Matthew 17

א וּמִקֵּץ שֵׁשֶׁת יָמִים לָקַח לוֹ יֵשׁוּעַ אֶת־פֶּטְרוֹס וְאֶת־יַעֲקׂב וְאֶת־יוֹחָנָן אָחִיו וַיַּעֲלֵם בָּדָד עַל־הַר גָּבוֹהַּ׃

ב וַיִּשְׁתַּנֶּה לְעֵינֵיהֶם וַיַּזְהִירוּ פָנָיו כַּשֶׁמֶשׁ וּבְגָדָיו כָּאוֹר הִלְבִּינוּ׃

ג וְהִנֵּה נִרְאוּ אֲלֵיהֶם משֶׁה וְאֵלִיָּהוּ וְהֵם מִדַּבְּרִים אִתּוֹ׃

ד וַיַּעַן פֶּטְרוֹס וַיּׂאמֶר אֶל־יֵשׁוּעַ אֲדׂנִי טוֹב לָנוּ לִהְיוֹת פּׂה אִם־טוֹב בְּעֵינֶיךָ נַעֲשֶׂה פּׂה שָׁלשׁׂ סֻכּוֹת לְךָ אַחַת וּלְמשֶׁה אַחַת וּלְאֵלִיָּהוּ אֶחָת׃

ה עוֹדֶנּוּ מְדַבֵּר וְהִנֵּה עֲנַן־אוֹר הֵצַל עֲלֵיהֶם וְהִנֵּה קוֹל מִתּוֹךְ הֶעָנָן אׂמֵר זֶה־בְּנִי יְדִידִי אֲשֶׁר רָצִיתִי בוֹ אֵלָיו תִּשְׁמָעוּן׃

ו וַיְהִי כִּשְׁמׂעַ הַתַּלְמִידִים וַיִּפְּלוּ עַל־פְּנֵיהֶם וַיִּירְאוּ מְאׂד׃

ז וַיִּגַּשׁ יֵשׁוּעַ וַיִּגַּע־בָּם וַיּׂאמַר קוּמוּ אַל־תִּירָאוּ׃

ח וַיִּשְׂאוּ עֵינֵיהֶם וְלׂא רָאוּ אִישׁ בִּלְתִּי יֵשׁוּעַ לְבַדּוֹ׃

ט וּבְרִדְתָּם מִן־הָהָר צִוָּה עֲלֵיהֶם יֵשׁוּעַ לֵאמׂר לׂא תַגִּידוּ לְאִישׁ אֶת־דְּבַר הַמַּרְאֶה עַד אִם־קָם בֶּן־הָאָדָם מֵעִם הַמֵּתִים׃

י וַיִּשְׁאָלֻהוּ תַלְמִידָיו לֵאמׂר מַה־זֶּה אׂמְרִים הַסּוֹפְרִים אֵלִיָּהוּ בּוֹא יָבוֹא בָּרִאשׁוֹנָה׃

יא וַיַּעַן יֵשׁוּעַ וַיּׂאמֶר אֲלֵיהֶם אָכֵן אֵלִיָּהוּ יָבֹא (בָרִאשׁוֹנָה) וְהֵשִׁיב אֶת־הַכּׂל׃

יב אֲבָל אׂמֵר אֲנִי לָכֶם אֵלִיָּהוּ כְּבָר בָּא וְלׂא הִכִּירֻהוּ וַיַּעֲשׂוֹוֹ־בוֹ כִּרְצוֹנָם וְכֵן גַּם־בֶּן־הָאָדָם יְעֻנֶּה עַל־יָדָם׃

יג אָז הֵבִינוּ הַתַּלְמִידִים כִּי עַל־יוֹחָנָן הַמַּטְבִּיל דִּבֶּר אֲלֵיהֶם׃

יד וַיְהִי כְּבוֹאָם אֶל־הֲמוֹן הָעָם וַיִּגַּשׁ אֵלָיו אִישׁ וַיִּכְרַע עַל־בִּרְכָּיו לְנֶגְדּוֹ׃

טו וַיּׂאמַר אֲדׂנִי רַחֵם־נָא עַל־בְּנִי כִּי־מֻכֵּה יָרֵחַ הוּא וְחָלְיוֹ רָע כִּי־פְעָמִים רַבּוֹת הוּא נׂפֵל בָּאֵשׁ וּפְעָמִים רַבּוֹת אֶל־תּוֹךְ הַמָּיִם׃

