Revelation 5
א וָאֵרֶא בִּימִין הַיּׂשֵׁב עַל־הַכִּסֵּא סֵפֶר כָּתוּב פָּנִים וְאָחוֹר וְחָתוּם בְּשִׁבְעָה חׂתָמוֹת׃
ב וָאֵרֶא מַלְאָךְ אַבִּיר קוֹרֵא בְקוֹל־גָּדוֹל מִי יִזְכֶּה לִפְתּׂחַ הַסֵּפֶר וּלְהַתִּיר אֶת־חוֹתָמָיו׃
ג וְלׂא־יָכׂל אִישׁ לׂא בַשָּׁמַיִם לׂא בָאָרֶץ וְלׂא מִתַּחַת לָאָרֶץ לִפְתּׂחַ אֶת־הַסֵּפֶר וְלׂא לְהַבִּיט בּוֹ׃
ד וָאֵבְְֲ בְּכִי גָדוֹל עַל־אֲשֶׁר אֵין אִישׁ זׂכֶה לִפְתּׂחַ אֶת־הַסֵּפֶר וְלִקְרׂא בוֹ וְלׂא לְהַבִּיט בּוֹ׃
ה וַיּׂאמֶר אֵלַי אֶחָד מִן־הַזְּקֵנִים אַל־תִּבְכֶּה הִנֵּה נָצַח הָאַרְיֵה אֲשֶׁר הוּא מִשֵּׁבֶט יְהוּדָה שׁׂרֶשׁ דָּוִד לִפְתּׂחַ אֶת־הַסֵּפֶר וּלְהַתִּיר שִׁבְעַת חוֹתָמָיו׃
ו וָאֵרֶא וְהִנֵּה בֵּין הַכִּסֵּא וְאַרְבַּע הַחַיּוֹת וּבֵין הַזְּקֵנִים עׂמֵד שֶׂה וְהוּא כְטָבוּחַ וְלוֹ שֶׁבַע קְרָנַיִם וְשִׁבְעָה עֵינַיִם אֲשֶׁר הֵם שִׁבְעָה רוּחוֹת הָאֱלׂהִים הַשְּׁלוּחִים אֶל־כָּל־הָאָרֶץ׃
ז וַיָּבֹא וַיִּקַּח אֶת־הַסֵּפֶר מִימִין הַיּׂשֵׁב עַל־הַכִּסֵּא׃
ח וַיְהִי בְּקַחְתּוֹ אֶת־הַסֵּפֶר וַיִּפְּלוּ לִפְנֵי הַשֶׂה אַרְבַּע הַחַיּוֹת וְעֶשְׂרִים וְאַרְבָּעָה הַזְּקֵנִים וְאִישׁ כִּנּוֹרוֹ בְּיָדוֹ וְקַעֲרוֹת זָהָב מְלֵאׂת קְטׂרֶת אֲשֶׁר־הֵנָּה תְּפִלּוֹת הַקְּדוֹשִׁים׃
ט וַיָּשִׁירוּ שִׁיר חָדָשׁ לֵאמׂר לְךָ נָאֶה לָקַחַת אֶת־הַסֵּפֶר וְלִפְתּׂחַ אֶת־חוֹתָמָיו כִּי אַתָּה נִשְׁחַטְתָּ וּבְדָמְךָ קָנִיתָ לֵאלׂהִים מִכָּל־מִשְׁפָּחָה וְלָשׁוֹן וְכָל־עַם וָגוֹי׃
י וַתַּעַשׂ אׂתָם מְלָכִים וְכׂהֲנִים לֵאלׂהֵינוּ וְיִמְלְכוּ עַל־הָאָרֶץ׃
יא וָאֵרֶא וָאֶשְׁמַע קוֹל מַלְאָכִים רַבִּים סָבִיב לַכִּסֵּא וְלַחַיּוֹת וְלַזְּקֵנִים וְהֵם רִבּוֹ רְבָבוֹת וְאַלְפֵי אֲלָפִים׃
יב קׂרְאִים בְּקוֹל גָּדוֹל נָאֶה לַשֶׂה הַטָּבוּחַ לָקַחַת עׂז וְעׂשֶׁר וְחָכְמָה וּגְבוּרָה וְהָדָר וְכָבוֹד וּבְרָכָה׃
יג וְכָל־בְּרִיָּה אֲשֶׁר בַּשָּׁמַיִם וּבָאָרֶץ וּמִתַּחַת לָאָרֶץ וַאֲשֶׁר עַל־הַיָּם וְכׂל אֲשֶׁר בָּהֶם אֶת־כֻּלָּם שָׁמַעְתִּי אׂמְרִים לֵאמׂר לַיּׂשֵׁב עַל־הַכִּסֵּא וְלַשֶׂה הַבְּרָכָה וְהֶהָדָר וְהַכָּבוֹד וְהָעׂז לְעוֹלְמֵי עוֹלָמִים׃
יד וַתּׂאמַרְנָה אַרְבַּע הַחַיּוֹת אָמֵן וְעֶשְׂרִים וְאַרְבָּעָה הַזְּקֵנִים נָפְלוּ עַל־פְּנֵיהֶם וַיִּשְׁתַּחֲווּ לְחֵי עוֹלְמֵי הָעוֹלָמִים׃