Matthew 11

א וַיְהִי כְּכַלּוֹת יֵשׁוּעַ לְצַוּׂת אֶת־שְׁנֵים עָשָׂר תַּלְמִידָיו וַיֵּלֶךְ מִשָׁם לְלַמֵּד וְלִקְרׂא בְּעָרֵיהֶם׃

ב וְיוֹחָנָן שָׁמַע בְּבֵית הַסּׂהַר אֶת־מַעֲשֵׂי הַמָּשִׁיחַ וַיִּשְׁלַח שְׁנַיִם מִתַּלְמִידָיו׃

ג וַיּׂאמֶר אֵלָיו הַאַתָּה הוּא הַבָּא אִם־נְחַכֶּה לְאַחֵר׃

ד וַיַּעַן יֵשׁוּעַ וַיּׂאמֶר לָהֶם לְכוּ הַגִּידוּ לְיוֹחָנָן אֶת־אֲשֶׁר שְׁמַעְתֶּם וְאֶת־אֲשֶׁר רְאִיתֶם׃

ה עִוְרִים רׂאִים וּפִסְחִים מְהַלְּכִים מְצׂרָעִים מְטׂהָרִים וְחֵרְשִׁים שׁוֹמְעִים וּמֵתִים קָמִים וַעֲנִיִּים מִתְבַּשְׁרִים׃

ו וְאַשְׁרֵי הָאִישׁ אֲשֶׁר לׂא־יִכָּשֵׁל בִּי׃

ז הֵמָּה הָלְכוּ וְיֵשׁוּעַ הֵחֵל לְדַבֵּר אֶל־הֲמוֹן הָעָם עַל־אׂדוֹת יוֹחָנָן וַיּׂאמַר מַה־זֶּה יְצָאתֶם הַמִּדְבָּרָה לִרְאוֹת הֲקָנֶה אֲשֶׁר יִנּוֹע בָּרוּחַ׃

ח אוֹ מַה־זֶּה יְצָאתֶם לִרְאוֹת הַאִישׁ לָבוּשׁ בִּגְדֵי עֲדָנִים הִנֵּה הַלּבְשִׁים עֲדָנִים בְּבָתֵּי הַמְּלָכִים הֵמָּה׃

ט וְעַתָּה מַה־זֶּה יְצָאתֶם לִרְאוֹת אִם לִרְאוֹת אִישׁ נָבִיא אָכֵן אׂמֵר אֲנִי לָכֶם אַף־גָּדוֹל הוּא מִנָּבִיא׃

י כִּי זֶּה הוּא אֲשֶׁר כָּתוּב עָלָיו הִנְנִי שׁׂלֵחַ מַלְאָכִי לְפָנֶיךָ וּפִנָּה דַּרְכְּךָ לְפָנֶיךָ׃

יא אָמֵן אׂמֵר אֲנִי לָכֶם לׂא קָם בִּילוּדֵי אִשָׁה גָּדוֹל מִיּוֹחָנָן הַמַּטְבִּיל וְהַקָּטׂן בְּמַלְכוּת הַשָׁמַיִם יִגְדַּל מִמֶּנּוּ׃

יב וּמִימֵי יוֹחָנָן הַמַּטְבִּיל וְעַד־הֵנָּה מַלְכוּת הַשָׁמַיִם נִתְפְּשָׂה בְיָד חֲזָקָה וְהַמִּתְחַזְּקִים יַחְטְפוּהָ׃

יג כִּי כָל־הַנְּבִיאִים וְהַתּוֹרָה עַד־יוֹחָנָן נִבָּאוּ׃

יד וְאִם־תִּרְצוּ לְקַבֵּל הִנֵּה הוּא אֵלִיָּה הֶעָתִיד לָבוֹא׃

טו מִי אֲשֶׁר אָזְנַיִם לוֹ לִשְׁמׂעַ יִשְׁמָע׃

טז וְאֶל־מִי אֲדַמֶּה אֶת־הַדּוֹר הַזֶּה דּוֹמֶה הוּא לַיְלָדִים הַיּׂשְׁבִים בַּשְׁוָקִים וְקׂרְאִים לְחַבְרֵיהֶם לֵאמׂר׃

