Mark 9

א וַיּׂאמֶר אֲלֵיהֶם אָמֵן אׂמֵר אֲנִי לָכֶם כִּי יֵשׁ בָּעׂמְדִים פּׂה אֲשֶׁר לׂא־יִטְעֲמוּ טַעַם מִיתָה עַד כִּי־יִרְאוּ מַלְכוּת הָאֱלׂהִים בָּאָה בִגְבוּרָה׃

ב וְאַחֲרֵי שֵׁשֶׁת יָמִים לָקַח יֵשׁוּעַ אֶת־פֶּטְרוֹס וְאֶת־יַעֲקׂב וְאֶת־יוֹחָנָן וַיַּעֲלֵם לְבַדָּם עִמּוֹ עַל־הַר גָּבֹהַּ וַיִּשְׁתַּנֶּה לְעֵינֵיהֶם׃

ג וַיַּזְהִירוּ בְגָדָיו וַיִּהְיוּ לְבָנִים מְאׂד כַּשָּׁלֶג אֲשֶׁר לׂא יוּכַל כּוֹבֵס בָּאָרֶץ לְהַלְבִּין כְּמוֹהֶם׃

ד וַיֵּרָא אֲלֵיהֶם אֵלִיָּהוּ וּמשֶׁה וַיִּהְיוּ מִדַּבְּרִים עִם־יֵשׁוּעַ׃

ה וַיַּעַן פֶּטְרוֹס וַיּׂאמֶר אֶל־יֵשׁוּעַ רַבִּי טוֹב לָנוּ לִהְיוֹת פּׂה נַעֲשֶׂה־נָּא שָׁלׂשׁ סֻכּוֹת לְךָ אַחַת וּלְמׂשֶׁה אַחַת וּלְאֵלִיָּהוּ אֶחָת׃

ו כִּי לׂא־יָדַע מַה־יְדַּבֵּר כִּי נִבְהָלוּ׃

ז וַיְהִי עָנָן סוֹכֵךְ עֲלֵיהֶם וַיֵּצֵא מִן־הֶעָנָן קוֹל אׂמֵר זֶה בְּנִי יְדִידִי אֵלָיו תִּשְׁמָעוּן׃

ח וַיַּבִּיטוּ פִתְאׂם כּׂה וָכׂה וְלׂא־רָאוּ עוֹד אִישׁ בִּלְתִּי אֶת־יֵשׁוּעַ לְבַדּוֹ אִתָּם׃

ט וַיֵּרְדוּ מִן־הָהָר וַיַּזְהִירֵם לְבִלְתִּי הַגִּיד לְאִישׁ אֶת־אֲשֶׁר רָאוּ עַד כִּי־יָקוּם בֶּן־הָאָדָם מִן־הַמֵּתִים׃

י וַיִּשְׁמְרוּ אֶת־הַדָּבָר בִּלְבָבָם וַיִּדְרְשׁוּ לָדַעַת הַתְּקוּמָה מִן־הַמֵּתִים מַה־הִיא׃

יא וַיִּשְׁאָלֻהוּ לֵאמׂר מַה־זֶּה אׂמְרִים הַסּוֹפְרִים כִּי אֵלִיָּהוּ בּוֹא יָבוֹא בָּרִאשׁוֹנָה׃

יב וַיַּעַן וַיּׂאמֶר לָהֶם הִנֵּה אֵלִיָּהוּ בָּא בָרִאשׁוֹנָה וְיָשִׁיב אֶת־הַכּׂל וּמַה־כָּתוּב עַל בֶּן־הָאָדָם הֲלׂא אֲשֶׁר יְעֻנֶּה הַרְבֵּה וְיִמָּאֵס׃

יג אֲבָל אׂמֵר אֲנִי לָכֶם גַּם־בָּא אֵלִיָּהוּ וְגַם־עָשׂוּ לוֹ כִּרְצוֹנָם כַּכָּתוּב עָלָיו׃

יד וַיְהִי כְּבוֹאוֹ אֶל־הַתַּלְמִידִים וַיַּרְא עַם־רָב סְבִיבוֹתָם וְסוֹפְרִים מִתְוַכְּחִים עִמָּם׃

טו וְכָל־הָעָם כִּרְאוֹתָם אׂתוֹ כֵּן תָּמָהוּ וַיָּרוּצוּ אֵלָיו וַיִּשְׁאֲלוּ־לוֹ לְשָׁלוֹם׃

טז וַיִּשְׁאַל אֶת־הַסּוֹפְרִים מָה־אַתֶּם מִתְוַכְּחִים עִמָּהֶם׃

יז וַיַּעַן אֶחָד מִן־הָעָם וַיּׂאמַר רַבִּי הֵבֵאתִי אֵלֶיךָ אֶת־בְּנִי אֲשֶׁר־רוּחַ אִלֵּם בְּקִרְבּוֹ׃

