1John 3
א רְאוּ מַה־גָּדְלָה אַהֲבַת הָאָב אֲשֶׁר נָתַן לָנוּ לְהִקָּרֵא בְּנֵי הָאֱלׂהִים וּבָנָיו אֲנָחְנוּ עַל־כֵּן הָעוֹלָם אֵינֶנּוּ יׂדֵעַ אׂתָנוּ יַעַן כִּי־אוֹתוֹ לׂא יָדָע׃
ב יְדִידַי עַתָּה בָּנִים לֵאלׂהִים אֲנַחְנוּ וְעוֹד לׂא נִגְלָה מַה־נִּהְיֶה אֲבָל יָדַעְנוּ כִּי בְהִגָּלוֹתוֹ נִהְיֶה דׂמִים־לוֹ כִּי נִרְאֵהוּ כְּמוֹ שֶׁהוּא׃
ג וְכָל־אֲשֶׁר לוֹ הַתִּקְוָה הַזּׂאת יְטַהֵר אֶת־עַצְמוֹ כַּאֲשֶׁר טָהוֹר גַּם־הוּא׃
ד כָּל־חׂטֵא פּׂשֵׁעַ בַּתּוֹרָה הוּא וְהַחֵטְא פְּשִׁיעָה בַתּוֹרָה׃
ה וִידַעְתֶּם כִּי הוּא נִגְלָה לָשֵׂאת אֶת־חֲטָאֵינוּ וּבוֹ אֵין חֵטְא׃
ו כָּל־הָעׂמֵד בּוֹ לׂא יֶחֱטָא כָּל־הַחוֹטֵא לׂא רָאָהוּ אַף־לׂא יְדָעוֹ׃
ז בָּנַי אַל־יַתְעֶה אֶתְכֶם אִישׁ הָעׂשֶׂה צְדָקָה צַדִּיק הוּא כַּאֲשֶׁר הוּא צַדִּיק׃
ח וְהַחׂטֵא מִן־הַשָּׂטָן הוּא כִּי הַשָּׂטָן רִאשׁוֹן לַחׂטְאִים וּבַעֲבוּר זׂאת נִגְלָה בֶן־הָאֱלׂהִים לְהָפֵר אֶת־פְּעֻלּוֹת הַשָּׂטָן׃
ט כָּל־הַנּוֹלָד מֵאֱלׂהִים לׂא יֶחֱטָא כִּי זַרְעוֹ בּוֹ יִשָּׁאֵר וְלׂא יוּכַל לַחֲטׂא כִּי מֵאֱלׂהִים נוֹלַד׃
י וּבָזׂאת נוֹדְעוּ בְּנֵי הָאֱלׂהִים וּבְנֵי הַשָּׂטָן כָּל־אִישׁ אֲשֶׁר לׂא־יַעֲשֶׂה צְדָקָה אֵינֶנּוּ מֵאֱלׂהִים וְכֵן כָּל־אֲשֶׁר לׂא־יֶאֱהַב אֶת־אָחִיו׃
יא כִּי זׂאת הַשְּׁמוּעָה אֲשֶׁר שְׁמַעְתֶּם מֵרׂאשׁ לְאַהֲבָה אִישׁ אֶת־רֵעֵהוּ׃
יב לׂא כְקַיִן אֲשֶׁר הָיָה מִן־הָרָע וְהָרַג אֶת־אָחִיו וּמַדּוּעַ הֲרָגוֹ יַעַן כִּי־מַעֲשָׂיו הָיוּ רָעִים וּמַעֲשֵׂי אָחִיו מַעֲשֵׂי־צֶדֶק׃
יג אַל־תִּתְמְהוּ אֶחָי אִם־יִשְׂנָא אֶתְכֶם הָעוֹלָם׃
יד אֲנַחְנוּ יָדַעְנוּ כִּי עָבַרְנוּ מִן־הַמָּוֶת אֶל־הַחַיִּים בַּאֲשֶׁר אָהַבְנוּ אֶת־אַחֵינוּ אִישׁ אֲשֶׁר לׂא־יֶאֱהַב יִשָּׁאֵר בַּמָּוֶת׃
טו כָּל־הַשּׂנֵא אֶת אָחִיו רׂצֵחַ הוּא וִידַעְתֶּם כִּי כָל־רׂצֵחַ לׂא יִתְקַיְּמוּ־בוֹ חַיֵּי עוֹלָם׃
טז בָּזׂאת יָדַעְנוּ אֶת־הָאַהֲבָה כִּי הוּא נָתַן אֶת־נַפְשׁוֹ בַּעֲדֵנוּ גַּם־אֲנַחְנוּ חַיָּבִים לָתֵת אֶת־נַפְשׁׂתֵינוּ בְּעַד אַחֵינוּ׃
יז וְאִישׁ אֲשֶׁר־לוֹ נִכְסֵי הָעוֹלָם הַזֶּה וְהוּא רׂאֶה אֶת־אָחִיו חֲסַר־לֶחֶם וְקׂפֵץ אֶת־רַחֲמָיו מִמֶּנּוּ אֵיךְ תַּעֲמָד־בּוֹ אַהֲבַת אֱלׂהִים׃
יח בָּנַי אַל־נָא נֶאֱהַב בְּמִלִּין וּבַלָּשׁוֹן כִּי אִם־בְּפׂעַל וּבֶאֱמֶת׃
יט וּבָזׂאת נֵדְעָה כִּי מִן־הָאֱמֶת אֲנָחְנוּ וּלְפָנָיו נַשְׁקִיט אֶת־לִבּוֹתֵינוּ׃
כ כִּי אִם־לִבֵּנוּ יַרְשִׁיעַ אׂתָנוּ הָאֱלׂהִים נִשְׂגָּב הוּא מִלִּבֵּנוּ וְיׂדֵעַ אֶת־כּׂל׃
כא יְדִידַי אִם־לִבֵּנוּ לׂא־יַרְשִׁיעֵנוּ עׂז לָנוּ בֵּאלׂהִים׃
כב וְכָל־אֲשֶׁר נִשְׁאַל מֵאִתּוֹ יִנָּתֶן־לָנוּ כִּי־נִשְׁמׂר אֶת־מִצְוֹתָיו וְנַעֲשֶׂה אֶת־הַיָּשָׁר בְּעֵינָיו׃
כג וְזׂאת מִצְוָתוֹ לְהַאֲמִין בְּשֶׁם־בְּנוֹ יֵשׁוּעַ הַמָּשִׁיחַ וּלְאַהֲבָה אִישׁ אֶת־רֵעֵהוּ כַּאֲשֶׁר צִוָּנוּ׃
כד וְהַשּׁׂמֵר אֶת־מִצְוֹתָיו יָקוּם בּוֹ וְהוּא בוֹ וּבָזׂאת נֵדַע כִּי־הוּא שׁׂכֵן בָּנוּ בָּרוּחַ אֲשֶׁר־נָתַן לָנוּ׃