־לוֹ בָזֶה כִּי גַם אֶת־הָאַחִים לׂא יְקַבֵּל וְיִמְנַע אֶת־הַחֲפֵצִים לְקַבְּלָם וַיְגָרֲשֵׁם מִתּוֹךְ הַקָּהָל׃

יא יְדִידִי אַל־תֵּלֵךְ בְּעִקְּבוֹת הָרָעָה כִּי אִם־בְּעִקְּבוֹת הַטּוֹב הָעׂשֶׂה טוֹב הוּא מֵאֱלׂהִים וְהָעׂשֶׂה רַע לׂא רָאָה אֶת־הָאֱלׂהִים׃

יב עַל־דְּמַטְרִיּוֹס הֵעִידוּ הַכּׂל וְגַם־הָאֱמֶת עַצְמָהּ וְגַם־אֲנַחְנוּ מְעִידִים עָלָיו וִידַעְתֶּם כִּי עֵדוּתֵנוּ נֶאֱמָנָה׃

יג הַרְבֵּה יֶשׁ־לִי לִכְתּׂב וְלׂא חָפַצְתִּי לִכְתּׂב אֵלֶיךָ בִּדְיוֹ וּבְקוֹלָמוֹס׃

יד אֲבָל אֲקַוֶּה לִרְאוֹתְךָ בִּמְהֵרָה וּפֶה אֶל־פֶּה נְדַבֵּר׃