יח וּבְכָל־מָקוֹם אֲשֶׁר יׂאחֲזֵהוּ הוּא מְרַצֵּץ אׂתוֹ וְיָרַד רִירוֹ וְחָרַק שִׁנָּיו וְיָבֵשׁ גּוּפוֹ וָאׂמַר אֶל־תַּלְמִידֶיךָ לְגָּרֲשׁוֹ וְלׂא יָכׂלוּ׃

יט וַיַּעַן וַיּׂאמֶר לָהֶם הוֹי דּוֹר חֲסַר אֱמוּנָה עַד־מָתַי אֶהְיֶה עִמָּכֶם עַד־מָתַי אֶשָׂא אֶתְכֶם הָבִיאוּ אׂתוֹ לְפָנָי׃

כ וַיְבִיאֻהוּ לְפָנָיו וַיְהִי כַּאֲשֶׁר רָאָהוּ וַיְזַעֲזֵעֵנוּ הָרוּחַ פִּתְאׂם וַיִּפּׂל אַרְצָה וַיִּתְגּוֹלֵל וַיּוֹרֶד רִירוֹ׃

כא וַיִּשְׁאַל אֶת־אָבִיו כַּמָּה יָמִים הָיְתָה־לּוֹ זׂאת וַיּׂאמֶר מִימֵי נְעוּרָיו׃

כב וּפְעָמִים רַבּוֹת הִפִּיל אׂתוֹ גַּם־בָּאֵשׁ גַּם־בַּמַּיִם לְהַאֲבִידוֹ אַךְ אִם־יָכׂל תּוּכַל רַחֵם עָלֵינוּ וְעָזְרֵנוּ׃

כג וַיּׂאמֶר אֵלָיו יֵשׁוּעַ לֵאמׂר אִם־תּוּכַל אָמָרְתָּ כּׂל יוּכַל הַמַּאֲמִין׃

כד וַיִּתֵּן אֲבִי הַיֶּלֶד אֶת־קׂלוֹ בִּבְכִי וַיּׂאמַר אֲנִי מַאֲמִין אֲדׂנִי עֲזָר־נָא לְחֶסְרוֹן אֱמוּנָתִי׃

כה וַיַּרְא יֵשׁוּעַ אֶת־הָעָם מִתְקַבֵּץ אֵלָיו וַיִּגְעַר בָּרוּחַ הַטָּמֵא וַיּׂאמַר רוּחַ אִלֵּם וְחֵרֵשׁ אֲנִי מְצַוְּךָ צֵא מִמֶּנּוּ וְאַל־תּׂסֶף לָבוֹא־בוֹ עוֹד׃

כו וַיִּצְעַק וַיְזַעֲזֵעַ אׂתוֹ מְאׂד וַיֵּצֵא וַיְהִי כַמֵּת וְרַבִּים אָמְרוּ כִּי גָוָע׃

כז וַיַּחֲזֵק יֵשׁוּעַ בְּיָדוֹ וַיְעִירֵהוּ וַיָּקׂם׃

כח וַיְהִי כַּאֲשֶׁר בָּא הַבַּיְתָה וַיִּשְׁאָלֻהוּ תַלְמִידָיו בִּהְיוֹתָם אִתּוֹ לְבַדָּם לֵאמׂר מַדּוּעַ אֲנַחְנוּ לׂא יָכׂלְנוּ לְגָרְשׁוֹ׃

כט וַיּׂאמֶר אֲלֵיהֶם הַמִּין הַזֶּה יָצׂא לׂא יֵצֵא כִּי אִם־בִּתְפִלָּה וּבְצוֹם׃

ל וַיֵּצְאוּ מִשָּׁם וַיַּעַבְרוּ בַּגָּלִיל וְלׂא אָבָה לְהִוָּדַע לְאִישׁ׃

לא כִּי הָיָה מְלַמֵּד אֶת־תַּלְמִידָיו לֵאמׂר אֲלֵיהֶם כִּי עָתִיד בֶּן־הָאָדָם לְהִמָּסֵר בִּידֵי בְנֵי־אָדָם וְיַהַרְגֻהוּ וְאַחֲרֵי מוֹתוֹ יָקוּם בַּיּוֹם הַשְּׁלִישִׁי׃

לב וְהֵם לׂא הֵבִינוּ אֵת הַדָּבָר וַיִּירְאוּ לִשְׁאׂל אוֹתוֹ׃

לג וַיָּבֹא אֶל־כְּפַר־נַחוּם וַיְהִי בַבַּיִת וַיּׂאמֶר אֲלֵיהֶם מָה הִתְוַכַּחְתֶּם אִישׁ עִם־רֵעֵהוּ בַּדָּרֶךְ׃

