Luke 13

א וַיָּבֹאוּ אֲנָשִׁים בָּעֵת הַהִיא וַיַּגִּידוּ לוֹ אֶת־דְּבַר הַגְּלִילִים אֲשֶׁר עֵרַב פִּילָטוֹס דָּמָם עִם־זִבְחֵיהֶם׃

ב וַיַּעַן יֵשׁוּעַ וַיּׂאמֶר אֲלֵיהֶם הַאׂמְרִים אַתֶּם שֶׁהַגְּלִילִים הָאֵלֶּה הָיוּ חַטָּאִים מִכָּל־אַנְשֵׁי הַגָּלִיל כִּי מְצָאָם כַּדָּבָר הַזֶּה׃

ג לׂא כִּי־אׂמֵר אֲנִי לָכֶם אִם־לׂא תָשׁוּבוּ גַּם־אַתֶּם כֻּלְּכֶם תּׂאבֵדוּ׃

ד אוֹ שְׁמׂנָה הֶעָשָׂר הָהֵם אֲשֶׁר נָפַל עֲלֵיהֶם הַמִּגְדָּל בְּשִׁלּחַ וַיְמִיתֵם הַאׂמְרִים אַתֶּם שֶׁהָיוּ אֲשֵׁמִים מִכָּל־הָאֲנָשִׁים הַיּשְׁבִים בִּירוּשָׁלָיִם׃

ה לׂא כִּי־אׂמֵר אֲנִי לָכֶם אִם־לׂא תָשׁוּבוּ גַּם־אַתֶּם כֻּלְּכֶם תּׂאבֵדוּ׃

ו וַיִּשָׂא מְשָׁלוֹ וַיּׂאמַר אִישׁ אֶחָד הָיְתָה־לּוֹ תְאֵנָה נְטוּעָה בְכַרְמוֹ וַיָּבֹא לְבַקֶּשׁ־בָּהּ פְּרִי וְלׂא מָצָא׃

ז וַיּׂאמֶר אֶל־הַכּׂרֵם הִנֵּה־זֶה שָׁלשׁ שָׁנִים אָנׂכִי בָא לְבַקֵּשׁ פְּרִי בַּתְּאֵנָה הַזּׂאת וְלׂא מָצָאתִי כְּרׂת אוֹתָהּ לָמָּה־זֶּה תַשְׁחִית אֵת הָאֲדָמָה׃

ח וַיַּעַן וַיּׂאמֶר אֵלָיו אֲדׂנִי הַנִּיחָה אׂתָהּ עוֹד הַשָּׁנָה הַזּׂאת עַד אֲשֶׁר־עֲזַקְתִּיהָ וְשַׂמְתִּי דׂמֶן לָהּ׃

ט אוּלַי תַּעֲשֶׂה פֶרִי וְאִם־לׂא תַעֲשֶׂה וְכָרַתָּ אׂתָהּ בַּשָּׁנָה הָאֲחֶרֶת׃

י וַיְהִי הוּא מְלַמֵּד בְּיוֹם הַשַּׁבָּת בְּבֵית כְּנֵסֶת אֶחָד׃

יא וְהִנֵּה אִשָּׁה אֲשֶׁר בָּהּ רוּחַ־חֳלִי כִּשְׁמׂנֶה עֶשְׂרֵה שָׁנָה וְהִיא כְפוּפָה וְלׂא יָכְלָה לָקוּם קוֹמָה זְקוּפָה׃

יב וַיַּרְא יֵשׁוּעַ וַיִּקְרָא אֵלֶיהָ וַיּׂאמֶר לָהּ אִשָּׁה הֵחָלְצִי מֵחָלְיֵךְ׃

יג וַיָּשֶׂם יָדָיו עָלֶיהָ וּכְרֶגַע קָמָה וְתִּתְעוֹדָד וַתְּשַׁבַּח אֶת־הָאֱלׂהִים׃

