Hebrews 12

א לָכֵן גַּם־אֲנַחְנוּ אֲשֶׁר־עֲנַן עֵדִים רַב כָּזֶה מְסׂבֵב אׂתָנוּ נַשְׁלִיכָה מִמֶּנּוּ כָּל־טׂרַח וְהַחֵטְא הַמַּקִּיף עָלֵינוּ וְנָרוּצָה בְסַבְלָנוּת אֶת־הַמְּרוּצָה הָעֲרוּכָה לְפָנֵינוּ׃

ב וְנַבִּיטָה אֶל־יֵשׁוּעַ רׂאשׁ הָאֱמוּנָה וּמַשְׁלִימָהּ אֲשֶׁר בְּעַד הַשִׂמְחָה הַשְּׁמוּרָה לוֹ קִבֵּל אֶת־הַצְּלוּב וַיִּבֶז הַחֶרְפָּה וַיֵּשֶׁב לִימִין כִּסֵּא הָאֱלׂהִים׃

ג הִתְבּוֹנֲנוּ אֵלָיו אֲשֶׁר־נָשָׂא כְלִמָּה גְּדוֹלָה כָזׂאת מֵאֵת הַחַטָּאִים לְמַעַן אֲשֶׁר לׂא תִיעֲפוּ וְלׂא תִיגְעוּ בְּנַפְשׁוֹתֵיכֶם׃

ד עֲדַיִן לׂא עֲמַדְתֶּם בְּמִלְחַמְתְּכֶם עִם־הַחֵטְא עַד־לַדָּם׃

ה וַתִּשְׁכְּחוּ נִחוּמֵי הַמְדַבֵּר אֲלֵיכֶם כְּדַבֵּר אֶל־בָּנִים לֵאמׂר מוּסַר יְהוָֹה בְּנִי אַל־תִּמְאָס וְאַל־תָּקׂץ בְּתוֹכַחְתּוֹ׃

ו כִּי אֶת אֲשֶׁר יֶאֱהַב יְהוָֹה יוֹכִיחַ יַכְאִב אֶת־בֵּן יִרְצֶה׃

ז אִם־מְקַבְּלִים אַתֶּם מוּסָר דְּעוּ כִּי־כְאָב עִם־בָּנָיו מִתְנַהֵג אֱלׂהִים עִמָּכֶם כִּי מִי הַבֵּן אֲשֶׁר אָבִיו לׂא יְיַסְּרֶנּוּ׃

ח וְאִם־תִּהְיוּ בְאֵין־מוּסָר אֲשֶׁר הָיָה מְנָת כֻּלָּם אָז מַמְזְרִים אַתֶּם וְלׂא בָנִים׃

ט וְעוֹד אִם־אֲבוֹת בְּשָׂרֵנוּ הָיוּ מְיַסְּרִים אׂתָנוּ וַנִּירָא מֵהֶם אַף כִּי־נִכָּנַע לִפְנֵי אֲבִי הָרוּחוֹת וְנִחְיֶה׃

י כִּי הֵמָּה יִסְּרוּנוּ כַּטּוֹב בְּעֵינֵיהֶם לְשָׁעָה קַלָּה אֲבָל זֶה לְהוֹעִיל לְמַעַן יִהְיֶה־לָּנוּ חֵלֶק בִּקְדֻשָּׁתוֹ׃

יא וְכָל־מוּסָר כְּשֶׁבָּא עָלֵינוּ אֵינֶנּוּ שִׂמְחָה בְעֵינֵינוּ כִּי אִם־יָגוֹן אֲבָל בְּאַחֲרִיתוֹ יִתֵּן פְּרִי שָׁלוֹם לִצְדָקָה לִמְלֻמָּדָיו׃

יב עַל־כֵּן חַזְּקוּ יָדַיִם רָפוֹת וּבִרְכַּיִם כּׂשְׂלוֹת׃

יג וּמַעְגַּל רַגְלֵיכֶם פַּלֵּסוּ לְמַעַן לׂא־תִטֶּה הַצּׂלֵעָה מִן־הַדֶּרֶךְ כִּי אִם־תֵּרָפֵא׃

יד רִדְפוּ אֶת־הַשָּׁלוֹם עִם־כָּל־אָדָם וְאֵת הַקְדֻשָּׁה אֲשֶּׁר בִּלְעָדֶיהָ לׂא־יִרְאֶה אִישׁ אֶת־הָאָדוֹן׃

טו וְהִזָּהֲרוּ פֶּן־יֵשׁ בָּכֶם אִישׁ אֲשֶׁר יֶחְדַּל מֵחֶסֶד אֱלׂהִים פֶּן־יָעִיק לָכֶם שׁׂרֶשׁ פּׂרֶה לַעֲנָה וְיִטַּמְּאוּ בוֹ רַבִּים׃

