Hebrews 7
א כִּי זֶה מַלְכִּי־צֶדֶק מֶלֶךְ שָׁלֵם כּׂהֵן לְאֵל עֶלְיוֹן אֲשֶׁר יָצָא לִקְרַאת אַבְרָהָם בְּשׁוּבוֹ מֵהַכּוֹת אֶת־הַמְּלָכִים וַיְבָרֲכֵהוּ׃
ב וַאֲשֶׁר חָלַק־לוֹ אַבְרָהָם מַעֲשֵׂר מִכּׂל שְׁמוֹ הוּא מֶלֶךְ הַצְּדָקָה וְעוֹד מֶלֶךְ שָׁלֵם הוּא מֶלֶךְ הַשָּׁלוֹם׃
ג בְּאֵין־אָב בְּאֵין־אֵם בְּאֵין יַחַשׂ וּלְיָמָיו אֵין תְּחִלָּה וּלְחַיָּיו אֵין סוֹף וּבְזׂאת־נִדְמֶה לְבֶן־הָאֱלׂהִים הוּא עוֹמֵד בִּכְהֻנָּתוֹ לָנֶצַח׃
ד וּרְאוּ מַה־גָּדוֹל הוּא אֲשֶׁר גַּם־אַבְרָהָם אָבִינוּ נָתַן־לוֹ מַעֲשֵׂר מֵרֵאשִׁית הַכּׂל׃
ה הֶן־בְּנֵי לֵוִי נׂחֲלֵי הַכְּהֻנָּה יֶשׁ־חׂק לָהֶם עַל־פִּי הַתּוֹרָה לָקַחַת אֶת־הַמַּעַשְׂרוֹת מִן־הָעָם מִן־אֲחֵיהֶם אֲשֶׁר אַף־הֵם יׂצְאֵי יֶרֶךְ אַבְרָהָם׃
ו וַאֲשֶׁר אֵינֶנּוּ מִתְיַחֵשׂ לְמִשְׁפַּחְתָּם הוּא לָקַח אֶת־הַמַּעֲשֵׂר מִן־אַבְרָהָם וַיְבָרֶךְ אֶת־אֲשֶׁר הָיְתָה־לּוֹ הַהַבְטָחָה׃
ז וְהִנֵּה נָכוֹן הַדָּבָר שֶׁהַקָּטׂן יְבֹרַךְ עַל־יְדֵי הַגָּדוֹל מִמֶּנּוּ׃
ח וּפׂה בְּנֵי אָדָם שֶׁיָּמוּתוּ לׂקְחִים אֶת־הַמַּעֲשֵׂר אֲבָל שָׁם לׂקְחוֹ מִי שֶׁהוּעַד עָלָיו כִּי הוּא חָי׃
ט וְיִתָּכֵן לוֹמַר כִּי גַם־לֵוִי הַלּקֵחַ אֶת־הַמַּעַשְׂרוֹת הָיָה מְעַשֵׂר בַּעְשֵׂר אַבְרָהָם׃
י כִּי עוֹד בְּיֶרֶךְ הָאָב הָיָה בְּצֵאת מַלְכִּי־צֶדֶק לִקְרָאתוֹ׃
יא עַל־כֵּן אִלּוּ הָיְתָה שְׁלֵמוּת עַל־יְדֵי כְהֻנַּת בְּנֵי לֵוִי אֲשֶׁר־בָּהּ נִתְּנָה הַתּוֹרָה לָעָם לָמָּה־זֶּה צָרִיךְ לָקוּם עוֹד כּׂהֵן אַחֵר עַל־דִּבְרָתִי מַלְכִּי־צֶדֶק וְלׂא יׂאמַר עַל־דִּבְרָתִי אַהֲרׂן׃
יב כִּי בְּהִשְׁתַּנּוֹת הַכְּהֻנָּה צָרִיךְ שֶׁתִּשְׁתַּנֶּה גַּם־הַתּוֹרָה׃
יג כִּי אֲשֶׁר־מְדֻבָּר בּוֹ כָּזׂאת הוּא מִשֵּׁבֶט אַחֵר אֲשֶׁר מֵעוֹלָם לׂא־שֵׁרֵת אִישׁ מִמֶּנּוּ בַּמִּזְבֵּחַ׃
