1Corinthians 12

א וּבְעִנְיַן מַתְּנוֹת הָרוּחַ אֶחָי לׂא־אֲכַחֵד מִכֶּם דָּבָר׃

ב הֲלׂא יְדַעְתֶּם כִּי לְפָנִים גּוֹיִם הֱיִיתֶם וְאַחֲרֵי הָאֱלִילִים הָאִלְּמִים הוּבַלְתֶּם וְגַם נִמְשַׁכְתֶּם׃

ג לָכֵן אוֹדִיע אֶתְכֶם כִּי אֵין אִישׁ דּׂבֵר בְּרוּחַ אֱלׂהִים וְיׂאמַר לְיֵשׁוּעַ חֵרֶם וְגַם לׂא יִקְרָא אִישׁ לְיֵשׁוּעַ אָדוֹן בִּלְתִּי אִם־בְּרוּחַ הַקּׂדֶשׁ׃

ד וְהַמַּתָּנוֹת שׁׂנוֹת אֲבָל אֶחָד הוּא הָרוּחַ׃

ה וְשׁׂנִים הַשִּׁמּוּשִׁים וְאֶחָד הוּא הָאָדוֹן׃

ו וְהַפְּעֻלּוֹת שׁׂנוֹת אֲבָל הָאֱלׂהִים אֶחָד וְהוּא הַפּׂעֵל אֶת־הַכּׂל בַּכּׂל׃

ז וּלְכָל־אִישׁ וָאִישׁ נִתְּנָה הִתְגַּלּוּת הָרוּחַ לְהוֹעִיל׃

ח כִּי הָאֶחָד נִתַּן־לוֹ עַל־יְדֵי הָרוּחַ דִּבּוּר הַחָכְמָה וּלְאַחַר דִּבּוּר הַדַּעַת כְּפִי הָרוּחַ הַהוּא׃

ט לְאַחֵר הָאֱמוּנָה בָּרוּחַ הַהוּא וּלְאַחֵר מַתְּנוֹת הָרְפֻאוֹת בָּרוּחַ הַהוּא׃

י וּלְאַחֵר לִפְעׂל גְּבוּרוֹת וּלְאַחֵר נְבוּאָה וּלְאַחֵר לְהַבְחִין בֵּין הָרוּחוֹת וּלְאַחֵר מִינֵי לְשׁׂנוֹת וּלְאַחֵר בִּאוּר לְשׁׂנוֹת׃

יא וְכָל־אֵלֶּה יִפְעַל הָרוּחַ הָאֶחָד הַהוּא הַחׂלֵק לְאִישׁ כִּרְצוֹנוֹ׃

יב כִּי כַּאֲשֶׁר הַגּוּף אֶחָד וּבוֹ אֵבָרִים הַרְבֵּה וְכָל־אֵבָרֵי הַגּוּף אַף כִּי־רַבִּים הֵם כֻּלָּם גּוּף אֶחָד כֵּן גַּם הַמָּשִׁיחַ׃

יג כִּי בְּרוּחַ אֶחָד נִטְבַּלְנוּ כֻלָּנוּ לְגוּף אֶחָד אִם־יְהוּדִים וְאִם־יְוָנִים אִם־עֲבָדִים וְאִם־בְּנֵי חוֹרִין וְכֻלָּנוּ לְרוּחַ אֶחָד הָשְׁקִינוּ׃

יד כִּי גַם־הַגּוּף לׂא אֵבָר אֶחָד הוּא כִּי אִם־רַבִּים׃

טו אִם־תּׂאמַר הָרֶגֶל לׂא יָד אֲנִי עַל־כֵּן אֵינֶנִּי מִן־הַגּוּף הֲלָזׂאת לׂא מִן־הַגּוּף הִיא׃

טז וְאִם־תּׂאמַר הָאׂזֶן לׂא עַיִן אֲנִי עַל־כֵּן אֵינֶנִּי מִן־הַגּוּף הֲלָזׂאת לׂא מִן־הַגּוּף הִיא׃