טז וָאָבִיא אׂתוֹ אֶל־תַּלְמִידֶיךָ וְלׂא יָכְלוּ לִרְפּׂא לוֹ׃

יז וַיַּעַן יֵשׁוּעַ וַיּׂאמֶר הוֹי דּוֹר חֲסַר אֱמוּנָה וּפְתַלְתּׂל עַד־מָתַי אֶהְיֶה עִמָּכֶם עַד־מָתַי אֶשָּׂא אֶתְכֶם הָבִיאוּ אוֹתוֹ אֵלַי הֵנָּה׃

יח וַיִּגְעַר־בּוֹ יֵשׁוּעַ וַיֵּצֵא הַשֵׁד מִמֶּנּוּ וַיֵּרָפֵא הַנַּעַר מִן־הַשָׁעָה הַהִיא׃

יט וַיִּגְּשׁוּ הַתַּלְמִידִים אֶל־יֵשׁוּעַ וְהוּא לְבַדּוֹ וַיּׂאמְרוּ מַדּוּעַ אֲנַחְנוּ לׂא יָכׂלְנוּ לְגָרֲשׁוֹ׃

כ וַיּׂאמֶר יֵשׁוּעַ אֲלֵיהֶם מִפְּנֵי חׂסֶר אֱמוּנַתְכֶם כִּי אָמֵן אׂמֵר אֲנִי לָכֶם אִם־יֵשׁ בָּכֶם אֱמוּנָה כְּגַרְגַּר הַחַרְדָּל וַאֲמַרְתֶּם אֶל־הָהָר הַזֶּה הֵעָתֵק מִזֶּה שָׁמָּה וְנֶעְתַּק מִמְּקוֹמוֹ וְאֵין דָּבָר אֲשֶׁר יִבָּצֵר מִכֶּם׃

כא וְהַמִּין הַזֶּה לׂא יֵצֵא כִּי אִם־בִּתְפִלָּה וּבְצוֹם׃

כב וַיְהִי בְּעָבְרָם בְּאֶרֶץ הַגָּלִיל וַיּׂאמֶר אֲלֵיהֶם יֵשׁוּעַ עָתִיד בֶּן־הָאָדָם לְהִמָּסֵר בִּידֵי אֲנָשִׁים׃

כג וַיַהַרְגֻהוּ וּבַיּוֹם הַשְׁלִישִׁי קוֹם יָקוּם וַיִּתְעַצְּבוּ מְאׂד׃

כד וַיְהִי כְּבוֹאָם אֶל־כְּפַר־נַחוּם וַיִּגְּשׁוּ אֶל־פֶּטְרוֹס גַּבָּאֵי מַחֲצִית הַשָׁקֶל וַיּׂאמְרוּ הֲלׂא יִתֵּן רַבְּכֶם אֶת־מַחֲצִית הַשָׁקֶל׃

כה וַיּׂאמֶר יִתֵּן וּבְבוֹאוֹ הַבַּיְתָה קִדֵּם אׂתוֹ יֵשׁוּעַ לִשְׁאׂל וַיּׂאמַר מַה־דַּעְתְּךָ שִׁמְעוֹן מַלְכֵי הָאָרֶץ מִמִּי יִקְחוּ מֶכֶס וּמַס מֵאֵת בְּנֵיהֶם אוֹ מֵאֵת הַזָּרִים׃

כו וַיּׂאמֶר פֶּטְרוֹס אֵלָיו מֵאֵת הַזָּרִים וַיּׂאמֶר לוֹ יֵשׁוּעַ אִם־כֵּן אֵפוֹא הַבָּנִים פְּטוּרִים הֵמָּה׃

כז וְאוּלָם לְמַעַן אֲשֶׁר־לׂא־נִהְיֶה לָהֶם לְמִכְשׁוֹל לֵךְ אֶל־הַיָּם וְהִשְׁלַכְתָּ חַכָּה אֶל־תּוֹכוֹ וְאֶת־הַדָּג הָרִאשׁוֹן אֲשֶׁר יַעֲלֶה שָׂאֵהוּ וְכַאֲשֶׁר תִּפְתַּח אֶת־פִּיו תִּמְצָא בוֹ מַטְבֵּעַ אוֹתוֹ קַח וְשָׁקַלְתָּ עַל יָדִי וְעַל יָדֶךָ׃