1Corinthians 8

א וְעַל־דְּבַר זִבְחֵי הָאֱלִילִים יָדַעְנוּ שֶׁכֻּלָּנוּ יֶשׁ־לָנוּ דָעַת הַדַּעַת תַּגְבִּיהַּ לֵב וְהָאַהֲבָה הִיא הַבּוֹנָה׃

ב הָאׂמֵר שֶׁהוּא יׂדֵעַ דָּבָר עוֹדֶנּוּ לׂא־יָדַע כַּאֲשֶׁר רָאוּי לוֹ׃

ג אֲבָל הָאׂהֵב אֶת־הָאֱלׂהִים הוּא נוֹדַע לוֹ׃

ד וְעַל־דְּבַר אֲכִילַת זִבְחֵי הָאֱֱלִילִים יָדַעְנוּ כִּי־אֵין אֱלִיל בָּעוֹלָם וְאֵין אֱלׂהִים בִּלְתִּי אֶחָד׃

ה וְאַף כִּי־יֵשׁ מִי שֶׁנִּקְרָאִים אֱלׂהִים בֵּין־בַּשָּׁמַיִם בֵּין־בָּאָרֶץ כַּאֲשֶׁר יֵשׁ אֱלׂהִים רַבִּים וַאֲדׂנִים רַבִּים׃

ו אָמְנָם לָנוּ רַק־אֵל אֶחָד הָאָב אֲשֶׁר הַכּׂל מִמֶּנּוּ וַאֲנַחְנוּ אֵלָיו וְאָדוֹן אֶחָד יֵשׁוּעַ הַמָּשִׁיחַ אֲשֶׁר הַכּׂל עַל־יָדוֹ וַאֲנַחְנוּ עַל־יָדוֹ׃

ז אַךְ לׂא בְכֻלָּם הַדָּעַת כִּי יֵשׁ זׂכְרִים עוֹד אֶת־הָאֱלִיל וְאׂכְלִים כֶּאֱכׂל זֶבַח אֱלִיל וְלִבָּם הֶחָלוּשׁ יִתְגָּאָל׃

ח וְהַמַּאֲכָל לׂא יְקָרֵב אׂתָנוּ לֵאלׂהִים כִּי אִם־נׂאכַל אֵין־לָנוּ יִתְרוֹן וְאִם־לׂא נׂאכַל לׂא נִגָּרֵעַ׃

ט אֲבָל הִזָּהֵרוּ פֶּן־יִהְיֶה אׂתוֹ הָרִשְׁיוֹן שֶׁלָּכֶם לְמִכְשׁׂל לַחַלָּשִׁים׃

י כִּי הָרׂאֶה אׂתְךָ אֲשֶׁר לְךָ הַדַּעַת מֵסֵב בְּבֵית אֱלִילִים הֲלׂא הַחַלָּשׁ יָעׂז בְּרוּחוֹ לֶאֱכׂל מִזִּבְחֵי אֱלִילִים׃

יא וְיׂאבַד עַל־יְדֵי דַעְתְּךָ אָחִיךָ הַחַלָּשׁ אֲשֶׁר לְמַעֲנוֹ מֵת הַמָּשִׁיחַ׃

יב וְאִם־כָּכָה תֶּחֶטְאוּ לַאֲחֵיכֶם וְתַכְאִיבוּ אֶת־רוּחָם הֶחָלוּשׁ לַמָּשִׁיחַ אַתֶּם חׂטְאִים׃

יג עַל־כֵּן אִם־מַאֲכָלִי מַכְשִׁיל אֶת־אָחִי לׂא־אׂכַל בָּשָׂר לְעוֹלָם פֶּן־אַכְשִׁיל אֶת־אָחִי׃