יז אִם־הַגּוּף כֻּלּוֹ יִהְיֶה עַיִן אַיֵּה הַשָּׁמַע וְאִם־כֻּלּוֹ שֶׁמַע אַיֵּה הָרֵיחַ׃

יח וְעַתָּה הָאֱלׂהִים שָׁת אֶת־הָאֵבָרִים כָּל־אֶחָד וְאֶחָד מֵהֶם בַּגּוּף כְּפִי רְצוֹנוֹ׃

יט וְאִלּוּ־הָיוּ כֻלָּם אֵבָר אֶחָד אַיֵּה הַגּוּף׃

כ הִנֵּה רַבִּים הֵם הָאֵבָרִים וְהַגּוּף אֶחָד׃

כא הָעַיִן לׂא־תוּכַל דַּבֵּר אֶל־הַיָּד לֵאמׂר לׂא אֶצְטָרֵךְ לָךְ וְגַם־הָרׂאשׁ לׂא־יוּכַל דַּבֵּר אֶל־הָרַגְלַיִם לֵאמׂר לׂא אֶצְטָרֵךְ לָכֶן׃

כב כִּי לְהֶפֶךְ אֵבָרֵי הַגּוּף הַנִּרְאִים רָפִים צְרִיכִים אֲנוּ לָהֶם בְּיוֹתֵר׃

כג וְהַנִּרְאִים לָנוּ נִקְלִים בַּגּוּף אׂתָם נַלְבִּישׁ יֶתֶר כָּבוֹד וַאֲשֶׁר לְבשֶׁת לָנוּ מַרְבִּים אֲנַחְנוּ אֶת עֶדְיָם׃

כד כִּי הָאֵבָרִים הַהֲגוּנִים אֲשֶׁר בָּנוּ אֵין צׂרֶךְ לָתֵת כָּבוֹד לָהֶם וְכֵן מָזַג הָאֱלׂהִים אֶת הַגּוּף לָתֵת כָּבוֹד יוֹתֵר לַגָּרוּעַ׃

כה כְּדֵי שֶׁלּא־תִהְיֶה מַחֲלׂקֶת בַּגּוּף כִּי אִם־יִדְאֲגוּ כָל־הָאֵבָרִים יַחַד זֶה לָזֶה׃

כו וְאִם־יִכְאַב אֵבָר אֶחָד יִכְאֲבוּ אִתּוֹ כָּל־הָאֵבָרִים וְאִם־יְכֻבַּד אֵבָר אֶחָד יִשְׂמְחוּ אִתּוֹ כָּל־הָאֵבָרִים׃

כז וְאַתֶּם גּוּף הַמָּשִׁיחַ אַתֶּם וְאֵבָרָיו כָּל־אֶחָד לְפִי חֶלְקוֹ׃

כח וּמֵהֶם שָׂם הָאֱלׂהִים בַּקָּהָל רִאשׁוֹנָה לִשְׁלִיחִים וְשֵׁנִית לִנְבִיאִים וּשְׁלִישִׁית לִמְלַמְּדִים וַיִּתֵּן גְּבוּרוֹת אַף־מַתְּנוֹת הָרְפֻאוֹת וּתְמִיכוֹת וְהַנְהָגוֹת וּמִינֵי לְשׁׂנוֹת׃

כט הֲכֻלָּם שְׁלִיחִים אִם־כֻּלָּם נְבִיאִים אוֹ כֻלָּם מְלַמְּדִים הֲכֻלָּם עׂשֵׂי גְבוּרוֹת׃

ל הַלְכֻלָּם מַתְּנוֹת רְפֻאוֹת הֲכֻלָּם מְדַבְּרִים בִּלְשׁׂנוֹת הֲכֻלָּם מְבָאֲרֵי לְשׁׂנוֹת׃

לא וְאַתֶּם הִשְׁתַּדְּלוּ לְהַשִּׂיג הַמַּתָּנוֹת הַטּוֹבוֹת בְּיוֹתֵר וַאֲנִי הִנְנִי מוֹרֶה אֶתְכֶם דֶּרֶךְ נַעֲלָה עַל־כֻּלָּנָה׃