לד וַיַּחֲרִישׁוּ כִּי הִתְעַשְׂקוּ בַדֶּרֶךְ מִי הַגָּדוֹל בָּהֶם׃

לה וַיֵּשֶׁב וַיִּקְרָא אֶל־שְׁנֵים הֶעָשָׂר וַיּׂאמֶר אֲלֵיהֶם אִישׁ כִּי־יַחְפּׂץ לִהְיוֹת הָרִאשׁוֹן הוּא יִהְיֶה הָאַחֲרוֹן לְכֻלָּם וּמְשָׁרֵת כֻּלָּם׃

לו וַיִּקַּח יֶלֶד וַיַּעֲמִידֵהוּ בְתוֹכָם וַיְחַבְּקֵהוּ וַיּׂאמֶר לָהֶם׃

לז הַמְקַבֵּל בִּשְׁמִי יֶלֶד אֶחָד כָּזֶה הוּא מְקַבֵּל אוֹתִי וְהַמְקַבֵּל אוֹתִי אֵינֶנּוּ מְקַבֵּל אוֹתִי כִּי אִם־אֶת אֲשֶׁר שְׁלָחָנִי׃

לח וַיַּעַן יוֹחָנָן וַיּׂאמֶר אֵלָיו רַבִּי רָאִינוּ אִישׁ מְגָרֵשׁ שֵׁדִים בְּשִׁמְךָ וְאֵינֶנּוּ הוֹלֵךְ אַחֲרֵינוּ וַנִּכְלָאֶנּוּ יַעַן אֲשֶׁר לׂא־הָלַךְ אַחֲרֵינוּ׃

לט וַיּׂאמֶר יֵשׁוּעַ אַל־תִּכְלָאֻהוּ כִּי אֵין אִישׁ עׂשֶׂה גְבוּרָה בִּשְׁמִי וְיוּכַל בִּמְהֵרָה לְדַבֵּר־בִּי רָעָה׃

מ כִּי כׂל אֲשֶׁר אֵינֶנּוּ לְצָרֵינוּ לָנוּ הוּא׃

מא כִּי כָל־הַמַּשְׁקֶה אֶתְכֶם כּוֹס מַיִם בִּשְׁמִי בַּאֲשֶׁר לַמָּשִׁיחַ אַתֶּם אָמֵן אׂמֵר אֲנִי לָכֶם לׂא־יׂאבַד שְׂכָרוֹ׃

מב וְכָל־הַמַּכְשִׁיל אַחַד הַקְּטַנִּים הַמַּאֲמִינִים בִּי טוֹב לוֹ שֶׁיִּתָּלֶה פֶלַח־רֶכֶב עַל־צַוָּארוֹ וְהֻשְׁלַךְ בַּיָּם׃

מג וְאִם־יָדְךָ תַכְשִׁילְךָ קַצֵּץ אׂתָהּ טוֹב לְךָ לָבוֹא לַחַיִּים וְאַתָּה קִטֵּע מִהְיוֹת לְךָ שְׁתֵּי יָדַיִם וְתֵלֵךְ אֶל־גֵּיהִנּׂם אֶל־הָאֵשׁ אֲשֶׁר לׂא תִכְבֶּה׃

מד אֲשֶׁר־שָׁם תּוֹלַעְתָּם לׂא תָמוּת וְאִשָּׁם לׂא תִכְבֶּה׃

מה וְאִם־רַגְלְךָ תַּכְשִׁילְךָ קַצֵּץ אׂתָהּ טוֹב לְךָ לָבוֹא לַחַיִּים וְאַתָּה פִסֵּחַ מִהְיוֹת לְךָ שְׁתֵּי רַגְלַיִם וְתֻשְׁלַךְ לְגֵיהִנּׂם אֶל־הָאֵשׁ אֲשֶׁר לׂא תִכְבֶּה׃

מו אֲשֶׁר־שָׁם תּוֹלַעְתָּם לׂא תָמוּת וְאִשָּׁם לׂא תִכְבֶּה׃

מז וְאִם־עֵינְךָ תַכְשִׁילְךָ עֲקׂר אׂתָהּ טוֹב לְךָ לָבוֹא בְּמַלְכוּת הָאֱלׂהִים בַּעַל עַיִן אַחַת מִהְיוֹת לְךָ שְׁתֵּי עֵינַיִם וְתֻשְׁלַךְ לְגֵיהִנּׂם׃

מח אֲשֶׁר־שָׁם תּוֹלַעְתָּם לׂא תָמוּת וְאִשָּׁם לׂא תִכְבֶּה׃

מט כִּי כָל־אִישׁ בָּאֵשׁ יָמְלָח וְכָל־קָרְבָּן בַּמֶּלַח יָמְלָח׃

נ טוֹב הַמֶּלַח וְאִם־הַמֶּלַח יִהְיֶה תָפֵל בַּמֶּה תְּתַקְּנוּ אוֹתוֹ יְהִי־לָכֶם מֶלַח בְּקִרְבְּכֶם וִיהִי שָׁלוֹם בֵּינֵיכֶם׃