Romans 3

א אִם כֵּן מַה־הוּא יִתְרוֹן הַיְּהוּדִי וּמַה־הִיא תּוֹעֶלֶת הַמִּילָה׃

ב הַרְבֵּה מִכָּל־פָּנִים תְּחִלָּתוֹ שֶׁבְּיָדָם הָפְקְדוּ דִּבְרֵי אֱלׂהִים׃

ג וְאִם־מִקְצָתָם לׂא הֶאֱמִינוּ מַה־בְּכָךְ הַיְבַטֵּל חֶסְרוֹן אֱמוּנָתָם אֶת־אֶמוּנַת אֱלׂהִים׃

ד חָלִילָה אֲבָל הָאֵל הוּא הַנֶּאֱמָן וְכָל־הָאָדָם כּׂזֵב כַּכָּתוּב לְמַעַן תִּצְדַּק בִּדְבָרֶךָ תִּזְכֶּה בְשָׁפְטֶךָ׃

ה וְאִם־עַוְלָתֵנוּ תּוֹדִיעַ אֶת־צִדְקַת הָאֱלׂהִים מַה־נּׂאמַר הֲיֶשׁ־עָוֶל בֵּאלׂהִים הַמְשַׁלֵּחַ חֲרוֹן אַפּוֹ כְּדַבֵּר בְּנֵי־אָדָם אֲנִי מְדַבֵּר׃

ו חָלִילָה שֶׁאִם־כֵּן אֵיךְ יִשְׁפּׂט הָאֱלׂהִים אֶת־הָעוֹלָם׃

ז כִּי אִם־בְּכָזְבִי תִּרְבֶּה וְתִפְרׂץ אֲמִתּוֹ שֶׁל אֱלׂהִים לִתְהִלָּה לוֹ לָמָּה אֶשָּׁפֵט עוֹד כְּחוֹטֵא׃

ח וְלָמָּה לׂא נַעֲשֶׂה כִּדְבַר מְחָרֲפֵינוּ וּמוֹצִיאֵי דִבָּה עָלֵינוּ כְּאִלּוּ אׂמְרִים אֲנַחְנוּ נַעֲשֶׂה הָרַע לְמַעַן יָבֹא הַטּוֹב אֵלֶּה הֵם אֲשֶׁר עֲלֵיהֶם יָבֹא דִינָם בְּצֶדֶק׃

ט וְעַתָּה מָה הֲיֶשׁ־לָנוּ מַעֲלָה יְתֵרָה לׂא בִמְאוּמָה כְּבָר הוֹכַחְנוּ שֶׁגַּם־הַיְּהוּדִים גַּם־הַיְּוָנִים כֻּלָּם תַּחַת הַחֵטְא׃

י כַּכָּתוּב אֵין צַדִּיק אֵין גַּם־אֶחָד׃

יא אֵין מַשְׂכִּיל אֵין־דּׂרֵשׁ אֶת־אֱלׂהִים׃

יב הַכּׂל סָר יַחְדָּו נֶאֱלָחוּ אֵין עׂשֵׂה־טוֹב אֵין גַּם־אֶחָד׃

יג קֶבֶר פָּתוּחַ גְּרוֹנָם לְשׁוֹנָם יַחֲלִיקוּן חֲמַת עַכְשׁוּב תַּחַת שְׂפָתֵימוֹ׃

יד אֲשֶׁר אָלָה פִּיהֶם מָלֵא וּמְרׂרוֹת׃

טו רַגְלֵיהֶם יְמַהֲרוּ לִשְׁפָּךְ־דָּם׃

טז שׁׂד וָשֶׁבֶר בִּמְסִלּוֹתָם׃

יז וְדֶרֶךְ שָׁלוֹם לׂא יָדָעוּ׃

יח אֵין פַּחַד אֱלׂהִים לְנֶגֶד עֵינֵיהֶם׃

יט וַאֲנַחְנוּ יָדַעְנוּ כִּי כָל־מַה־שֶּׁאָמְרָה הַתּוֹרָה מְדַבֶּרֶת לָאֵלֶּה שֶׁעוֹל הַתּוֹרָה עֲלֵיהֶם כְּדֵי שֶׁיִּסָּכֵר כָּל־פֶּה וִיהִי כָל־הָעוֹלָם חַיָּב לִפְנֵי אֱלׂהִים׃

