Luke 16

א וְגַם אֶל־תַּלְמִידָיו אָמַר אִישׁ עָשִׁיר הָיָה וְלוֹ סׂכֵן עַל־בֵּיתוֹ וַיַּלְשִׁינֻהוּ אֵלָיו כִּי־מְפַזֵּר הוּא אֶת־קִנְיָנָיו׃

ב וַיִּקְרָא אֵלָיו וַיּׂאמַר מַה־זּׂאת שָׁמַעְתִּי עָלֶיךָ תֵּן חֶשְׁבּוֹן פְּקֻדָּתְךָ כִּי לׂא תוּכַל לִהְיוֹת עוֹד סׂכֵן לִי׃

ג וַיּׂאמֶר הַסּוֹכֵן בְּלִבּוֹ מָה אֶעֱשֶׂה כִּי־יִקַּח אֲדׂנִי מִמֶּנִּי אֶת הַפְּקֻדָּה לַעֲדׂר לׂא־אוּכַל וְלַחֲזוֹר עַל־הַפְּתָחִים אֲנִי בוֹשׁ׃

ד יָדַעְתִּי מָה אֶעֱשֶׂה לְמַעַן יַאַסְפוּנִי אֶל־בָּתֵּיהֶם בְּעֵת אִם הוּסַרְתִּי מִפְּקֻדָּתִי׃

ה וַיִּקְרָא אֶל־כָּל־אֶחָד מֵהָאֲנָשִׁים אֲשֶׁר־נָשָׁה בָהֶם אֲדׂנָיו וַיּׂאמֶר אֶל־הָרִאשׁוֹן כַּמָּה אַתָּה חַיָּב לַאדׂנִי׃

ו וַיּׂאמֶר מֵאָה־בַת שָׁמֶן וַיּׂאמֶר אֵלָיו קַח אֶת־שְׁטָרְךָ וּמַהֵר שֵׁב וְכָתַבְתָּ חֲמִשִּׁים׃

ז וְאֶל־אַחֵר אָמַר כַּמָּה אַתָּה חַיָּב וַיּׂאמֶר מְאַת כּׂר חִטִּים וַיּׂאמֶר קַח אֶת־שְׁטָרְךָ וּכְתׂב שְׁמׂנִים׃

ח וַיְשַׁבַּח הָאָדוֹן אֶת־סׂכֵן הָעַוְלָה עַל־אֲשֶׁר הֶעֱרִים לַעֲשׂוֹת כִּי בְנֵי הָעוֹלָם הַזֶּה עֲרוּמִים הֵם בְּדוֹרָם מִבְּנֵי הָאוֹר׃

ט וְגַם־אֲנִי אׂמֵר לָכֶם קְנוּ לָכֶם אׂהֲבִים בְּמָמוֹנָהּ שֶׁל־עַוְלָה לְמַעַן יַאַסְפוּ אֶתְכֶם בְּעֵת כְּלׂתוֹ אֶל־מִשְׁכְּנוֹת עוֹלָם׃

י הַנֶּאֱמָן בִּמְעַט מִזְעָר נֶאֱמָן גַּם־בְּהַרְבֵּה וְהַמְעַוֵּל בִּמְעַט מִזְעָר מְעַוֵּל גַּם־בְּהַרְבֵּה׃

יא לָכֵן אִם־בְּמָמוֹנָהּ שֶׁל־עַוְלָה לׂא הֱיִיתֶם נֶאֱמָנִים אֵת הָאֲמִתִּי מִי יַפְקִידֶנּוּ בְּיֶדְכֶם׃

יב וְאִם־בַּדָּבָר אֲשֶׁר לַאֲחֵרִים לׂא הֱיִיתֶם נֶאֱמָנִים אֵת אֲשֶׁר לָכֶם מִי יִתֵּן לָכֶם׃

יג אֵין עֶבֶד יָכׂל לַעֲבֹד שְׁנֵי אֲדׂנִים כִּי יִשְׂנָא אֶת־הָאֶחָד וְיֶאֱהַב אֶת־הָאַחֵר אוֹ יִדְבַּק בְּאֶחָד וְאֶת־הָאַחֵר יִבְזֶה לׂא תוּכְלוּ עֲבֹד אֶת־הָאֱלׂהִים וְאֵת הַמָּמוֹן׃

יד וַיִּשְׁמְעוּ כָּל־הַדְּבָרִים הָאֵלֶּה גַּם־הַפְּרוּשִׁים אֲשֶׁר הֵם אׂהֲבֵי כָסֶף וַיַּלְעִיגוּ לוֹ׃

טו וַיּׂאמֶר אֲלֵיהֶם אַתֶּם הֵם הַמִּצְטַדְּקִים לִפְנֵי הָאָדָם וֵאלׂהִים יוֹדֵעַ אֶת־לְבַבְכֶם כִּי הַגָּבֹהַּ בָּאָדָם תּוֹעֵבָה הוּא לִפְנֵי הָאֱלׂהִים׃

