Hebrews 10
א כִּי הַתּוֹרָה בִּהְיוֹת בָּה צֵל הַטּׂבוֹת הָעֲתִידוֹת וְלׂא מַרְאֵה עֶצֶם הַדְּבָרִים אֵין בִּיכָלְתָּהּ לְעוֹלָם לְהַשְׁלִים אֶת־הַקְּרֵבִים בַּקָּרְבָּנוֹת הָהֵם אֲשֶׁר יַקְרִיבוּ תָמִיד מִדֵּי שָׁנָה בְשָׁנָה׃
ב כִּי אִם־כֵּן הֲלׂא חָדְלוּ לַהֲבִיאָם כִּי לׂא־הָיְתָה עוֹד יְדִיעַת חֲטָאִים בְּמַקְרִיבִים בְּהִטָּהֲרָם פַּעַם אֶחָת׃
ג אֲבָל יֶשׁ־שָׁם הַזְכָּרַת הַחֲטָאִים שָׁנָה בְשָׁנָה׃
ד כִּי דַם־הַפָּרִים וְהַשְׂעִירִים לׂא יוּכַל לְהָסִיר חֲטָאִים׃
ה וְעַל־כֵּן אׂמֵר בְּבוֹאוֹ לָעוֹלָם זֶבַח וּמִנְחָה לׂא חָפַצְתָּ גְּוִיָּה כּוֹנַנְתָּ לִּי׃
ו עוֹלָה וְחַטָּאָה לׂא שָׁאָלְתָּ׃
ז אָז אָמַרְתִּי הִנֵּה־בָאתִי בִּמְגִלַּת־סֵפֶר כָּתוּב עָלַי לַעֲשׂוֹת רְצוֹנְךָ אֱלׂהָי׃
ח אַחֲרֵי אָמְרוֹ לְמַעְלָה זֶבַח וּמִנְחָה עוֹלָה וְחַטָּאָה לׂא חָפַצְתָּ וְלׂא שָׁאָלְתָּ אֲשֶׁר יַקְרִיבוּ אׂתָם עַל־פִּי הַתּוֹרָה׃
ט אָז אָמַר הִנֵּה־בָאתִי לַעֲשׂוֹת רְצוֹנְךָ אֱלׂהָי מַעֲבִיר בָּזֶה אֶת־הָרִאשׁוֹן לְמַעַן הָקִים אֶת־הַשֵּׁנִי׃
י וּבָרָצוֹן הַזֶּה מְקֻדָּשִׁים אֲנַחְנוּ עַל־יְדֵי הַקְרָבַת קָרְבַּן גּוּפוֹ שֶׁל־יֵשׁוּעַ הַמָּשִׁיחַ בְּפַעַם אֶחָת׃
יא וְכָל־כּׂהֵן עׂמֵד יוֹם יוֹם לְשָׁרֵת וּמוֹסִיף פְּעָמִים רַבּוֹת לְהַקְרִיב הַקָּרְבָּנוֹת הָהֵמָּה אֲשֶׁר לׂא־יוּכְלוּ לְעוֹלָם לְהַעֲבִיר חֲטָאִים׃
יב וְהוּא אַחֲרֵי הַקְרִיבוֹ זֶבַח אֶחָד עַל־הַחֲטָאִים יָשַׁב לִימִין הָאֱלׂהִים לָנֶצַח׃
יג וּמֵאָז יְחַכֶּה עַד כִּי־יוּשְׁתוּ אׂיְבָיו הֲדׂם לְרַגְלָיו׃
יד כִּי הוּא בְּקָרְבָּן אֶחָד הִשְׁלִים לָנֶצַח אֶת־הַמְקֻדָּשִׁים׃
טו וְאַף־רוּחַ הַקּׂדֶשׁ מֵעִיד לָנוּ עַל־זׂאת כִּי אַחֲרֵי אָמְרוֹ׃
טז זׂאת הַבְּרִית אֲשֶׁר אֶכְרׂת אִתָּם אַחֲרֵי הַיָּמִים הָהֵם אָמַר יְהוָֹה נָתַתִּי אֶת־תּוֹרָתִי בְּקִרְבָּם וְעַל־לִבָּם אֶכְתֳבֶנָּה׃
יז וְלַעֲוֹנָם וּלְחַטָּאתָם לׂא אֶזְכָּר־עוֹד׃
יח וְהִנֵּה בִּמְקוֹם שֶׁיֵּשׁ סְלִיחַת הַחֲטָאִים אֵין עוֹד קָרְבָּן עֲלֵיהֶם׃
יט וְעַתָּה אֶחָי בִּהְיוֹת לָנוּ בִּטְחוֹן דֶּרֶךְ הַקּׂדֶשׁ בְּדַם יֵשׁוּעַ׃
כ דֶּרֶךְ חָדָשׁ וָחָי אֲשֶׁר חִדֵּשׁ לָנוּ בַּפָּרׂכֶת הִיא בְשָׂרוֹ׃
