Hebrews 2
א לָכֵן עָלֵינוּ לִשְׁמׂר מְאׂד אֶת־אֲשֶׁר שָׁמָעְנוּ פֶּן־יָלוּז וְיׂאבַד מִמֶּנּוּ׃
ב כִּי אִם־הַדָּבָר הַנֶּאֱמָר עַל־יְדֵי הַמַּלְאָכִים הָיָה קַיָּם וְכָל־פֶּשַׁע וּמְרִי נָשָׂא אֶת־עָנְשׁוֹ כַּמִּשְׁפָּט׃
ג אֵיךְ נִמָּלֵט אֲנַחְנוּ אִם־לׂא נָשִׂים לֵב לִתְשׁוּעָה גְדוֹלָה כָּזׂאת הַנֶּאֱמָרָה מִתְּחִלָּה בְּפִי הָאָדוֹן וּמְקֻיֶּמֶת־לָנוּ מֵאֵת שׁׂמְעֶיהָ׃
ד וְגַם־אֱלׂהִים הֵעִיד עָלֶיהָ בְּאׂתוֹת וּבְמוֹפְתִים וּבִגְבוּרוֹת שׁׂנוֹת וּבְמַתְּנוֹת רוּחַ קָדְשׁוֹ אֲשֶׁר חִלֵּק כִּרְצוֹנוֹ׃
ה כִּי לׂא תַּחַת יַד־הַמַּלְאָכִים שָׁת אֶת־הָעוֹלָם הַבָּא אֲשֶׁר אֲנַחְנוּ מְדַבְּרִים בּוֹ׃
ו כִּי אִם־כַּאֲשֶׁר הֵעִיד הַמֵּעִיד לֵאמׂר מָה־אֱנוֹשׁ כִּי־תִזְכְּרֶנּוּ וּבֶן־אָדָם כִּי תִפְקְדֶנּוּ׃
ז וַתְּחַסְּרֵהוּ מְעַט מֵאֱלׂהִים וְכָבוֹד וְהָדָר תְּעַטְּרֵהוּ וַתַּמְשִׁילֵהוּ בְּמַעֲשֵׂי יָדֶיךָ כּׂל שַׁתָּה תַחַת־רַגְלָיו׃
ח הִנֵּה בְּשִׁיתוֹ כׂל תַּחְתָּיו לׂא־הִשְׁאִיר דָּבָר שֶׁלּא־שָׁת תַּחְתָּיו וְעַתָּה עֲדַיִן אֵין אֲנוּ רׂאִים כִּי־כׂל הוּשַׁת תַּחְתָּיו׃
ט אֲבָל יֵשׁוּעַ הַמְחֻסָּר מְעַט מִמַּלְאָכִים אוֹתוֹ רָאִינוּ מְעֻטָּר בְּכָבוֹד וְהָדָר מִפְּנֵי עֻנּוֹתוֹ עַד־מָוֶת לְמַעַן אֲשֶׁר יִטְעַם בְּחֶסֶד אֱלׂהִים אֶת־הַמָּוֶת בְּעַד כֻּלָּם׃
י כִּי־הוּא אֲשֶׁר הַכּׂל לְמַעֲנוֹ וְהַכּׂל עַל־יָדוֹ בְּהַנְחׂתוֹ בָנִים רַבִּים לְכָבוֹד נָאֶה הָיָה לוֹ לְהַשְׁלִים בְּעִנּוּיִם אֶת־שַׂר יְשׁוּעָתָם׃
יא כִּי גַם־הַמְקַדֵּשׁ גַּם־הַמְּקֻדָּשִׁים כֻּלָּם מֵאֶחָד הֵמָּה וְעַל־כֵּן לׂא בוֹשׁ מִקְּרׂא לָהֶם אַחִים׃
יב לֵאמׂר אֲסַפְּרָה שִׁמְךָ לְאֶחָי בְּתוֹךְ קָהָל אֲהַלֲלֲֶָ׃
יג וְאוֹמֵר וְקִוֵּיתִי לוֹ וְעוֹד הִנֵּה אָנׂכִי וְהַיְלָדִים אֲשֶׁר נָתַן־לִי יְהוָֹה׃
יד וְיַעַן כִּי הַיְלָדִים כֻּלָּם יַחְדָּו בָּשָׂר וָדָם אַף־הוּא לָבַשׁ בָּשָׂר וָדָם כְּמוֹהֶם לְמַעַן אֲשֶׁר יְבַטֵּל עַל־יְדֵי הַמָּוֶת אֵת אֲשֶׁר־לוֹ מֶמְשֶׁלֶת הַמָּוֶת הוּא הַשָׂטָן׃
טו וּלְהַתִּיר כָּל־אֵלֶּה אֲשֶׁר מֵאֵימַת הַמָּוֶת הָיוּ נְתֻנִים לְעַבְדוּת כָּל־יְמֵי חַיֵּיהֶם׃
טז כִּי אָמְנָם לׂא בְּמַלְאָכִים הֶחֱזִיק כִּי אִם־בְּזֶרַע אַבְרָהָם הֶחֱזִיק׃
יז עַל־כֵּן צָרִיךְ הָיָה לוֹ לְהִדַּמּוֹת לְאֶחָיו בְּכָל־דָּבָר לְמַעַן אֲשֶׁר־יִהְיֶה כּׂהֵן גָּדוֹל רַחֲמָן וְנֶאֱמָן בְּעִנְיְנֵי אֱלׂהִים לְכַפֵּר עַל־חַטּׂאת הָעָם׃
יח כִּי בַאֲשֶׁר הוּא נֻסָּה וַיְעֻנֶּה בְּנַפְשׁוֹ יָכׂל לַעֲזׂר אֶת־הַמִּתְנַסִּים׃