1John 4
א יְדִידַי אַל־תַּאֲמִינוּ לְכָל־רוּחַ כִּי אִם־בַּחֲנוּ הָרוּחוֹת אִם־מֵאֱלׂהִים הֵמָּה כִּי נְבִיאֵי שֶׁקֶר רַבִּים בָּאוּ לָעוֹלָם׃
ב בָּזׂאת תַּכִּירוּ אֶת־רוּחַ אֱלׂהִים כָּל־רוּחַ הַמּוֹדֶה בְּיֵשׁוּעַ הַמָּשִׁיחַ הַבָּא בַבָּשָׂר מֵאֱלׂהִים הוּא׃
ג וְכָל־רוּחַ אֲשֶׁר אֵינֶנּוּ מוֹדֶה בְּיֵשׁוּעַ (הַמָּשִׁיחַ הַבָּא בַבָּשָׂר) לׂא מֵאֱלׂהִים הוּא וְזֶה הוּא רוּחַ שׂוֹטֵן הַמָּשִׁיחַ אֲשֶׁר שְׁמַעְתֶּם כִּי־יָבֹא וְעַתָּה הִנֵּה־הוּא בָעוֹלָם׃
ד אַתֶּם הַבָּנִים מֵאֱלׂהִים אַתֶּם וְנִצַּחְתֶּם אׂתָם כִּי־אֲשֶׁר בָּכֶם גָּדוֹל הוּא מֵאֲשֶׁר בָּעוֹלָם׃
ה הֵמָּה מִן־הָעוֹלָם עַל־כֵּן מֵהָעוֹלָם יְדַבֵּרוּ וְהָעוֹלָם יִשְׁמַע אֲלֵיהֶם׃
ו וַאֲנַחְנוּ מֵאֱלׂהִים הַיּוֹדֵעַ אֶת־הָאֱלׂהִים יִשְׁמַע אֵלֵינוּ וַאֲשֶׁר אֵינֶנּוּ מֵאֱלׂהִים לׂא יִשְׁמַע אֵלֵינוּ בָּזׂאת נַכִּיר אֶת־רוּחַ הָאֱמֶת וְאֶת־רוּחַ הַתּוֹעָה׃
ז יְדִידַי נֶאֱהַב־נָא אִישׁ אֶת־רֵעֵהוּ כִּי הָאַהֲבָה מֵאֱלׂהִים הִיא וְכָל־אֲשֶׁר יֶאֱהַב נוֹלָד מֵאֱלׂהִים וְיׂדֵעַ אֵת הָאֱלׂהִים׃
ח וַאֲשֶׁר אֵינֶנּוּ אׂהֵב לׂא יָדַע אֶת־הָאֱלׂהִים כִּי הָאֱלׂהִים הוּא אַהֲבָה׃
ט בָּזׂאת נִרְאֲתָה אַהֲבַת הָאֱלׂהִים לָנוּ אֲשֶׁר־שָׁלַח הָאֱלׂהִים אֶת־בְּנוֹ אֶת־יְחִידוֹ לָעוֹלָם לְמַעַן נִחְיֶה עַל־יָדוֹ׃
י זׂאת הִיא הָאַהֲבָה לׂא שֶׁאֲנַחְנוּ אָהַבְנוּ אֶת־הָאֱלׂהִים כִּי אִם־הוּא אָהַב אוֹתָנוּ וַיִּשְׁלַח אֶת־בְּנוֹ לְכַפָּרָה עַל־חַטּׂאתֵינוּ׃
יא יְדִידַי אִם־כָּכָה אָהַב אׂתָנוּ הָאֱלׂהִים גַּם־אֲנַחְנוּ חַיָּבִים לְאַהֲבָה אִישׁ אֶת־רֵעֵהוּ׃
יב אֶת־הָאֱלׂהִים לׂא־רָאָה אִישׁ מֵעוֹלָם וְאִם־נֶאֱהַב אִישׁ אֶת־רֵעֵהוּ הָאֱלׂהִים יַעֲמׂד בְּקִרְבֵּנוּ וְאַהֲבָתוֹ נִשְׁלְמָה־בָּנוּ׃
יג בָּזׂאת נֵדַע אֲשֶׁר־בּוֹ נִשְׁכּׂן וְהוּא בָנוּ כִּי־נָתַן לָנוּ מֵרוּחוֹ׃
יד וַאֲנַחְנוּ חָזִינוּ וַנָּעִידָה כִּי הָאָב שָׁלַח אֶת־הַבֵּן מוֹשִׁיעַ הָעוֹלָם׃
טו כָּל־הַמּוֹדֶה כִּי יֵשׁוּעַ הוּא בֶן־הָאֱלׂהִים הָאֱלׂהִים שׁׂכֵן בּוֹ וְהוּא בֵּאלׂהִים׃
טז וַאֲנַחְנוּ יָדַעְנוּ וַנַּאֲמֵן בָּאַהֲבָה אֲשֶׁר אֱלׂהִים אָהַב אׂתָנוּ הָאֱלׂהִים הוּא אַהֲבָה וְהָעׂמֵד בָּאַהֲבָה עׂמֵד בֵּאלׂהִים וְהָאֱלׂהִים עׂמֵד בּוֹ׃
יז וּבָזׂאת נִשְׁלְמָה־בָּנוּ הָאַהֲבָה בִּהְיוֹת לָנוּ פִּתְחוֹן פֶּה לְיוֹם הַדִּין כִּי כָמׂהוּ כֵּן גַּם־אֲנַחְנוּ בָּעוֹלָם הַזֶּה׃
יח אֵין פַּחַד לָאַהֲבָה כִּי הָאַהֲבָה הַשְּׁלֵמָה תְּגָרֵשׁ אֶת־הַפָּחַד כִּי הַפַּחַד הוּא פַחַד מִן־הָעׂנֶשׁ וְהַמְפַחֵד אֵינֶנּוּ שָׁלֵם בָּאַהֲבָה׃
יט אֲנַחְנוּ אׂהֲבִים אׂתוֹ כִּי הוּא קִדֵּם לְאַהֲבָה אׂתָנוּ׃
כ כִּי־יׂאמַר אִישׁ אׂהֵב אֲנִי אֶת־הָאֱלׂהִים וְהוּא שׂׂנֵא אֶת־אָחִיו שֶׁקֶר הוּא מְדַבֵּר כִּי אֲשֶׁר לׂא יֶאֱהַב אֶת־אָחִיו אֲשֶׁר הוּא רׂאֶה אֵיכָכָה יוּכַל לֶאֱהׂב אֶת־הָאֱלׂהִים אֲשֶׁר הוּא אֵינֶנּוּ רׂאֶה אׂתוֹ׃
כא וְזׂאת הַמִּצְוָה מֵאִתּוֹ לָנוּ כִּי הָאׂהֵב אֶת־הָאֱלׂהִים יֶאֱהַב גַּם־אֶת־אָחִיו׃