יז חִלַּלְנוּ לָכֶם בַּחֲלִילִים וְלׂא רִקַּדְתֶּם קוֹנַנּוּ לָכֶם קִינָה וְלׂא סְפַדְתֶּם׃

יח כִּי־בָא־יוֹחָנָן וְהוּא לׂא אׂכֵל וְלׂא שׁׂתֶה וַיּׂאמְרוּ שֵׁד בּוֹ׃

יט וַיָּבֹא בֶן־הָאָדָם אׂכֵל וְשׁׂתֶה וְהֵם אׂמְרִים הִנֵּה אִישׁ זוֹלֵל וְסׂבֵא וְאׂהֵב מוֹכְסִים וְחַטָּאִים וְנִצְדְּקָה הַחָכְמָה בְּבָנֶיהָ׃

כ אָז הֵחֵל לְהוֹכִיחַ הֶעָרִים אֲשֶׁר־רׂב גְּבוּרוֹתָיו נַעֲשׂוֹוֹ בְתוֹכָן וְלׂא שָׁבוּ׃

כא אוֹי לָךְ כּוֹרָזִין אוֹי לָךְ בֵּית־צַיְדָה כִּי הַגְּבוּרוֹת אֲשֶׁר נַעֲשׂוֹוֹ בְקִרְבְּכֶן לוּ בְּצוֹר וּבְצִידוֹן נַעֲשׂוֹוֹ הֲלׂא־כְבָר שָׁבוּ בְּשַׂק וָאֵפֶר׃

כב אֲבָל אֲנִי אׂמֵר לָכֶם כִּי בְּיוֹם הַדִּין יֵקַל לְצוֹר וְצִידוֹן מִכֶּם׃

כג וְאַתְּ כְּפַר־נַחוּם הַמְרוֹמָמָה עַד־הַשָׁמַיִם עַד־שְׁאוֹל תּוּרָדִי כִּי הַגְּבוּרוֹת אֲשֶׁר נַעֲשׂוֹוֹ בְתוֹכֵךְ לוּ בִסְדוֹם נַעֲשׂוֹוֹ כִּי עַתָּה עָמְדָה עַל־תִּלָּהּ עַד־הַיּוֹם הַזֶּה׃

כד אֲבָל אֲנִי אׂמֵר לָכֶם כִּי בְּיוֹם הַדִּין יֵקַל לְאַדְמַת סְדוֹם מִמֵּךְ׃

כה בָּעֵת הַהִיא עָנָה יֵשׁוּעַ וְאָמַר אוֹדְךָ אָבִי אֲדוֹן הַשָׁמַיִם וְהָאָרֶץ כִּי הִסְתַּרְתָּ אֶת־אֵלֶּה מִן־הַחֲכָמִים וְהַנְּבוֹנִים וְגִלִּיתָם לָעוֹלֲלִים׃

כו הֵן אָבִי כִּי כֵן הָיָה רָצוֹן לְפָנֶיךָ׃

כז הַכּׂל נִמְסַר־לִי מֵאֵת אָבִי וְאֵין מַכִּיר אֶת־הַבֵּן בִּלְתִּי הָאָב וְאֵין מַכִּיר אֶת־הָאָב בִּלְתִּי הַבֵּן וַאֲשֶׁר יַחְפּׂץ הַבֵּן לְגַלּוֹת לוֹ׃

כח פְּנוּ אֵלַי כָּל־הָעֲמֵלִים וְהַטְּעוּנִים וַאֲנִי אָנִיחַ לָכֶם׃

כט קַבְּלוּ עֲלֵיכֶם אֶת־עֻלִי וְלִמְדוּ מִמֶּנִּי כִּי־עָנָו וּשְׁפַל רוּחַ אָנׂכִי וּמִצְאוּ מַרְגּוֹעַ לְנַפְשׁׂתֵיכֶם׃

ל כִּי עֻלִּי נָעִים וְקַל מַשָּׂאִי׃