טז הַתּוֹרָה וְהַנְּבִיאִים נִתְּנוּ עַד־יוֹחָנָן וּמִן־אָז וָהָלְאָה בְּשׂוֹרַת מַלְכוּת הָאֱלׂהִים וְכָל־אִישׁ בְּיָד חֲזָקָה יָבוֹא בָהּ׃

יז אֲבָל נָקֵל לַשָּׁמַיִם וְלָאָרֶץ לַעֲבֹר מֵאֲשֶׁר יִפּׂל קוֹץ אֶחָד מִן־הַתּוֹרָה׃

יח כָּל־הַמְשַׁלֵּחַ אֶת־אִשְׁתּוֹ וְנׂשֵׂא אַחֶרֶת נׂאֵף הוּא וְכָל־הַנּׂשֵׂא אֶת־הַגְּרוּשָׁה מֵאִישָׁהּ נׂאֵף הוּא׃

יט אִישׁ עָשִׁיר הָיָה וְהוּא לָבוּשׁ אַרְגָּמָן וָשֵׁשׁ וַיִּתְעַנֵּג וַיִּשְׂמַח יוֹם יוֹם׃

כ וְאִישׁ אֶבְיוֹן וּשְׁמוֹ לַעְזָר מֻשְׁכָּב פֶּתַח שַׁעַר בֵּיתוֹ וְהוּא מָלֵא אֲבַעְבֻּעוֹת׃

כא וַיִּתְאָו לִשְׂבֹּעַ מִן־הַפֵּרוּרִים הַנּׂפְלִים מֵעַל שֻׁלְחַן הֶעָשִׁיר וְגַם הַכְּלָבִים בָּאוּ וַיָּלׂקּוּ אֲבַעְבֻּעוֹתָיו׃

כב וַיְהִי כַּאֲשֶׁר מֵת הָאֶבְיוֹן וַיִּשָׂאוּהוּ הַמַּלְאָכִים אֶל־חֵיק אַבְרָהָם וְגַם־הֶעָשִׁיר מֵת וַיִּקָּבַר׃

כג וַיְהִי בִשְׁאוֹל וּכְאֵבוֹ גָּדוֹל מְאׂד וַיִּשָׂא אֶת־עֵינָיו וַיַּרְא אֶת־אַבְרָהָם מֵרָחוֹק וְאֶת־לַעְזָר בְּחֵיקוֹ׃

כד וַיִּצְעַק וַיּׂאמֶר אָבִי אַבְרָהָם חָנֵּנִי וּשְׁלַח־נָא אֶת־לַעְזָר וְיִטְבֹּל אֶת־רׂאשׁ אֶצְבָּעוֹ בַּמַּיִם לְקָרֵר אֶת־לְשׁוֹנִי כִּי נֶעֱצַבְתִּי בַּמּוֹקֵד הַזֶּה׃

כה וַיּׂאמֶר אַבְרָהָם בְּנִי זְכׂר כִּי־אַתָּה לָקַחְתָּ טוּבְךָ בְּחַיֶּיךָ וְלַעְזָר לָקַח אֶת־הָרָעוֹת וְעַתָּה הוּא יְנֻחַם וְאַתָּה בְמַעֲצֵבָה׃

כו וְלׂא עוֹד אֶלָּא שֶׁגֵּיא גָדוֹל מַפְרִיד בֵּינֵינוּ וּבֵינֵיכֶם אֲשֶׁר לׂא־יוּכְלוּ לַעֲבוֹר הַחֲפֵצִים לָלֶכֶת מִפּׂה אֲלֵיכֶם וְגַם לׂא יַעַבְרוּ מִשָּׁם אֵלֵינוּ׃

כז וַיּׂאמֶר אִם־כֵּן אָבִי שׁׂאֵל אֲנִי מֵאִתְּךָ לִשְׁלׂחַ אׂתוֹ אֶל־בֵּית אָבִי׃

כח כִּי חֲמִשָּׁה אַחִים לִי וְיָעֵד בָּהֶם פֶּן־יָבֹאוּ גַם־הֵם אֶל־מְקוֹם הַמַּעֲצֵבָה הַזֶּה׃

כט וַיּׂאמֶר אַבְרָהָם יֵשׁ לָהֶם משֶׁה וְהַנְּבִיאִים אֲלֵיהֶם יִשְׁמָעוּן׃

ל וַיּׂאמֶר לׂא־כֵן אַבְרָהָם אָבִי כִּי אִם־יָבֹא אֲלֵיהֶם אֶחָד מִן־הַמֵּתִים אָז יָשׁוּבוּ׃

לא וַיּׂאמֶר אֵלָיו אִם־לׂא יִשְׁמְעוּ אֶל־משֶׁה וְאֶל־הַנְּבִיאִים גַּם כִּי־יָקוּם אֶחָד מִן־הַמֵּתִים לׂא יַאֲמִינוּ׃