כ מִפְּנֵי שֶׁמִּמַּעֲשֵׂי הַתּוֹרָה לׂא־יִצְדַּק לְפָנָיו כָּל־בָּשָׂר כִּי עַל־יְדֵי הַתּוֹרָה דַּעַת הַחֵטְא׃

כא וְעַתָּה בִּבְלִי תוֹרָה צִדְקַת אֱלׂהִים יָצְאָה לָאוֹר אֲשֶׁר הֵעִידוּ עָלֶיהָ הַתּוֹרָה וְהַנְּבִיאִים׃

כב וְהִיא צִדְקַת אֱלׂהִים בֶּאֱמוּנַת יֵשׁוּעַ הַמָּשִׁיחַ אֶל־כּׂל וְעַל־כּׂל אֲשֶׁר הֶאֱמִינוּ בוֹ כִּי אֵין לְהַבְדִּיל׃

כג כִּי־כֻלָּם חָטָאוּ וְחַסְרֵי־כְבוֹד אֱלׂהִים הֵמָּה׃

כד וְנִצְדְּקוּ חִנָּם בְּחַסְדּוֹ עַל־יְדֵי הַפְּדוּת אֲשֶׁר הָיְתָה בַּמָּשִׁיחַ יֵשׁוּעַ׃

כה אֲשֶׁר שָׂמוֹ הָאֱלׂהִים לְפָנֵינוּ לְכַפּׂרֶת עַל־יְדֵי הָאֱמוּנָה בְּדָמוֹ לְהַרְאוֹת אֶת־צִדְקָתוֹ אַחֲרֵי אֲשֶׁר הֶעֱבִיר אֶת־הַחֲטָאִים הָרִאשׁׂנִים בְּעֵת חֶמְלָתוֹ׃

כו לְהַרְאוֹת אֶת־צִדְקָתוֹ בָּעֵת הַזּׂאת כִּי צַדִּיק הוּא וּמַצְדִּיק אֶת־בֶּן־אֱמוּנַת יֵשׁוּעַ׃

כז וּבְכֵן אַיֵּה תְּהִלַּת הַמִּתְהַלֵּל הֲלׂא אָבָדָה וְעַל־יְדֵי אֵיזוּ תוֹרָה הַעַל־יְדֵי־תוֹרַת הַמַּעֲשִׂים לׂא כִּי עַל־יְדֵי תּוֹרַת הָאֱמוּנָה׃

כח לָכֵן דָּנִים אֲנַחְנוּ שֶׁבֶּאֱמוּנָה יִצְדַּק הָאָדָם בִּבְלִי מַעֲשֵׂי תוֹרָה׃

כט אוֹ הֲרַק אֱלׂהֵי הַיְּהוּדִים הָאֱלׂהִים הֲלׂא גַם אֱלׂהֵי הַגּוֹיִם אָכֵן גַּם־אֱלׂהֵי הַגּוֹיִם הוּא׃

ל כִּי אֶחָד הָאֱלׂהִים הַמַּצְדִּיק אֶת־הַמּוּלִים מִתּוֹךְ הָאֱמוּנָה וְאֶת־הָעֲרֵלִים עַל־יְדֵי הָאֱמוּנָה׃

לא הַמְבַטְּלִים אֵפוֹא אֲנַחְנוּ אֶת־הַתּוֹרָה עַל־יְדֵי הָאֱמוּנָה חָלִילָה אַךְ מְקַיְּמִים אֲנַחְנוּ אֶת־הַתּוֹרָה׃