יד וַיִּכְעַס רׂאשׁ הַכְּנֵסֶת עַל־אֲשֶׁר רִפָּא יֵשׁוּעַ בַּשַּׁבָּת וַיַּעַן וַיּׂאמֶר אֶל־הָעָם שֵׁשֶׁת יָמִים הֵם אֲשֶׁר תֵּעָשֶׂה בָהֶם מְלָאכָה בָּאֵלֶּה בֹּאוּ וְהֵרָפְאוּ וְלׂא בְּיוֹם הַשַּׁבָּת׃

טו וַיַּעַן הָאָדוֹן וַיּׂאמֶר אֵלָיו הֶחָנֵף הֲלׂא יַתִּיר אִישׁ מִכֶּם בַּשַּׁבָּת אֶת־שׁוֹרוֹ אוֹ אֶת־חֲמׂרוֹ מִן־הָאֵבוּס וְיוֹלִיכֵהוּ לְהַשְׁקׂתוֹ׃

טז וְזׂאת אֲשֶׁר הִיא בַּת־אַבְרָהָם וַאֲשֶׁר הַשָּׂטָן אֲסָרָהּ זֶה שְׁמׂנֶה עֶשְׂרֵה שָׁנָה הֲלׂא תֻתַּר מִמּוֹסְרוֹתֶיהָ בְּיוֹם הַשַּׁבָּת׃

יז וַיְהִי כְּאָמְרוֹ אֶת־הַדְּבָרִים הָאֵלֶּה נִכְלְמוּ כָּל־מִתְקוֹמֲמָיו וַיִּשְׂמַח כָּל־הָעָם עַל־כָּל־הַנִּפְלָאוֹת הַנַּעֲשׂוֹת עַל־יָדוֹ׃

יח וַיּׂאמַר לְמָה דוֹמָה מַלְכוּת הָאֱלׂהִים וְאֶל־מָה אַמְשִׁילֶנָּה׃

יט דּוֹמָה הִיא לְגַרְגַּר שֶׁל־חַרְדָּל אֲשֶׁר לְקָחוֹ אִישׁ וַיְשִׂימֵהוּ בְגַנּוֹ וַיִּצְמַח וַיְהִי לְעֵץ גָּדוֹל וְעוֹף הַשָּׁמַיִם יְקַנֵּן בַּעֲנָפָיו׃

כ וַיּׂאמֶר עוֹד אֶל־מָה אֲדַמֶּה אֵת מַלְכוּת הָאֱלׂהִים׃

כא דּוֹמָה הִיא לִשְׂאׂר אֲשֶׁר לְקָחַתּוּ אִשָּׁה וַתִּטְמְנֵהוּ בִּשְׁלשׁ סְאִים קֶמַח עַד אֲשֶׁר־יֶחְמַץ כֻּלּוֹ׃

כב וַיַּעֲבֹר בֶּעָרִים וּבַכְּפָרִים עָבוֹר וְלַמֵּד וַיֵּלֶךְ לְדַרְכּוֹ לָבוֹא יְרוּשָׁלָיִם׃

כג וַיִּשְׁאָלֵהוּ אִישׁ לֵאמׂר אֲדׂנֵינוּ הַמְעַט הֵם הַנּוֹשָׁעִים׃

כד וַיּׂאמֶר אֲלֵיהֶם הִתְאַמְּצוּ לָבוֹא בַּפֶּתַח הַצָּר כִּי־אׂמֵר אֲנִי לָכֶם רַבִּים יְבַקְשׁוּ לָבוֹא וְלׂא יוּכָלוּ׃

כה מִיּוֹם אֲשֶׁר יָקוּם בַּעַל הַבַּיִת וְסָגַר אֶת־הַדָּלֶת וְתָחֵלּוּ לַעֲמׂד בַּחוּץ וְלִדְפּׂק עַל־הַדֶּלֶת לֵאמׂר אֲדׂנֵינוּ פְּתַח־לָנוּ וְעָנָה וְאָמַר אֲלֵיכֶם אֵינֶנִּי יוֹדֵעַ אֶתְכֶם מֵאַיִן אַתֶּם׃

