1Corinthians 5

א הַקּוֹל נִשְׁמַע בְּכָל־מָקוֹם שֶׁזְּנוּת בֵּינֵיכֶם וּזְנוּת אֲשֶׁר אֵין כָּמוֹהָ בַּגּוֹיִם עַד־שֶׁיִּקַּח אִישׁ אֶת־אֵשֶׁת אָבִיו׃

ב וְאַתֶּם מִתְגָּאִים תַּחַת אֲשֶׁר תִּתְאַבָּלוּ לְהָסִיר מִקִּרְבְּכֶם עׂשֵׂה הַמַּעֲשֶׂה הַזֶּה׃

ג וְאָנׂכִי הָרָחוֹק מִכֶּם בְּגוּפִי וְקָרוֹב בְּרוּחִי כְּבָר דַּנְתִּי כְּאִלּוּ הָיִיתִי אֶצְלְכֶם עַל־הָאִישׁ אֲשֶׁר־עָשָׂה כַּדָּבָר הַזֶּה׃

ד בְּשֵׁם אֲדׂנֵינוּ יֵשׁוּעַ הַמָּשִׁיחַ בְּהִקָּהֶלְכֶם יַחַד וְרוּחִי אִתְּכֶם עִם־גְּבוּרַת אֲדׂנֵינוּ יֵשׁוּעַ הַמָּשִׁיחַ׃

ה לִמְסׂר אֶת־הָאִישׁ הַהוּא לַשָּׂטָן לְאַבֵּד אֶת־הַבָּשָׂר לְמַעַן יִוָּשַׁע הָרוּחַ בְּיוֹם הָאָדוֹן יֵשׁוּעַ׃

ו לׂא־טוֹב הִתְהַלֶּלְכֶם הֲלׂא יְדַעְתֶּם כִּי מְעַט שְׂאׂר מְחַמֵּץ אֶת־כָּל־הָעִסָּה׃

ז בַּעֲרוּ אֶת־הַשְּׂאוֹר הַיָּשָׁן לְמַעַן תִּהְיוּ עִסָּה חֲדָשָׁה הֲלׂא לֶחֶם מַצּוֹת אַתֶּם כִּי גַּם־לָנוּ פִסְחֵנוּ הַנִּזְבָּח בַּעֲדֵנוּ הוּא הַמָּשִׁיחַ׃

ח עַל־כֵּן נָחׂגָּה־נָּא הֶחָג לׂא־בִשְׂאׂר יָשָׁן וְלׂא־בִשְׂאׂר רָעָה וָרֶשַׁע כִּי אִם־בְּמַצּוֹת הַתּׂם וְהָאֱמֶת׃

ט כָּתַבְתִּי לָכֶם בָּאִגֶּרֶת שֶׁלּא תִתְעָרֲבוּ עִם־הַזּׂנִים׃

י וְאֵין־דַּעְתִּי עַל־הַזּׂנִים בָּעוֹלָם אוֹ עַל־בֹּצְעֵי בֶצַע וְגַזְלָנִים וְעׂבְדֵי אֱלִילִים כִּי אִם־כֵּן סוֹפְכֶם לָצֵאת מִן־הָעוֹלָם׃

יא אַךְ־זׂאת כָּתַבְתִּי לָכֶם לְבִלְתִּי הִתְעָרֵב עִם־מִי שֶׁנִּקְרָא אָח וְהוּא זׂנֶה אוֹ־בֹצֵעַ בֶּצַע אוֹ־עׂבֵד אֱלִילִים אוֹ מְגַדֵּף אוֹ סׂבֵא אוֹ גַזְלָן וְאַף לׂא לֶאֱכׂל עִם־הָאִישׁ אֲשֶׁר כָּזֶה׃

יב כִּי מַה־לִּי לִשְׁפּׂט אֶת־אֲשֶׁר בַּחוּץ הֲלׂא תִשְׁפְּטוּ אֵת אֲשֶׁר בַּבָּיִת׃

יג וַאֲשֶׁר בַּחוּץ הָאֱלׂהִים יִשְׁפְּטֵם וְאַתֶּם תְּבַעֲרוּ אֶת־הָרַע מִקִּרְבְּכֶם׃