1Corinthians 13

א אִם־בִּלְשׁׂנוֹת אֲנָשִׁים וּמַלְאָכִים אֲדַבֵּר וְאֵין־בִּי אַהֲבָה הָיִיתִי כִּנְחשֶׁת הׂמָה אוֹ כְּצִלְצַל תְּרוּעָה׃

ב וְאִם תִּהְיֶה־לִּי נְבוּאָה וְאֵדַע כָּל־הַסּוֹדוֹת וְכָל־הַדָּעַת וְאִם תִּהְיֶה־לִּי אֱמוּנָה רַבָּה עַד לְהַעְתִּיק הָרִים מִמְּקוֹמָם וְאֵין־בִּי הָאַהֲבָה הָיִיתִי כְּאָיִן׃

ג וְאִם־אֲחַלֵּק אֶת־כָּל־הוֹנִי וְאִם־אֶתֵּן אֶת־גּוּפִי לִשְׂרֵפָה וְאֵין־בִּי הָאַהֲבָה כָּל־זׂאת לׂא תוֹעִילֵנִי׃

ד הָאַהֲבָה מַאֲרֶכֶת־אַף וְעׂשָׂה חָסֶד הָאַהֲבָה לׂא תְקַנֵּא הָאַהֲבָה לׂא תִתְפָּאֵר וְלׂא תִתְרוֹמָם׃

ה לׂא תַעֲשֶׂה דְּבַר־תִּפְלָה וְלׂא־תְבַקֵּשׁ אֵת אֲשֶׁר־לָהּ וְלׂא תִתְמַרְמַר וְלׂא תַחֲשׁׂב הָרָעָה׃

ו לׂא תִשְׂמַח בָּעַוְלָה כִּי עִם־הָאֱמֶת תִּשְׂמָח׃

ז אֶת־כּׂל תִּשָּׂא אֶת־כּׂל תַּאֲמִין אֶת־כּׂל תְּקַוֶּה וְאֶת־כּׂל תִּסְבֹּל׃

ח הָאַהֲבָה לׂא־תִבֹּל לְעוֹלָם אֲבָל הַנְּבוּאוֹת תִּבָּטַלְנָה וְהַלְּשׁׂנוֹת תִּכְלֶינָה וְהַדַּעַת תִּבָּטֵל׃

ט כִּי־קְצָת הוּא שֶׁיָּדָעְנוּ וּקְצָת הוּא שֶׁנִּבֵּאנוּ׃

י וּכְבוֹא הַתָּמִים אָז עָבוֹר תַּעֲבֹר הַקְּצָת׃

יא כַּאֲשֶׁר הָיִיתִי עוֹלֵל כְּעוֹלֵל דִּבַּרְתִּי כְּעוֹלֵל הָגִיתִי כְּעוֹלֵל חָשָׁבְתִּי וְכַאֲשֶׁר הָיִיתִי לְאִישׁ הֲסִירׂתִי דִּבְרֵי הָעוֹלֵל׃

יב כִּי כָעֵת מַבִּיטִים אֲנַחְנוּ בְּמַרְאָה וּבְחִידוֹת וְאָז פָּנִים אֶל־פָּנִים כָּעֵת יוֹדֵעַ אֲנִי קְצָתוֹ וְאָז כַּאֲשֶׁר נוֹדַעְתִּי אֵדַע אַף־אָנִי׃

יג וְעַתָּה שְׁלָשׁ־אֵלֶּה תַעֲמׂדְנָה הָאֱמוּנָה וְהַתִּקְוָה וְהָאַהֲבָה וְהַגְּדוֹלָה שֶׁבָּהֶן הִיא הָאַהֲבָה׃