כו אָז תָּחֵלּוּ לֵאמׂר הֲלׂא אָכַלְנוּ וְשָׁתִינוּ לְפָנֶיךָ וּבִרְחׂבוֹתֵינוּ לִמָּדְתָּ׃

כז וְיׂאמַר אֲנִי אׂמֵר לָכֶם אֵינֶנִּי יוֹדֵעַ אֶתְכֶם מֵאַיִן אַתֶּם סוּרוּ מִמֶּנִּי כָּל־פּׂעֲלֵי הָאָוֶן׃

כח וְשָׁם תִּהְיֶה הַיְלָלָה וַחוֲֹרׂק הַשִּׁנָיִם כַּאֲשֶׁר תִּרְאוּ אֶת־אַבְרָהָם וְיִצְחָק וְיַעֲקׂב וְאֶת־כָּל־הַנְּבִיאִים בְּמַלְכוּת הָאֱלׂהִים וְאַתֶּם מְגׂרָשִׁים הַחוּצָה׃

כט וְיָבֹאוּ מִמִּזְרָח וּמִמַּעֲרָב וּמִצָּפוֹן וּמִדָּרוֹם וְיָסֵבּוּ בְּמַלְכוּת הָאֱלׂהִים׃

ל וְהִנֵּה יֵשׁ אַחֲרוֹנִים אֲשֶׁר יִהְיוּ רִאשׁוֹנִים וְרִאשׁוֹנִים אֲשֶׁר יִהְיוּ אַחֲרוֹנִים׃

לא בַּיּוֹם הַהוּא נִגְּשׁוּ מִן־הַפְּרוּשִׁים וַיּׂאמְרוּ אֵלָיו צֵא וְלֵךְ מִזֶּה כִּי הוֹרְדוֹס מְבַקֵּשׁ לְהָרְגֶךָ׃

לב וַיּׂאמֶר אֲלֵיהֶם לְכוּ וְאִמְרוּ אֶל־הַשּׁוּעָל הַזֶּה הִנְנִי מְגָרֵשׁ שֵׁדִים וּפׂעֵל רְפוּאוֹת הַיּוֹם וּמָחָר וּבַיּוֹם הַשְּׁלִישִׁי אָבֹא עַד־קִצִּי׃

לג אֲבָל הָלוֹךְ אֵלֵךְ הַיּוֹם וּמָחָר וּמִמָּחֳרָתוֹ כִּי לׂא־יִתָּכֵן אֲשֶׁר יׂאבַד נָבִיא מִחוּץ לִירוּשָׁלָיִם׃

לד יְרוּשָׁלַיִם יְרוּשָׁלַיִם הַהׂרֶגֶת אֶת־הַנְּבִיאִים וְהַסּׂקֶלֶת אֶת־הַנִּשְׁלָחִים אֵלֶיהָ כַּמֶּה פְעָמִים חָפַצְתִּי לְקַבֵּץ אֶת־בָּנַיִךְ כַּאֲשֶׁר תְּקַבֵּץ הַתַּרְנְגׂלֶת אֶת־אֶפְרוֹחֶיהָ תַּחַת כְּנָפֶיהָ וְאַתֶּם לׂא אֲבִיתֶם׃

לה הִנֵּה בֵיתְכֶם יֵעָזֵב לָכֶם (שָׁמֵם) וַאֲנִי אׂמֵר לָכֶם כִּי־רָאׂה לׂא תִרְאוּנִי עַד־בּוֹא הָעֵת אֲשֶׁר תּׂאמְרוּ בָּרוּךְ הַבָּא בְּשֵׁם יְהוָֹה׃