1Timothy 2

א וְעַתָּה קׂדֶם כָּל־דָּבָר אֲבַקְשָׁה מִכֶּם לָשֵׂאת תְּפִלּוֹת וְתַחֲנוּנִים וּבַקָּשׁוֹת וְתוֹדוֹת בְּעַד כָּל־בְּנֵי אָדָם׃

ב בְּעַד הַמְּלָכִים וְכָל־הַשַּׁלִּיטִים לְמַעַן נִחְיֶה חַיֵּי הַשְׁקֵט וָבֶטַח בְּכָל־חֲסִידוּת וָישֶׁר׃

ג כִּי־כֵן טוֹב וְרָצוּי בְּעֵינֵי אֱלׂהִים מוֹשִׁיעֵנוּ׃

ד אֲשֶׁר חֶפְצוֹ כִּי יִוָּשְׁעוּ כָּל־בְּנֵי הָאָדָם וִיקַבְּלוּ דַּעַת הָאֱמֶת׃

ה כִּי אֶחָד הָאֱלׂהִים וְאֶחָד הַסַּרְסוֹר בֵּין אֱלׂהִים וּבֵין בְּנֵי אָדָם הוּא בֶן־אָדָם הַמָּשִׁיחַ יֵשׁוּעַ׃

ו אֲשֶׁר נָתַן אֶת־נַפְשׁוֹ כּׂפֶר בְּעַד הַכּׂל וְזׂאת הָעֵדוּת הַבָּאָה בְּעִתָּהּ׃

ז אֲשֶׁר אֲנִי הָפְקַדְתִּי לָהּ לְכָרוֹז וּלְשָׁלִיחַ אֱמֶת אֲנִי מַגִּיד בַּמָּשִׁיחַ וְלׂא אֲשַׁקֵּר מוֹרֵה הַגּוֹיִם בֶּאֱמוּנָה וּבֶאֱמֶת׃

ח לָכֵן רְצוֹנִי שֶׁיִּתְפַּלֲלוּ הָאֲנָשִׁים בְּכָל־מָקוֹם וְיִשְׂאוּ יְדֵיהֶם קׂדֶשׁ בְּלִי־רׂגֶז וּמְזִמּוֹת׃

ט וְכֵן גַּם־הַנָּשִׁים תִּתְיַפֶּינָה בְּתִלְבּשֶׁת נָאָה בְּבשֶׁת פָּנִים וּצְנִיעוּת לׂא בְּמַחְלְפוֹת הָרׂאשׁ לׂא בְזָהָב לׂא בִפְנִינִים וְלׂא בְּמַלְבּוּשִׁים יְקָרִים׃

י אֶלָּא בְּמַעֲשִׂים טוֹבִים כָּרָאוּי לַנָּשִׁים אֲשֶׁר בָּחֲרוּ לָהֶן יִרְאַת אֱלׂהִים׃

יא הָאִשָּׁה תִּלְמַד דּוּמָם בְּכָל־הַכְנָעָה׃

יב וְאֵינֶנִּי נׂתֵן רְשׁוּת לָאִשָּׁה לְלַמֵּד אַף לׂא לְהִתְנַשֵׂא עַל־הָאִישׁ אַךְ תִּדּוֹם׃

יג כִּי אָדָם נוֹצַר בָּרִאשׁוֹנָה וְאַחֲרָיו חַוָּה׃

יד וְאָדָם לׂא נִפְתָּה כִּי אִם־הָאִשָּׁה שָׁמְעָה לְקוֹל הַמֵּסִית וַתָּבֹא לִידֵי עֲבֵרָה׃

טו אֲבָל תִּוָּשַׁע בְּלִדְתָּהּ בָּנִים אִם תַּעֲמׂדְנָה בָּאֱמוּנָה וּבָאַהֲבָה וּבַקְּדֻשָּׁה עִם־הַצְּנִיעוּת׃