כא וּבִהְיוֹת לָנוּ כּׂהֵן גָּדוֹל עַל־בֵּית אֱלׂהִים׃
כב נִקְרְבָה־נָּא בְּלֵבָב שָׁלֵם וּבֶאֱמוּנָה תְמִימָה מְטׂהָרִים בְּהַזָּיַת לְבָבֵנוּ מֵרוּחַ רָעָה וּרְחוּצֵי הַבָּשָׂר בְּמַיִם טְהוֹרִים׃
כג נַחֲזִיקָה בְּהוֹדָאַת הַתִּקְוָה בַּל־נִמּוֹט כִּי־נֶאֱמָן הַמַּבְטִיחַ׃
כד וְנִתְבּוֹנֲנָה אִישׁ עַל־אָחִיו לְעוֹרֵר אׂתָנוּ לְאַהֲבָה וּלְמַעֲשִׂים טוֹבִים׃
כה וְאַל־נַעֲזׂב אֶת־כְּנֵסִיָּתֵנוּ כְּדֶרֶךְ קְצָת אֲנָשִׁים כִּי אִם־נַזְהִיר אִישׁ אֶת־רֵעֵהוּ וּבְיוֹתֵר בִּרְאׂתְכֶם כִּי־קָרַב הַיּוֹם׃
כו כִּי אִם־נֶחֱטָא בְזָדוֹן אַחֲרֵי אֲשֶׁר הָיְתָה לָּנוּ יְדִיעַת הָאֱמֶת לׂא־יִשָּׁאֵר עוֹד זֶבַח עַל־הַחֲטָאִים׃
כז כִּי אִם־בִּעוּתֵי הַדִּין הֶעָתִיד וְאֵשׁ קִנְאָה אֲשֶׁר תּׂאכַל אֶת־הַצּׂרֲרִים׃
כח הֵן אִישׁ כִּי־יָפֵר תּוֹרַת משֶׁה מוֹת יָמוּת בְּלִי חֶמְלָה עַל־פִּי שְׁנַיִם עֵדִים אוֹ־שְׁלׂשָׂה׃
כט וּמַה־דַּעְתְּכֶם כַּמָה יִגְדַּל הָעׂנֶשׁ הַנָּכוֹן לְמִי שֶׁרׂמֵס בְּרַגְלוֹ אֶת־בֶּן־הָאֱלׂהִים וְעׂשֶׂה אֶת־דַּם הַבְּרִית אֲשֶׁר־הוּא מְקֻדָּשׁ בּוֹ כְּחׂל וּמְחָרֵף אֶת־רוּחַ הֶחָסֶד׃
ל כִּי־יָדַעְנוּ מִי הוּא הָאׂמֵר לִי נָקָם וְשִׁלֵּם וְעוֹד כִּי־יָדִין יְהוָֹה עַמּוֹ׃
לא מַה־נּוֹרָא לִנְפּׂל בְּיַד אֱלׂהִים חַיִּים׃
לב אֲבָל זִכְרוּ־נָא אֶת־הַיָּמִים הָרִאשׁוֹנִים כִּי אָז אַחֲרֵי אׂרוּ עֵינֵיכֶם נְשָׂאתֶם צְבָא עִנּוּיִם רַבִּים׃
לג פַּעַם בִּהְיוֹתְכֶם לְרַאֲוָה בְּחֶרְפָּה וְתוּגָה פַּעַם בְּהִשְׁתַּתֵּף עִם הַבָּאִים בַּצָּרוֹת כְּמוֹכֶם׃
לד כִּי הִצְטָעַרְתֶּם עַל־הָאֲסִירִים וּגְזֵלַת רְכוּשְׁכֶם סְבַלְתֶּם בְּשִׂמְחָה מִדַּעְתְּכֶם בְּנַפְשְׁכֶם שֶׁיֵּשׁ־לָכֶם בַּשָּׁמַיִם קִנְיָן טוֹב מִמֶּנּוּ וְקַיָּם לָעַד׃
לה לָכֵן אַל־תַּשְׁלִיכוּ אֶת־בִּטְחוֹנְכֶם כִּי יֶשׁ־לוֹ שָׂכָר רָב׃
לו כִּי צְרִיכִים אַתֶּם לְסַבְלָנוּת לְמַעַן תַּעֲשׂוּ רְצוֹן אֱלׂהִים וּנְשָׂאתֶם אֶת־הַהַבְטָחָה׃
לז כִּי עוֹד מְעַט־רָגַע וְהַבָּא יָבֹא לׂא יְאַחֵר׃
לח הַצַּדִּיק בֶּאֱמוּנָתוֹ יִחְיֶה וְאִם־יִסּׂג אָחוֹר לׂא־רָצְתָה נַפְשִׁי בּוֹ׃
לט אֲבָל אֵין אֲנַחְנוּ מִן־הַנְּסׂגִים אָחוֹר לַאֲבֹד כִּי אִם־מִן־הַמַּאֲמִינִים לְהַצִּיל נַפְשֵׁנוּ׃