1Corinthians 2

א וְגַם אָנׂכִי בְּבֹאִי אֲלֵיכֶם אַחַי לׂא בָאתִי בְּגֵאוּת הַדִבּוּר וְהַחָכְמָה לְהַגִּיד לָכֶם אֶת־עֵדוּת הָאֱלׂהִים׃

ב כִּי לׂא־אָמַרְתִּי לָדַעַת בְּתוֹכֲכֶם דָּבָר בִּלְתִּי אִם־יֵשׁוּעַ הַמָּשִׁיחַ וְהוּא הַנִּצְלָב׃

ג וָאֶהִי עִמָּכֶם בְּחֻלְשָׁה וּבְיִרְאָה וּבְחַלְחָלָה רַבָּה׃

ד וּדְבָרִי וּקְרִיאָתִי לׂא לְפַתּוֹת בְּאִמְרֵי חָכְמַת בְּנֵי־אָדָם כִּי אִם־בְּתוֹכַחַת הָרוּחַ וְהַגְּבוּרָה׃

ה לְמַעַן אֲשֶׁר לׂא־תִהְיֶה אֱמוּנַתְכֶם בְּחָכְמַת בְּנֵי אָדָם כִּי אִם־בִּגְבוּרַת אֱלׂהִים׃

ו אֲבָל חָכְמָה אֲנַחְנוּ מְדַבְּרִים בְּקֶרֶב הַשְּׁלֵמִים לׂא חָכְמַת הָעוֹלָם הַזֶּה גַּם־לׂא שֶׁל־שָׂרֵי הָעוֹלָם הַזֶּה אֲשֶׁר יׂאבֵדוּ׃

ז כִּי אִם־נְדַבֵּר בַּסּוֹד חָכְמַת הָאֱלׂהִים הַנִּסְתָּרָה אֲשֶׁר הָאֱלׂהִים יְעָדָהּ לִכְבוֹדֵנוּ לִפְנֵי יְמוֹת עוֹלָם׃

ח אֲשֶׁר לׂא יְדָעָהּ אִישׁ מִשָּׂרֵי הָעוֹלָם הַזֶּה כִּי אִלּוּ יְדָעוּהָ לׂא צָלְבוּ אֶת־אֲדוֹן הַכָּבוֹד׃

ט כִּי אִם־כַּכָּתוּב אֲשֶׁר־עַיִן לׂא רָאֲתָה וְאׂזֶן לׂא שָׁמְעָה וְלׂא עָלָה עַל־לֵב אָדָם אֵת אֲשֶׁר־הֵכִין הָאֱלׂהִים לְאׂהֲבָיו׃

י וְלָנוּ גִּלָּה הָאֱלׂהִים בְּרוּחוֹ כִּי הָרוּחַ חוֹקֵר אֶת־הַכּׂל גַּם אֶת־מַעֲמַקֵּי הָאֱלׂהִים׃

יא כִּי מִי הוּא מִבְּנֵי אָדָם יׂדֵעַ אֵת אֲשֶׁר בָּאָדָם כִּי אִם־רוּחַ הָאָדָם אֲשֶׁר בְּקִרְבּוֹ וְכֵן אֵין אִישׁ יׂדֵעַ אֵת אֲשֶׁר בֵּאלׂהִים כִּי אִם־רוּחַ הָאֱלׂהִים׃

יב וַאֲנַחְנוּ לׂא לָקַחְנוּ אֶת־רוּחַ הָעוֹלָם כִּי אִם־הָרוּחַ מֵאֵת הָאֱלׂהִים לְמַעַן נֵדַע אֶת־אֲשֶׁר נִתַּן לָנוּ מֵאֵת הָאֱלׂהִים בְּחַסְדּוֹ׃

יג וְאֶת־זׂאת לׂא נוֹצִיא בְּלָשׁוֹן אֲשֶׁר תְּלַמֵּד חָכְמַת בְּנֵי אָדָם כִּי אִם־בְּלָשׁוֹן אֲשֶׁר רוּחַ הַקּׂדֶשׁ תְּלַמֵּד וּנְבָאֵר רוּחָנִיּוֹת בִּדְבָרִים רוּחַנִיּים׃

יד הֵן הָאָדָם הַטִּבְעִי אֵינֶנּוּ מְקַבֵּל אֶת־דִּבְרֵי רוּחַ אֱלׂהִים כִּי־הֵמָּה סִכְלוּת לוֹ וְלׂא יוּכַל לַהֲבִינָם בַּאֲשֶׁר הֵמָּה נְדוֹנִים בְּדֶרֶךְ הָרוּחַ׃

טו אֲבָל הָאָדָם הָרוּחָנִי יָדִין הַכּׂל וְאוֹתוֹ לׂא־יָדִין אִישׁ׃

טז כִּי מִי־תִכֵּן אֶת־רוּחַ יְהוָֹה וּמִי יוֹדִיעֶנּוּ וַאֲנַחְנוּ הִנֵּה יֶשׁ־לָנוּ רוּחַ הַמָּשִׁיחַ׃