1Corinthians 10

א וְלׂא אֲכַחֵד מִכֶּם אֶחָי שֶׁאֲבוֹתֵינוּ הָיוּ כֻלָּם תַּחַת הֶעָנָן וְכֻלָּם עָבְרוּ בְּתוֹךְ הַיָּם׃

ב וְכֻלָּם נִטְבְּלוּ לְמשֶׁה בֶּעָנָן וּבַיָּם׃

ג וְכֻלָּם אָכְלוּ מַאֲכָל אֶחָד רוּחָנִי׃

ד וְכֻלָּם שָׁתוּ מַשְׁקֶה אֶחָד רוּחָנִי כִּי שָׁתוּ מִן־הַצּוּר הָרוּחָנִי הַהׂלֵךְ עִמָּהֶם וְהַצּוּר הַהוּא הַמָּשִׁיחַ׃

ה אֲבָל רֻבָּם לׂא רָצָה בָם הָאֱלׂהִים וּפִגְרֵיהֶם נָפְלוּ בַמִּדְבָּר׃

ו וְכָל־זׂאת הָיְתָה־לָּנוּ לְמוֹפֵת לְבִלְתִּי הִתְאַוּׂת לְרָעָה כַּאֲשֶׁר הִתְאַוּוּ גַּם־הֵמָּה׃

ז וְלׂא תִהְיוּ עׂבְדֵי אֱלִילִים כַּאֲשֶׁר הָיוּ מִקְצָתָם כְּמוֹ שֶׁכָּתוּב וַיֵּשֶׁב הָעָם לֶאֱכׂל וְשָׁתוֹ וַיָּקֻמוּ לְצַחֵק׃

ח וְלׂא־נִהְיֶה זׂנִים כַּאֲשֶׁר זָנוּ מִקְצָתָם וַיִּפְּלוּ בְּיוֹם אֶחָד שְׁלׂשָׁה וְעֶשְׂרִים אֶלֶף אִישׁ׃

ט וְלׂא־נְנַסֶּה אֶת־יְהוָֹה כַּאֲשֶׁר נִסּוּהוּ מִקְצָתָם וַיְאַבְּדוּם הַנְּחָשִׁים׃

י גַּם־לׂא תַלִּינוּ כַּאֲשֶׁר הִלִּינוּ מִקְצָתָם וַיָּמוּתוּ בְּיַד הַמַּשְׁחִית׃

יא כָּל־זׂאת מְצָאָתַם לִהְיוֹת לְמוֹפֵת וַתִּכָּתֵב לְמוּסָר לָנוּ אֲשֶׁר־הִגִּיעוּ אֵלֵינוּ קִצֵּי עוֹלָמִים׃

יב לָכֵן הָאׂמֵר בְּנַפְשׁוֹ אֲנִי עׂמֵד יֵרֶא פֶּן־יִפּוֹל׃

יג עֲדַיִן לׂא־בָא עֲלֵיכֶם נִסָּיוֹן בִּלְתִּי כְּדֶרֶךְ בְּנֵי־אָדָם כִּי־נֶאֱמָן הוּא הָאֱלׂהִים אֲשֶׁר לׂא יַנִּיחַ לְנַסּוֹת אֶתְכֶם יוֹתֵר עַל כּׂחֲכֶם כִּי אִם־יִתֵּן עִם־הַנִּסָּיוֹן גַּם־אַחֲרִיתוֹ כְּדֵי שֶׁתּוּכְלוּ שְׂאֵת׃

יד עַל־כֵּן חֲבִיבָי רַחֲקוּ מֵעֲבוֹדַת אֱלִילִים׃

טו כְּדַבֵּר אֶל־נְבוֹנִים אֲנִי מְדַבֵּר וְאַתֶּם בִּינוּ אֵת אֲשֶׁר אׂמַר׃

טז כּוֹס שֶׁל־בְּרָכָה אֲשֶׁר אֲנַחְנוּ מְבָרֲכִים עָלָיו הֲלׂא הוּא מְחַבֵּר אׂתָנוּ לְדָמוֹ שֶׁל־הַמָּשִׁיחַ וְהַלֶּחֶם אֲשֶׁר אֲנַחְנוּ בֹצְעִים הֲלׂא הוּא מְחַבֵּר אׂתָנוּ לְגוּפוֹ שֶׁל־הַמָּשִׁיחַ׃

יז כִּי־לֶחֶם אֶחָד הוּא לָכֵן גּוּף אֶחָד אֲנַחְנוּ הָרַבִּים מִפְּנֵי שֶׂחֵלֶק לְכֻלָּנוּ בַּלֶּחֶם הָאֶחָד׃

