Ephesians 6

א שִׁמְעוּ בָּנִים אֶל־הוֹרֵיכֶם בַּאֲדׂנֵינוּ כִּי־אׂרַח ישֶׁר הוּא׃

ב כַּבֵּד אֶת־אָבִיךָ וְאֶת־אִמֶּךָ זׂאת הִיא הַמִּצְוָה הָרִאשׁוֹנָה שֶׁמַּתַּן שְׂכָרָהּ בְּצִדָּהּ׃

ג לְמַעַן יִיטַב לָךְ וּלְמַעַן יַאֲרִיכֻן יָמֶיךָ עַל־הָאֲדָמָה׃

ד וְאַתֶּם הָאָבוֹת אַל־תַּכְעִיסוּ אֶת־בְּנֵיכֶם וְגַדְּלוּ אׂתָם בְּמוּסַר אֲדׂנֵינוּ וּבְתוֹכַחְתּוֹ׃

ה שִׁמְעוּ עֲבָדִים אֶל־אֲדׂנֵיכֶם מִן־הַבָּשָׂר בְּיִרְאָה וָרֶתֶת וּבְתָם־לְבַבְכֶם כִּשְׁמׂעַ לַמָּשִׁיחַ׃

ו לׂא בַעֲבֹדָה שֶׁהִיא לְמַרְאֵה עֵינַיִם כִּמְבַקְשִׁים לִמְצׂא חֵן בְּעֵינֵי בְנֵי־אָדָם כִּי אִם־כְּעַבְדֵי הַמָּשִׁיחַ הָעׂשִׂים רְצוֹן הָאֱלׂהִים בְּכָל־נַפְשָׁם׃

ז לַעֲבֹד בְּנֶפֶשׁ חֲפֵצָה אֶת־הָאָדוֹן וְלׂא בְנֵי אָדָם׃

ח וִידַעְתֶּם כִּי כָּל־דָּבָר טוֹב אֲשֶׁר עָשָׂה הָאָדָם יְשַׁלְּמֶנּוּ לוֹ אֲדׂנֵינוּ בֵּין שֶׁהוּא־עֶבֶד וּבֵין שֶׁהוּא בֶן־חוֹרִין׃

ט וְאַתֶּם הָאֲדׂנִים כָּכָה תַעֲשׂוּ גַּם־לָהֶם חִדְלוּ מִגְּעָר־בָּם וִידַעְתֶּם כִּי גַם־עֲלֵיכֶם יֵשׁ אָדוֹן בַּשָּׁמַיִם וְאֵין לְפָנָיו מַשּׂא פָנִים׃

י סוֹף דָּבָר אֶחָי חִזְקוּ בַאֲדׂנֵינוּ וּבְעׂז גְּבוּרָתוֹ׃

יא לִבְשׁוּ כְּלֵי־נֶשֶׁק אֱלׂהִים לְמַעַן תּוּכְלוּ עֲמׂד נֶגֶד נִכְלֵי הַשָׂטָן׃

יב כִּי לׂא עִם־בָּשָׂר וָדָם מִלְחָמָה לָנוּ כִּי עִם־שָׂרִים וְשַׁלִּיטִים עִם־הַמּשְׁלִים בְּחֶשְׁכַּת הָעוֹלָם הַזֶּה עִם־הָרוּחוֹת הָרָעוֹת אֲשֶׁר בַּמְּרוֹמִים׃

יג עַל־כֵּן אֶחֱזוּ בִּכְלֵי־נֶשֶׁק אֱלׂהִים לְמַעַן תּוּכְלוּ לָקוּם בַּיּוֹם הָרָע וּלְמַלֵּא צְבָאֲכֶם וְלַעֲמוֹד׃

יד עִמְדוּ־נָא חֲגוּרֵי הָאֱמֶת בְּמָתְנֵיכֶם וּלְבוּשִׁים שִׁרְיוֹן הַצֶּדֶק׃

טו וְרַגְלֵיכֶם מֻנְעָלוֹת לִהְיוֹת מוּכָנִים לִבְשׂוֹרַת הַשָּׁלוֹם׃

טז וְעַל־כָּל־אֵלֶּה תִּפְשׂוּ אֶת־מָגֵן הָאֱמוּנָה אֲשֶׁר תּוּכְלוּ לְכַבּוֹת בּוֹ אֶת־חִצֵּי הָרָשָׁע הַדּׂלְקִים׃

יז וּקְחוּ אֶת־כּוֹבַע הַיְשׁוּעָה וְחֶרֶב הָרוּחַ שֶׁהִיא דְּבַר הָאֱלׂהִים׃

יח וְהַתְמִידוּ בְכָל־עֵת בִּתְפִלָּה וְתַחֲנוּנִים בָּרוּחַ וְשִׁקְדוּ וְהִתְאַמְּצוּ לְהַעְתִּיר יַחַד בְּעַד כָּל־הַקְּדשִׁים׃

יט וְגַם־בַּעֲדִי לְמַעַן יִנָּתֶן־לִי הַדָּבָר בְּפִתְחִי פִי לְגַלּוֹת בְּאׂמֶץ לֵב אֶת־סוֹד הַבְּשׂוֹרָה אֲשֶׁר אֲנִי מְלִיצָהּ בְּמוֹסֵרוֹת׃

כ לְמַעַן אֲדַבֵּר בָּהּ כַּאֲשֶׁר מֻטָּל עָלַי לְדַבֵּר וְלׂא אֵחָת׃

כא וּלְמַעַן אֲשֶׁר תֵּדְעוּ גַם־אַתֶּם אֶת־קׂרׂתַי וְאֶת־מַעֲשָׂי הִנֵּה טוּכִיקוֹס הָאָח הֶחָבִיב וְהַמְשָׁרֵת הַנֶּאֱמָן בַּאֲדׂנֵינוּ יַגִּיד לָכֶם הַכּׂל׃

כב אֲשֶׁר לָזׂאת שְׁלַחְתִּיהוּ אֲלֵיכֶם לְהוֹדִיעֲכֶם אֶת־קׂרׂתֵינוּ וּלְמַעַן יְנַחֵם אֶת־לְבַבְכֶם׃

כג הַשָּׁלוֹם לָאַחִים וְהָאַהֲבָה עִם־הָאֱמוּנָה מֵאֵת הָאֱלׂהִים הָאָב וּמֵאֵת הָאָדוֹן יֵשׁוּעַ הַמָּשִׁיחַ׃

כד הַחֶסֶד עִם־כָּל־הָאׂהֲבִים אֶת־אֲדׂנֵינוּ יֵשׁוּעַ הַמָּשִׁיחַ בְּאַהֲבָה אֲשֶׁר לׂא־תִכְלֶה אָמֵן׃