Hebrews 6
א עַל־כֵּן בַּעֲזׂב כָּעֵת רֵאשִׁית דְּבַר הַמָּשִׁיחַ נַעֲבֹר אֶל־הַשְּׁלֵמוּת וְלׂא נָשׁוּב לָשִׁית יְסוֹדֵי הַתְּשׂוּבָה מִמַּעֲשֵׂי מָוֶת וְהָאֱמוּנָה בֵּאלׂהִים׃
ב וְתוֹרַת הַטְּבִילוֹת וּסְמִיכַת יָדַיִם וּתְחִיַּת הַמֵּתִים וּמִשְׁפַּט עוֹלָם׃
ג וְאֶת־זׂאת נַעֲשֶׂה אִם־יִתֵּן הָאֵל׃
ד כִּי כׂל אֲשֶׁר־נָגַהּ עֲלֵיהֶם הָאוֹר וְטָעֲמוּ מִמַּתְּנַת הַשָּׁמַיִם וְנִתַּן לָהֶם חֶלְקָם בְּרוּחַ הַקּׂדֶשׁ׃
ה וְטָעֲמוּ אֶת־דְּבַר־אֱלׂהִים הַטּוֹב וְכׂחוֹת הָעוֹלָם הַבָּא וְהֵם נָסוֹגוּ אָחוֹר׃
ו נִמְנְעוּ מֵהִתְחַדֵּשׁ עוֹד לִתְשׁוּבָה כִּי חָזְרוּ לִצְלׂב לָהֶם אֶת־בֶּן־הָאֱלׂהִים וַיִּתְּנוּהוּ לְמָשָׁל׃
ז כִּי הָאֲדָמָה הַשּׁוֹתָה אֶת־הַגֶּשֶׁם הַיּׂרֵד עָלֶיהָ לְמַכְבִּיר וּמוֹצִיאָה עֵשֶׂב טוֹב לְעׂבְדֶיהָ תִּשָׂא בְרָכָה מֵאֵת הָאֱלׂהִים׃
ח וַאֲשֶׁר תּוֹצִיא קוֹץ וְדַרְדַּר נִמְאָסָה הִיא וּקְרוֹבָה לַמְּאֵרָה וְסוֹפָהּ לְהִשָׂרֵף׃
ט אָמְנָם יְדִידַי מֻבְטָחִים אֲנַחְנוּ כִּי טׂבוֹת מֵאֵלֶּה בָּכֶם וּקְרׂבוֹת לִישׁוּעָה אַף כִּי־דִבַּרְנוּ כָּזׂאת׃
י כִּי הָאֱלׂהִים לׂא־יְעַוֵּת צֶדֶק לִשְׁכּׂחַ אֶת־מַעֲשֵׂיכֶם וְאֶת־(עֲמַל) אַהֲבַתְכֶם אֲשֶׁר הֶרְאֵיתֶם לְמַעַן שְׁמוֹ שֶׁשֵּׁרַתֶּם אֶת־הַקְּדׂשִׂים וְעוֹדְכֶם מְשָׁרֲתִים׃
יא וְחֶפְצֵנוּ שֶׁכָּל־אֶחָד מִכֶּם יִשְׁקׂד לִהְיוֹת נָכוֹן לִבּוֹ בַּתִּקְוָה עַד־הַקֵּץ׃
יב שֶׁלּא תֵּעָצֵלוּ כִּי אִם־תֵּלְכוּ בְּעִקְּבוֹת יוֹרְשֵׁי הַהַבְטָחוֹת בֶּאֱמוּנָה וְאׂרֶךְ נָפֶשׁ׃
יג כִּי בְּהַבְטִיחַ אֱלׂהִים אֶת־אַבְרָהָם נִשְׁבַּע בְּנַפְשׁוֹ יַעַן אֲשֶׁר־אֵין גָּדוֹל מִמֶּנּוּ לְהִשָּׁבַע בּוֹ׃
יד וַיּׂאמַר כִּי־בָרֵךְ אֲבָרֶכְךָ וְהַרְבָּה אַרְבֶּה אוֹתָךְ׃
טו וַיְהִי בְּהַאֲרִיךְ נַפְשׁוֹ וַיִּנְחַל אֶת־הַהַבְטָחָה׃
טז בְּנֵי הָאָדָם יִשָּׁבְעוּ בַּגָּדוֹל מֵהֶם וְהַשְּׁבוּעָה לָהֶם קֵץ כָּל־מַחֲלׂקֶת בְּקִיּוּם הַדָּבָר׃
יז עַל־כֵּן כַּאֲשֶׁר רָצָה הָאֱלׂהִים לְהַרְאוֹת בְּיוֹתֵר אֶת־יׂרְשֵׁי הַהַבְטָחָה שֶׁלּא־תִשְׁתַּנֶּה עֲצָתוֹ עָרַב אׂתָהּ בִּשְׁבוּעָה׃
יח לְמַעַן בִּשְׁנֵי דְבָרִים בִּלְתִּי מִשְׁתַּנִּים אֲשֶׁר חָלִילָה לֵאלׂהִים מִשַּׁקֵּר בָּם יִהְיֶה לָּנוּ אֲשֶׁר נַסְנוּ אֵלָיו מִבְטַח־עׂז לֶאֱחׂז בַּתִּקְוָה הַנְּתוּנָה לְפָנֵינוּ׃
יט אֲשֶׁר־הִיא לְנַפְשֵׁנוּ כְּעׂגֶן נָכוֹן וְחָזָק וּמַגִּיעַ אֶל־מִבֵּית לַפָּרׂכֶת׃
כ אֲשֶׁר־בָּא שָׁמָּה בַּעֲדֵנוּ יֵשׁוּעַ הָעׂבֵר לְפָנֵינוּ וַיְהִי־כׂהֵן גָּדוֹל לְעוֹלָם עַל־דִּבְרָתִי מַלְכִּי־צֶדֶק׃