יח הַבִּיטוּ אֶל־יִשְׂרָאֵל שֶׁלְּפִי הַבָּשָׂר הֲלׂא אׂכְלֵי הַזְּבָחִים חַבְרֵי הַמִּזְבֵּחַ הֵמָּה׃

יט וְעַתָּה מָה אׂמַר הֲיֵשׁ מַמָּשׁ בָּאֱלִיל אִם־יֵשׁ מַמָּשׁ בְּזִבְחֵי אֱלִילִים׃

כ אֶלָּא מַה־שֶּׁיִּזְבְּחוּ הַגּוֹיִם לַשֵּׁדִים הֵם זׂבְחִים וְלׂא לֵאלׂהִים וַאֲנִי אֵין רְצוֹנִי שֶׁתִּהְיוּ חֲבֵרִים לַשֵּׁדִים׃

כא לׂא תוּכְלוּ לִשְׁתּוֹת כּוֹס אֲדׂנֵינוּ וְכוֹס הַשֵּׁדִים יָחַד וְלׂא יִהְיֶה חֵלֶק לָכֶם בְּשֻׁלְחַן אֲדׂנֵינוּ וּבְשֻׁלְחַן הַשֵּׁדִים׃

כב הֲנָעֵז לְהַקְנִיא אֶת־אֲדׂנֵינוּ הֲכִי חֲזָקִים אֲנַחְנוּ מִמֶּנּוּ׃

כג הַכּׂל רְשׁוּת לִי אֲבָל לׂא כָל־דָּבָר מוֹעִיל הַכּׂל רְשׁוּת לִי אֲבָל לׂא כָל־דָּבָר בֹּנֶה׃

כד אִישׁ אַל־יְבַקֵּשׁ דָּבָר לְעַצְמוֹ כִּי אִם־לְרֵעֵהוּ׃

כה כָּל־הַנִּמְכָּר בַּשּׁוּק אׂתוֹ תׂאכֵלוּ וְאַל־תַּחְקְרוּ מִפְּנֵי מִכְשׁׂל הַלֵּב׃

כו כִּי לַיְהוָֹה הָאָרֶץ וּמְלוֹאָהּ׃

כז וְאִם־יִקְרָא אֶתְכֶם אִישׁ מֵאֲשֶׁר אֵינָם מַאֲמִינִים וּרְצוֹנְכֶם לָלֶכֶת אֵלָיו אָכוֹל תּׂאכְלוּ מִכּׂל אֲשֶׁר־יָשִׂימוּ לִפְנֵיכֶם וְאַל־תַּחְקְרוּ מִפְּנֵי מִכְשׁוֹל הַלֵּב׃

כח וְכִי־יׂאמַר לָכֶם אִישׁ זֶה הוּא זֶבַח אֱלִילִים אַל־תּׂאכְלוּ מִפְּנֵי אׂתוֹ הַמּוֹדִיעַ וּמִפְּנֵי מִכְשׁוֹל הַלֵּב (כִּי לַיְהוָֹה הָאָרֶץ וּמְלוֹאָהּ)׃

כט וְהַלֵּב שֶׁאֲנִי אׂמֵר לׂא לִבְּךָ כִּי אִם־לֵב רֵעֶךָ כִּי לָמָּה־זֶּה תִּדּוֹן חֵרוּתִי עַל־יְדֵי לֵב הָאַחֵר׃

ל וְאִם־אׂכֵל אֲנִי בִּבְרָכָה לָמָּה יֵצֵא לִי שֵׁם רַע עַל־הַדָּבָר שֶׁאֲנִי מְבָרֵךְ עָלָיו׃

לא לָכֵן אִם תּׂאכְלוּ וְאִם־תִּשְׁתּוּ אוֹ־תַעֲשׂוֹוֹ דָבָר עֲשׂוֹוֹ הַכּׂל לִכְבוֹד אֱלׂהִים׃

לב וְאַל־תִּתְּנוּ מִכְשׁׂל לׂא לַיְּהוּדִים וְלׂא לַיְּוָנִים וְלׂא לִקְהִלַּת אֱלׂהִים׃

לג כַּאֲשֶׁר גַּם־אָנׂכִי מְבַקֵּשׁ לִהְיוֹת רָצוּי לַכּׂל בַּכּׂל וְלׂא אֲבַקֵּשׁ תּוֹעֶלֶת עַצְמִי כִּי־אִם תּוֹעֶלֶת הָרַבִּים לְמַעַן יִוָּשֵׁעוּ׃