Hebrews 13
א אַהֲבַת הָאַחִים תַּעֲמׂד׃
ב הַכְנָסַת אׂרְחִים אַל־תִּשְׁכָּחוּ כִּי־יֵשׁ אֲשֶׁר אָסְפוּ מַלְאָכִים אֶל־בֵּיתָם וְלׂא יָדָעוּ׃
ג זִכְרוּ אֶת־הָאֲסוּרִים כְּאִלּוּ אַתֶּם אֲסוּרִים עִמָּהֶם וְאֵת הַנִּלְחָצִים בַּאֲשֶׁר גַּם־אַתֶּם בַּבָּשָׂר׃
ד הָאִישׁוּת תִּיקַר בַּכּׂל וִיצוּעֲכֶם אַל־יְחֻלָּל אֶת־הַזּׂנִים וְאֶת־הַמְנָאֲפִים יָדִין אֱלׂהִים׃
ה רַחֲקוּ מֵאַהֲבַת כֶּסֶף וִהְיוּ שְׂמֵחִים בְּחֶלְקְכֶם כִּי הוּא אָמַר לׂא אַרְפְּךָ וְלׂא אֶעֶזְבֲֶָ׃
ו עַל־כֵּן נִבְטַח וְנׂאמַר יְהוָֹה לִי בְּעׂזְרָי לׂא אִירָא מַה־יַּעֲשֶׂה לִי אָדָם׃
ז זִכְרוּ אֶת־מַנְהִיגֵיכֶם אֲשֶׁר־הִגִּידוּ לָכֶם אֶת־דְּבַר הָאֱלׂהִים בִּינוּ לְאַחֲרִית דַּרְכָּם וּלְכוּ בֶּאֱמוּנָתָם׃
ח יֵשׁוּעַ הַמָּשִׁיחַ כְּמוֹ שֶׁהוּא אֶתְמוֹל כֵּן הַיּוֹם וְגַם־לְעוֹלָמִים׃
ט אַל־תִּנּוֹעוּ בְּתוֹרוֹת שׁׂנוֹת וְזָרוֹת כִּי טוֹב לְכוֹנֵן לִבֵּנוּ בַּחֶסֶד וְלׂא בִּדְבָרִים שֶׁל־מַאֲכָל אֲשֶׁר לׂא הוֹעִילוּ לַנּׂהֲגִים בָּהֶם׃
י יֶשׁ־לָנוּ מִזְבֵּחַ אֲשֶׁר אֵין לָהֶם רְשׁוּת לִמְשָׁרֲתֵי הַמִּשְׁכָּן לֶאֱכׂל מֵעָלָיו׃
יא כִּי־הַבְּהֵמוֹת אֲשֶׁר הוּבָא דָמָן בַּקּׂדֶשׁ לְכַפָּרַת הַחֵטְא עַל־יְדֵי הַכּׂהֵן הַגָּדוֹל גְּוִיּׂתֵיהֶן נִשְׂרְפוּ מִחוּץ לַמַּחֲנֶה׃
יב בַּעֲבוּר זׂאת גַּם־יֵשׁוּעַ עֻנָּה מִחוּץ לַשָּׁעַר לְמַעַן קַדֵּשׁ אֶת־הָעָם בְּדָמוֹ׃
יג לָכֵן נֵצְאָה־נָּא אֵלָיו אֶל־מִחוּץ לַמַּחֲנֶה וְנִשָׂא אֶת־חֶרְפָּתוֹ׃
יד כִּי־פׂה אֵין־לָנוּ עִיר עׂמָדֶת כִּי אִם־אֶת־הָעִיר הָעֲתִידָה אֲנַחְנוּ מְבַקְשִׁים׃
טו לָכֵן נַקְרִיב עַל־יָדוֹ בְּכָל־עֵת זֶבַח תּוֹדָה לֵאלׂהִים הִיא־פְרִי שְׂפָתַיִם הַמּוֹדוֹת לִשְׁמוֹ׃
טז וְאַל־תִּשְׁכְּחוּ לִגְמׂל חֶסֶד וְלָתֵת לָאֶבְיוֹנִים כִּי־זְבָחִים כָּאֵלֶּה יֶעֶרְבוּ לֵאלׂהִים׃
יז שִׁמְעוּ אֶל־מַנְהִיגֵיכֶם וְהִכָּנְעוּ מִפְּנֵיהֶם כִּי־שׁׂקְדִים הֵם עַל־נַפְשׁׂתֵיכֶם כַּעֲתִידִים לָתֵת חֶשְׁבּוֹן לְמַעַן יַעֲשׂוּ־זׂאת בְּשִׂמְחָה וְלׂא בַאֲנָחָה כִּי לׂא־לְהוֹעִיל זׂאת לָכֶם׃
יח הִתְפַּלֲלוּ בַּעֲדֵנוּ כִּי יָדַעְנוּ אֲשֶׁר שְׁלֵמָה מַחֲשַׁבְתֵּנוּ וְנַחְפּׂץ לָלֶכֶת דֶּרֶךְ יְשָׁרָה בַּכּׂל׃
יט וְאֶפְצַר בָּכֶם מְאׂד לַעֲשׂוֹת הַדָּבָר הַזֶּה לְמַעַן אוּשַׁב אֲלֵיכֶם בִּמְהֵרָה׃
כ וֵאלׂהֵי הַשָּׁלוֹם אֲשֶׁר בְּדַם בְּרִית עוֹלָם הֶעֱלָה מִן־הַמֵּתִים אֶת־רׂעֵה הַצּׂאן הַגָּדוֹל אֶת־יֵשׁוּעַ אֲדׂנֵינוּ׃
כא הוּא יַשְׁלִימְכֶם בְּכָל־מַעֲשֶׂה טוֹב לַעֲשׂוֹת רְצוֹנוֹ בְּפָעֳלוֹ בָכֶם אֶת־הָרָצוּי לְפָנָיו בְּיַד־יֵשׁוּעַ הַמָּשִׁיחַ לוֹ הַכָּבוֹד לְעוֹלְמֵי עוֹלָמִים אָמֵן׃
כב וַאֲבַקֵּשׁ מִכֶּם אַחַי שְׂאוּ־נָא דְּבַר הַתּוֹכֵחָה כִּי כָתַבְתִּי אֲלֵיכֶם בִּקְצֵרָה׃
כג וּדְעוּ כִּי טִימוֹתִיּוֹס אָחִינוּ שֻׁלַּח חָפְשִׁי וְאִם־יָבֹא בִמְהֵרָה אֶרְאֶה אִתּוֹ אֶת־פְּנֵיכֶם׃
כד שַׁאֲלוּ לִשְׁלוֹם כָּל־מַנְהִיגֵיכֶם וְלִשְׁלוֹם כָּל־הַקְּדׂשִׂים בְּנֵי אֶרֶץ אִיטַלְיָא שׁׂאֲלִים לִשְׁלוֹמְכֶם׃
כה הַחֶסֶד עִם־כֻּלְּכֶם אָמֵן׃