טז פֶּן־יִמָּצֵא בָכֶם זׂנֶה אוֹ חָלָל כְּעֵשָׂו אֲשֶׁר בְּנָזִיד אֶחָד מָכַר אֶת־בְּכוֹרָתוֹ׃

יז הֲלׂא יְדַעְתֶּם כִּי נִמְאַס אַחֲרֵי כֵן כַּאֲשֶׁר רָצָה לָרֶשֶׁת אֶת־הַבְּרָכָה כִּי לׂא־מָצָא מָקוֹם לִתְשׁוּבָה אַף כִּי־בִקֵּשׁ אוֹתָהּ בִּדְמָעוֹת׃

יח כִּי לׂא־בָאתֶם אֶל־הַר נִמְשָׁשׁ וּבֹעֵר בָּאֵשׁ וְלׂא אֶל־עָנָן וַעֲרָפֶל וּסְעָרָה׃

יט וְלׂא לְקוֹל שׁוֹפָר וּלְקוֹל הַדְּבָרִים אֲשֶׁר שׁׂמְעָיו בִּקְשׁוּ שֶׁלּא יוֹסִיף לְדַבֵּר עִמָּהֶם עוֹד׃

כ כִּי לׂא־יָכְלוּ לָשֵׂאת אֵת אֲשֶׁר צֻוּוּ גַּם־אִם־בְּהֵמָה תִּגַּע בָּהָר סָקׂל תִּסָּקֵל אוֹ־יָרׂה תִיָּרֶה בַּחִצִּים׃

כא וְהַמַּרְאֶה הָיָה נוֹרָא עַד־מְאׂד וַיּׂאמֶר משֶׁה יָגׂרְתִּי וְחָרָדְתִּי׃

כב כִּי אִם־בָּאתֶם אֶל־הַר צִיּוֹן וְאֶל־עִיר אֱלׂהִים חַיִּים אֶל־יְרוּשָׁלַיִם שֶׁבַּשָּׁמָיִם׃

כג וְאֶל־מַקְהֵלַת רִבֲבוֹת הַמַּלְאָכִים וַעֲדַת הַבְּכוֹרִים הַכְּתוּבִים בַּשָּׁמָיִם וְאֶל־אֱלׂהִים שׁׂפֵט הַכּׂל וְאֶל־רוּחוֹת הַצַּדִּיקִים הַנִּשְׁלָמִים׃

כד וְאֶל־יֵשׁוּעַ מְתַוֵּךְ הַבְּרִית הַחֲדָשָׁה וְאֶל־דַּם הַהַזָּאָה הַמֵּיטִיב דַּבֵּר מִדַּם־הָבֶל׃

כה לָכֵן רְאוּ פֶּן־תְּמָאֲנוּ לִשְׁמׂעַ אֶל־הַמְדַבֵּר כִּי הֵן לׂא נִמְלְטוּ הַמֵּאֲנִים לִשְׁמׂעַ אֶל־הַמְדַבֵּר עִמָּהֶם בָּאָרֶץ אַף כִּי־אֲנַחְנוּ אִם־נְמָאֵן לִשְׁמׂעַ בְּקוֹל הַמְדַבֵּר מִן־הַשָּׁמָיִם׃

כו אֲשֶׁר קוֹלוֹ הִרְעִישׁ אָז אֶת־הָאָרֶץ וְעַתָּה זֶה הִבְטִיחַ לֵאמׂר עוֹד אַחַת וַאֲנִי מַרְעִישׁ לׂא אֶת־הָאָרֶץ בִּלְבַד אֶלָּא אַף אֶת־הַשָּׁמָיִם׃

כז וְזוּ עוֹד אַחַת שֶׁאָמַר מַשְׁמִיעַ שִׁנּוּי הַדְּבָרִים הַמִּתְעַרְעָרִים אֲשֶׁר הֵם עֲשׂוּיִם לְמַעַן יַעֲמׂד אֲשֶׁר אֵינֶנּוּ נִרְעָשׁ׃

כח לָכֵן אֲנַחְנוּ הַמְקַבְּלִים מַלְכוּת אֲשֶׁר לׂא תִמּוֹט נָבֹאָה־נָּא בְתוֹדָה וְנַעֲבֹד בָּהּ אֶת־הָאֱלׂהִים כִּרְצוֹנוֹ בִּצְנִיעוּת וּבְיִרְאָה׃

כט כִּי אֱלׂהֵינוּ אֵשׁ אׂכְלָה הוּא׃