Revelation 15

א וָאֵרֶא אוֹת אַחֵר בַּשָּׁמַיִם גָּדוֹל וְנִפְלָא שִׁבְעָה מַלְאָכִים נׂשְׂאִים אֶת־שֶׁבַע הַמַּכּוֹת הָאַחֲרׂנוֹת כִּי בָהֵן כָּלָה זַעַם אֱלׂהִים׃

ב וָאֵרֶא כְּיַם זְכוֹכִית בָּלוּל בָּאֵשׁ וְאֶת־הַמִּתְגַּבְּרִים עַל־הַחַיָּה וְעַל־צַלְמָהּ וְעַל־תָּוָהּ וְעַל־מִסְפַּר שְׁמָהּ עׂמְדִים עַל־יַם הַזְּכוֹכִית וְכִנּׂרוֹת אֱלׂהִים בִּידֵיהֶם׃

ג וַיָּשִׁירוּ אֶת־שִׁירַת משֶׁה עֶבֶד אֱלׂהִים וְשִׁירַת הַשֶׂה לֵאמׂר גְּדוֹלִים מַעֲשֶׂיךָ וְנִפְלָאִים יְהוָֹה אֱלׂהִים צְבָאוֹת צֶדֶק וֶאֱמֶת דְּרָכֶיךָ מֶלֶךְ הַגּוֹיִם׃

ד מִי לׂא יִירָאֲךָ יְהוָֹה וְלׂא יִתֵּן כָּבוֹד לְשִׁמְךָ כִּי־קָדוֹשׁ אַתָּה לְבַדֶּךָ כִּי כָל־הַגּוֹיִם יָבֹאוּ וְיִשְׁתַּחֲווּ לְפָנֶיךָ כִּי־נִגְלוּ מִשְׁפְּטֵי צִדְקֶךָ׃

ה וְאַחֲרֵי כֵן רָאִיתִי וְהִנֵּה נִפְתַּח הֵיכַל מִשְׁכַּן הָעֵדוּת בַּשָּׁמָיִם׃

ו וַיֵּצְאוּ מִן־הַהֵיכָל שִׁבְעָה הַמַּלְאָכִים הַנּׂשְׂאִים אֶת־שֶׁבַע הַמַּכּוֹת וְהֵם מְלֻבָּשִׁים בַּד טָהוֹר וְצַח וַחֲגוּרִים אֱזוֹרֵי זָהָב עַל־חֲזוֹתֵיהֶם׃

ז וְאַחַת מֵאַרְבַּע הַחַיּוֹת נָתְנָה לְשִׁבְעַת הַמַּלְאָכִים שֶׁבַע קַעֲרׂת זָהָב מְלֵאוֹת חֲמַת הָאֱלׂהִים הַחַי לְעוֹלְמֵי עוֹלָמִים׃

ח וַיִּמָּלֵא הַהֵיכַל עָשָׁן מִכְּבוֹד אֱלׂהִים וְעֻזּוֹ וְלׂא־יָכׂל אִישׁ לָבוֹא אֶל־הַהֵיכָל עַד אֲשֶׁר כָּלוּ שֶׁבַע הַמַּכּוֹת אֲשֶׁר בִּידֵי שִׁבְעָה הַמַּלְאָכִים׃