Jacob (aka James) 3

א אַחַי אַל־יִהְיוּ רַבִּים מִכֶּם לְמוֹרִים בַּאֲשֶׁר יְדַעְתֶּם כִּי בָזׂאת נַחְמִיר עָלֵינוּ אֶת־הַדִּין׃

ב כִּי כֻלָּנוּ נִכְשָׁלִים הַרְבֵּה וַאֲשֶׁר לׂא־יִכָּשֵׁל בְּדִבּוּר הוּא אִישׁ תָּמִים וְיָכׂל לָשׂוֹוֹם רֶסֶן לְכָל־גּוּפוֹ׃

ג הִנֵּה בְּפִי הַסּוּסִים נָשִׂים אֶת־הָרֶסֶן לְמַעַן אֲשֶׁר יִשָּׁמְעוּ לָנוּ וְנִהַגְנוּ בוֹ אֵת כָּל־גְּוִיָּתָם׃

ד וְהִנֵּה הָאֳנִיּוֹת אַף־כִּי גְדׂלוֹת הֵנָּה וְנֶהְדָּפוֹת בְּרוּחַ עַזָּה מָשׁוֹט קָטׂן יִנְהַג אׂתָן אֶל־כּׂל אֲשֶׁר־יַחְפּׂץ הַחׂבֵל כֵּן גַּם־הַלָּשׁוֹן אֵבָר קָטׂן הִיא וּגְדׂלוֹת תְּדַבֵּר׃

ה הִנֵּה מַה־גָּדוֹל הַיַּעַר וְאֵשׁ קְטַנָּה תַּבְעִירֶנּוּ גַּם־הַלָּשׁוֹן אֵשׁ הִיא עוֹלָם מָלֵא עַוְלָה׃

ו (כֵּן) הַלָּשׁוֹן נִצֶּבֶת בֵּין אֵבָרֵינוּ הַמַּגְאֶלֶת אֶת־כָּל־הַגּוּף וּמְלַהֶטֶת אֶת־גַּלְגַּל הֲוָיָתֵנוּ וְהִיא לְהוּטָה בְּאֵשׁ גֵּיהִנּׂם׃

ז כִּי כָּל־מִין בְּהֵמָה וְעוֹף וְרֶמֶשׂ וְחַיּוֹת הַיָּם יִכָּבֵשׁ וְנִכְבָּשִׁים הֵם עַל־יְדֵי מִין הָאָדָם׃

ח אֲבָל הַלָּשׁוֹן אֵין אָדָם יָכׂל לְכָבְשָׁהּ אֵין מַעְצוֹר לָרָעָה הַזּׂאת וּמְלֵאָה חֲמַת הַמָּוֶת׃

ט בָּהּ נְבָרֵךְ אֶת־הָאֱלׂהִים אָבִינוּ וּבָהּ נְקַלֵּל אֶת־הָאֲנָשִׁים הָעֲשׂוֹוֹיִם בְּצֶלֶם אֱלׂהִים׃

י מִפֶּה אֶחָד יׂצֵאת בְּרָכָה וּקְלָלָה וְכֵן לׂא־יֵעָשֶׂה אֶחָי׃

יא הֲיַבִּיעַ הַמַּעְיָן מְתוּקִים וּמָרִים מִמּוֹצָא אֶחָד׃

יב אַחַי הֲיוּכַל עֵץ הַתְּאֵנָה לַעֲשׂוֹת זֵיתִים אוֹ הֲתוּכַל הַגֶּפֶן לַעֲשׂוֹת תְּאֵנִים כֵּן גַּם־מַעְיָן אֶחָד לׂא יוּכַל לִנְבֹּעַ מַיִם מְלוּחִים וּמְתוּקִים׃

יג מִי בָכֶם חָכָם וְנָבוֹן יַרְאֶה בְּדַרְכּוֹ הַטּוֹבָה אֶת־מַעֲשָׂיו בְּעַנְוַת הַחָכְמָה׃

יד וְאִם־קִנְאָה מָרָה וּמְרִיבָה בִּלְבַבְכֶם אַל־תִּתְהַלֲלוּ וְאַל־תְּשַׁקְּרוּ בָּאֱמֶת׃

טו לׂא זׂאת הַחָכְמָה הַיּׂרֶדֶת מִמָּעַל כִּי אִם־חָכְמַת הַחֶלֶד וְהַיֵּצֶר וְהַשֵּׁדִים׃

טז כִּי־בִמְקוֹם קִנְאָה וּמְרִיבָה שָׁם מְהוּמָה וְכָל־מַעֲשֶׂה רָע׃

יז אֲבָל הַחָכְמָה אֲשֶׁר מִמַּעַל טְהוֹרָה הִיא אַף־אׂהֶבֶת שָׁלוֹם וּמַכְרַעַת לְכַף־זְכוּת וְלׂא עׂמֶדֶת עַל־דַּעְתָּהּ וּמְלֵאָה רַחֲמִים וּפְרִי טוֹב בְּלׂא־לֵב וָלֵב וְאֵין חֲנֻפָּה בָּהּ׃

יח וּפְרִי הַצְּדָקָה בְּשָׁלוֹם יִזָּרֵעַ לְעׂשֵׂי הַשָּׁלוֹם׃