יד כִּי גָלוּי לַכּׂל אֲשֶׁר אֲדׂנֵינוּ צָמַח מִיהוּדָה מִן־הַשֵּׁבֶט אֲשֶׁר משֶׁה לׂא־דִבֶּר אֵלָיו דָּבָר עַל־הַכְּהֻנָּה׃
טו וְעוֹד יוֹתֵר בָּרוּר הוּא אִם־יוּקַם בְּדִמְיוֹן מַלְכִּי־צֶדֶק כּׂהֵן אַחֵר׃
טז אֲשֶׁר אֵינֶנּוּ עַל־פִּי חֻקַּת בָּשָׂר וָדָם אֶלָּא עַל־פִּי כּׂחַ חַיִּים שֶׁאֵין לָהֶם הֶפְסֵק׃
יז כִּי־הֵעִיד עָלָיו אַתָּה־כׂהֵן לְעוֹלָם עַל־דִּבְרָתִי מַלְכִּי־צֶדֶק׃
יח בַּעֲבוּר אֲשֶׁר הַמִּצְוָה הַקּׂדֶמֶת הוּסָרָה בִּהְיוֹתָהּ חֲלוּשָׁה וְקִצְרַת־יָד מֵהוֹעִיל׃
יט כִּי הַתּוֹרָה הִיא לׂא־הִשְׁלִימָה דָּבָר וְהִנֵּה נִכְנְסָה תַחְתֶּיהָ תִּקְוָה טוֹבָה מִמֶּנָּה אֲשֶׁר־נִקְרַב עַל־יָדָהּ לֵאלׂהִים׃
כ וּכְפִי אֲשֶׁר לׂא בְּלׂא שְׁבוּעָה הָיְתָה־זּׂאת׃
כא כִּי הֵמָּה נִתְכַּהֲנוּ בְלִי־שְׁבוּעָה וְזֶה בִּשְׁבוּעָה עַל־יְדֵי הָאׂמֵר לוֹ נִשְׁבַּע יְהוָֹה וְלׂא יִנָּחֵם אַתָּה־כׂהֵן לְעוֹלָם עַל־דִּבְרָתִי מַלְכִּי־צֶדֶק׃
כב הִנֵּה בְּזׂאת מְעֻלָּה הִיא הַבְּרִית אֲשֶׁר יֵשׁוּעַ עָרַב אוֹתָהּ׃
כג וְשָׁם נִתְכַּהֲנוּ רַבִּים מִפְּנֵי אֲשֶׁר הַמָּוֶת לׂא הִנִּיחָם לְהִוָּתֵר בָּאָרֶץ׃
כד אֲבָל זֶה יַעֲמׂד לְעוֹלָם וַיְהִי־לוֹ כְהֻנָּה אֲשֶׁר לׂא־תַעֲבֹר מִמֶּנּוּ׃
כה אֲשֶׁר עַל־כֵּן יוּכַל לְהוֹשִׁיעַ בַּכּׂל וָכׂל אֶת־הַנִּגָּשִׁים עַל־יָדוֹ לֵאלׂהִים כִּי חַי־הוּא תָמִיד לְהַפְגִּיע בַּעֲדָם׃
כו כִּי נָאֲוָה־לָּנוּ כּׂהֵן כָּזֶה שֶׁהוּא חָסִיד וְתָמִים וְטָהוֹר וְנִבְדָּל מִן־הַחַטָּאִים וְנִשָׂא מֵהַשָּׁמָיִם׃
כז אֲשֶׁר אֵין עָלָיו כַּכּׂהֲנִים הַגְּדוֹלִים הָהֵם לְהַקְרִיב יוֹם יוֹם בָּרִאשׁוֹנָה עַל־חַטּׂאתָיו וְאַחֲרֵי־כֵן עַל־חַטּׂאת הָעָם כִּי־זׂאת עָשָׂה בְּפַעַם אַחַת בְּהַקְרִיבוֹ אֶת־נַפְשׁוֹ׃
כח כִּי הַתּוֹרָה הֶעֱמִידָה לְכׂהֲנִים גְּדוֹלִים בְּנֵי־אָדָם חַלָּשִׁים אֲבָל דְּבַר־הַשְּׁבוּעָה הַבָּאָה אַחֲרֵי הַתּוֹרָה הֶעֱמִיד אֶת־הַבֵּן הַמֻּשְׁלָם לְעוֹלָם׃